Айқын Төлепберген, қазақстандық әнші

Айқын Төлепберген: Ортада бала болмаса, әйелді ауыстыру оңай

1890
Әнші бұрынғы әйелі Әселдің екінші рет тұрмысқа шығуына қарсы екенін айтқан болатын. Алайда ол ойынан айнып, бес жылдан кейін ұзату тойын өзі жасап беруге дайын екенін жеткізді  

АЛМАТЫ, 20 ақпан – Sputnik. Әнші Айқын Төлепберген Talk Like бағдарламасына берген сұхбатында жеке өмірі, той бизнес, эстрада жұлдыздарының әлеуметтік желіде лотерея ойнатуына қатысты пікір білдірді, деп хабарлайды Sputnik тілшісі.

Назарбаевтың шаңырағында өнер көрсеткен

Әнші тойды туыстарымен бас қосатын жер болғандықтан жақсы көретінін айтты. Сондай-ақ Елбасы Нұрсұлтан Назарбаевтың шаңырағында тойда болып, қолын алғанын жасырмады. Әншінің айтуынша, үлкен кісілер ақша жағынан сараңдық танытпай, қанша сұрасаң, сол бағаны төлейді.

"Тойды жабу керек, тоқтату керек деген адамдармен мүлде келіспеймін. Той – қазақтың қазынасы. Оны қалай өткізу – басқа шаруа. Тойға кредит алып жатсаң, ол – қате. Тойды қымбат мейрамханада жасау міндет емес. Оны үйіңде, шаңырағыңда құдалық сияқты жасауыңа да болады. Тойда туыстарыңды көресің. Оларды басқа қайдан көресің? Мен тойды жақсы көремін. Ол тойдан ақша тауып жатқанымнан емес. Бізді бай-қуатты адамдар ғана шақыра алады. Ал дүркіретіп той өткізу міндет емес", - деді әнші.

Әншінің айтуынша, Назарбаевтың отбасы өте қарапайым адамдар. Олардың алдында қысылып өнер көрсетсең, шақырмайды.  

Назарбаевтың отбасында болдым. Еселеп төлеу деген болған жоқ. Ол кісілер неше сұрайсың, сонша береді. Қысқартып, жеңілдік сұрамайды. Өз тойларында өздерін қарапайым ұстайды. Үлкен кісілердің тойларына шыққан әнші өзін еркін сезінуі керек. Қысылатын болсаң, сені шақырмайды. Мен басты адамдардың қолдарынан ұстап, билеңіз де ортаға шығарамын. Әншінің мақсаты да – осы", - дейді Төлепберген.

Оқи отырыңыз: Хасанғалиевтің әніне неге тыйым салынды – сексенге толған әнші жайлы қызық деректер

Назарбаевтың тойында болған әнші Тоқаевтың шаңырағындағы тойға қатыса ма, оны уақыт көрсететінін айтты.

"Нұрсұлтан ағамыздың қолынан бір рет ұстадым. Кішігірім жиын болды. Мені таныстырды, "Ассалаумағалейкум, аға" деп қолын алдым. Дариға Назарбаеваның да қолынан танысқан кезде ұстадым. Ал Тоқаевтың шаңырағындағы тойда әлі болмадым, бірақ мемлекеттік жиында алдында өнер көрсеттім", - деп шынын айтты әнші.

Фонограммамен ән айту – ұят

"Мен үшін фонограммамен ән айту – ұят. Кез келген той, концертте жанды дауыста ән айтуды жөн санаймын. Біздің әншілер вокалға да бармайды. Өмірінде вокалға бармаған әншілер де бар", - деді әнші.

Алайда кімді меңзеп тұрғанын ашып айтқысы келмеді. Себебі бір қазанда қайнап, бір саладан нанын тауып жеп отыр. Олардың атын атауды ұят санайды. Сондай-ақ, әріптестерінің желіде түрлі ұтыс ойнатуын алдау деп қабылдамайды. Тек салықты уақытында төлеп отыру керек дейді.   

Лотерея ойнату – алдау емес. Бірақ салық төлемеу – ұят. Егер сен өзіңнің Mercedes маркалы көлігіңді лотерея ойнатып, сатып, одан пайда тауып, бірақ салық төлемесең, ол – қылмыстық жауапкершілік. Бәрі заңды түрде болуы керек", - деді ол.

"Ғашық болып қалдым"

Айқын Төлепбергеннің бірінші әйелінің есімі – Әсел. 2017 жылы әнші Жұлдыз Өмірғалимен отбасын құрған болатын. Әнші отбасына қатысты сауалдарға жауап берді.  

"Әйелім Жұлдызбен көңіл қосқанымды 3 аптадай білген жоқ. Білген кезде ұрсыстық. Бірақ солай болып қалды. Елдің бәрі Жұлдыз бала көтеріп қалды, сондықтан үйленді деп айтып жатады. Олай емес. Жұлдыз екеуміз жарты жылдай бірге бөлек тұрдық. Әсел білді. Жұлдыз екеуміздің ұлымыз жоспарлы түрде дүниеге келді. Шынымды айтсам, мен ғашық болып қалдым. Басым айналып қалды. Ғашық болған адамдар түсінеді. Халық бұл жағдай туралы бір жылдан кейін білді", - деді әнші.

Сонымен қатар Айқын енді мұндай әрекет жасамайтын шығармын деп ақталды.

"Мәселе әйелде емес. Ортада бала болмаса, әйелді ауыстыру оңай екен. Ал арамызда бала болған соң, баланы қиып кету, оған басқа үйде тұратыныңды түсіндіру қиын екен", - деді Төлепберген.

Айқын бұрынғы әйелі Әселдің екінші рет тұрмысқа шығуына қарсы екенін айтқан болатын. Алайда ол ойынан айнып, бес жылдан кейін өзі ұзату тойын жасап бере алатынын жеткізді.

"Әселдің басқа адамға тұрмысқа шығуына жол бермеймін дегенім – еркектік эгоизм. Оны уақыт көрсетеді. 5 жылдан кейін өзім-ақ ұзатуын жасап беретін шығармын. Бақытты ана ғана балаларын бақытты қылады. Жақсы азамат кезіксе, неге шықпасқа?! Бірақ балалар өссін. Әсел мені таңдағанда да ұзақ шешім қабылдады", - деді ол.

Айта кетейік, Айқын Төлепбергеннің төрт баласы бар. Екеуі – алғашқы некеден. Жұлдыз Өмірғалимен бірге 2 бала өсіріп отыр.

1890
Кілт сөздер:
Назарбаев, бала, Айқын Төлепберген
Тақырып бойынша
Қазақстандық жұлдыздар балаларына қандай ерекше есімдер қойып жүр?
Елден жасырған ұл, коттедж жыры, ұшақтағы шу: Дауға қалған шоу-бизнес жұлдыздары
Айқын анасын ренжітіп алғанын айтып көзіне жас алды
Әнші Айқын Төлепберген қазақстандықтарға үндеу жасады – видео
Айқын Төлепбергенді "шорты" кигені үшін мейрамханадан қуып шықты
Айқын Төлепберген концерт алдында ауырып қалды
Микрофон

"Басқаша түсініп қалды": Нұрлан Еспанов коронавирус туралы айтқан сөзін түсіндірді

1602
(Жаңартылды 21:18 05.04.2020)
Sputnik Қазақстан тілшісі той бизнестің уақытша тоқтауына байланысты кімнің қаржылай қиындыққа тап болғанын біліп көрді

АЛМАТЫ, 5 сәуір – Sputnik, Айгерім Таубай. Төтенше жағдай енгізілуіне байланысты елімізде концерттер мен мәдени іс-шаралар уақытша тоқтатылды. Қазақстандықтарға топ болып жиналуға тыйым салынды, демек той-томалақ та болмайды. Sputnik Қазақстан тілшісі той бизнестің уақытша тоқтауына байланысты кімнің қаржылай қиындыққа тап болғанын біліп көрді.

Балконда ән салып жүр

"Қазақстанда коронавирус жоқ" деп халықты сабырға шақырып, артынша елдің сынына қалған әнші Нұрлан Еспанов карантин кезінде балконға шығып әнұран орындап, Ескендір Хасанғалиевтің "Атамекен" әнін шырқап жүргенін айтты.

"Live-концерт беріп жүрміз. Кеше "Еуразия" арнасы, бүгін "Алматы" телеарнасынан хабарласып, видео түсіруімізді сұрап жатыр. Үйде отырып жұмысымызды істеп жатырмыз. Кешке балконға шығып, ауладағы көршілермен қосылып ән айтамыз. Әнұранды, Ескендір ағамыздың "Атамекен" әнін орындаймыз. Көршілерім мені біледі, мен тұратын кіреберіске қарап айқайлайды. Содан түнімен концерт береміз", - дейді Еспанов.

Посмотреть эту публикацию в Instagram

Публикация от Нурлан Еспанов (@espanov_n)

Әншілердің басым бөлігі тойға шығып, табыс табатыны ешкімге жасырын емес. Ал соңғы жағдайға байланысты елімізде той тоқтап тұр. Өнер адамында қаржылық қиындық бар ма, оны да сұрадық.

"Бізді кішкене қинайтыны қаражат жағы, себебі қазір сұраныс жоқ. Үйде отырыңдар деген соң 19 наурыздан бастап ешқайда шыққан жоқпыз. Бізде басқа жұмыс жоқ. Студияға барып, ән жазайын десек, ол жақ та жабық тұр. Ал бізге тапсырыс беретін кісілер студияға келуі керек, ал қазір үйден шығуға болмайды. Біз қазір түгел тоқтап тұрмыз. Осындай сәтте қаржылық жағынан көмектесіп жатқан достарымыз аман болсын", - дейді әнші.

Аванс қайтарылмайды

Нұрлан Еспанов өзінің тұрақты жұмысы жоқ екенін айтты. Алдағы уақытта жақсы ұсыныс түссе, мемлекеттік қызметке орналасуға дайын.

"Осыған дейін көп жыл Шымкентте мемлекеттік қызметте болдым. Кейінгі жылдары да ұсыныстар түсіп жатыр. Жасымыз болса келіп тұр, мемлекеттік қызметке жақсы ұсыныс түссе, қабылдаймын. Композитор ретінде жұмысым көп. Мультфильмге, киноға, әншілерге ән жазамын. Телеарналардан тапсырыс түседі", - дейді Еспанов.

Айтуынша, той иелерінен ол да алдын-ала ақша сұрамайды. Себебі таныстары мен жақындарының тойларына барады.

"Мен көп жағдайда достарымның, жақындарымның тойына барамын. Алдын ала ақша алмаймын, сол тойда бергенін аламын. Ал беріп қойған күннің өзінде аванс қайтарылмайды. Кейін той жасаған кезде сол тойға барады ғой. Мен аванс алмаймын, соңы дауға айналатынын білемін", – дейді ол.

Еспанов әріптестерінің арасында қаржылық қиындық көріп жүрген өнер адамдарының бар екенін айтты. Тіпті кредиті бар әншілер ақыл-кеңес сұраған.

"Қандай әнші болсаң да, айналып баратын жерің той. Қиналып жатқан азаматтарды естіп жатырмыз. Әншілердің ішінде кредиті барларға қиын. Маған "Нұреке, не істесем болады" деп хабарласты. Жеңілдіктер болады деп жатыр ғой, күтеміз", - деді Еспанов.

Мен халықпен біргемін!

Сонымен қатар Еспанов біраз талқыға түскен видеосы жайлы да айтты. Айтуынша, әнші халықты сабырға шақыруға тырысқан, алайда бәзбіреулер әншінің ойын дұрыс түсінбеген.

"Магнумға келіншегім барған кезде "мынаны қарашы" деп дүкендегі халықтың дүрбелеңге салынып жатқанын түсіріп жіберді. Мен халыққа "уайымдамаңдар, үкімет барлығыңа азық-түлік жетеді деп айтты" деп басу айттым. Ал оны басқаша түсініп қалды. Оны айтқан кезімде коронавирус біздің елімізге келмеген болатын. Мен халықпен біргемін, Алматыдамын. Ешқайда кетіп қалған жоқпын", - деді ол.

"Бірнеше ай жұмыссыз отыруға қаражаты жетеді"

Ал әнші Майра Ілиясова карантин кезінде үйде отырғанын, жобаларын онлайн форматта өткізіп жатқанын айтты. Айтуынша, елімізде көп әншінің бірнеше ай жұмыссыз отыруға қаражаты жетеді.

"Біз секілді орнығып қалған, қоры бар әншілерге,әрине, бір-екі ай үйде отыру қиын емес. Бізде тек тойға баратын, жұмысқа орналаспағандар да бар. Тек тойға шығып, нәпақасын тауып жүрген жас әншілерге қиын. Маған ешкім тани қоймаған, күнделікті табысын тойдан тауып отырған әнші хабарласты. Қаржылай қиналып қалғанын айтты. Оларды үйде отырып, қиналып қалғанын сезіп, біліп, аяп отырмыз", - дейді Ілиясова.

Қазақстан Республикасының еңбек сіңірген қайраткері Майра Ілиясова
© Sputnik / Тимур Батыршин
Майра Ілиясова тек тойға шығып, нәпақа тауып жүрген жас әншілерге қиын екенін айтты

Сонымен қатар әнші төтенше жағдайға байланысты уақытша тоқтаған жобалары жайлы айтты.

"Қазақстанның әрбір азаматы секілді жауапкершілікті сезініп, үйде отырмыз. Телеарналар онлайн форматта ән сұраса, оны да жіберіп жатырмыз. Мамырдың 10-ы мен 20-сы аралығында астана мен Алматыда "Жұлдыз болғың келсе" деген республикалық байқауым өтуі керек болатын. Соның бәрін тоқтатып қоюға тура келді", - дейді ол.

Сонымен қатар әнші наурызда Маңғыстау облысында екі концерттің болмағанын айтты. Ұйымдастырушылар алдын ала төленген қаражат пен ұшақтың ақшасын сұрамаған. Кейін тағы шақырса, біз баруға дайынбыз, дейді әнші.

"Сағындырған әндер-ай" концерті бірінші мамырда астанада өтуі керек еді. Мен концерт өткізетін сарайға алдын ала ақша төлеген жоқпын, сондықтан шығын жоқ. Барлық концертті күзге ауыстырып отырмыз, әрине, әлі қай күні болатыны нақты белгіленген жоқ. Елдегі жағдайға қараймыз", - дейді Ілиясова.

15 миллион теңге шығын

Төтенше жағдай тек әншілерге ғана емес, асабаларға да әжептәуір әсер еткені сөзсіз. "Қымбат асаба болу жолдарын" үйретіп жүрген ұйымдастырушы әрі асаба Руслан Ысқақов 15 миллион теңге шығын көргенін айтты.

"Карантин енгізілгеннен бері 8-10 той кейінге шегерілді, төрт-бесеуі тіпті болмайтын болып, үйдің ішінде кішігірім отырыс болып өтті. Біз үшін, ұйымдатсырушылар үшін 15-20 миллион теңге шығын келді. Авансты қайтаруда әлі де қиындықтар бар. Көп той иесі алты ай бұрын, тіпті сегіз ай бұрын аванс берген. Ол қаражат айналымға түсіп кетті, жұмсалып кетті. Қаржыны ешкім қайтарамын деген оймен алмайды, аванс деген негізі қайтарылмайды. Бірақ осындай түсініксіз жағдайда қайтаруымызға тура келіп тұр. Қазір соның жолдарын ойластырып жатырмыз", - деп түсіндірді асаба.

Айтуынша, той ұйымдастырушы мен той иесі арасында келісімшарт бар. Алайда оның ішінде карантин болады деген бөлім жоқ. Кейде той иелері асабаның көп жылдық тәжірибесіне сеніп, келісімшарт жасамайтын көрінеді.

"Келісімшартта табиғи апат, қайғылы жағдай ескерілген. Наурыз бен сәуірдегі тойдың бәрі күзге шегеріліп жатыр. Ол кезде де біздің тойымыз бар, күндердің сәйкес келмеуі мүмкін. Қалай болатыны әзірге белгісіз. Елге, халыққа, мәселенің шешілуіне қарап отырмыз", - деді ол.

Әншілердің жинаған қаражаты бар

Сондай-ақ, Руслан Ысқақов той саласында тек әнші мен асаба емес, одан бөлек мыңдаған адам уақытша жұмыссыз қалғанын айтады.

"Той саласында біз әншілерді ғана байқаймыз. Өнерпаздар мен асабалардан бөлек тойдан нанын жеп отырған мыңдаған адам бар. Бишілер, музыканттар, аспап иелері, сахна мен залды безендіру, техника жауап беретін мамандар бар. Олар да қиын жағдайда", - дейді ол.

Посмотреть эту публикацию в Instagram

АСАБАЛАР ҮШІН #11 ⠀ Қайырлы кеш! “Асабалар үшін” айдарының бүгінгі жазбасында сіздерге импровизация туралы айтпақпын. ⠀ ❗️жазбаны оқымас бұрын, сақтап ал❗️ ⠀ Импровизация әр шоуменнің бойынан міндетті түрде табылуы керек. Негізі импровизацияны тек қажет жағдайларда қолдана білген дұрыс. Тойға тапсырыс алып, импровизацияның арқасында өткіземін деген ойдан аулақ болыңыз✖️ ⠀ Импровизацияны кез келген түсініксіз, ыңғайсыз жағдайдан тапқырлықпен шығып кету үшін орынды қолдана білу керек. ⠀ Асабаның бойындағы импровизацияны дамыту үшін мына жаттығуларды аптасына ең кемінде 1 рет жасап тұрыңыз: ⠀ ✅ Айнаға қарап, 1 минут бойы тоқтаусыз сөйлеңіз. Егер бұл жаттығу сізге тым оңай болса, онда 1 минут бойы бірдей әріптен басталатын сөздермен тоқтаусыз сөйлем құраңыз ⠀ ✅ Бір-біріне ұқсамайтын, кез келген екі затты ойлаңыз. Енді 3 минуттың ішінде сол екі заттың ең кемінде 5 ұқсастығын табыңыз ⠀ Осы жаттығуларды аптасына кемінде 1 реттен жасап тұрсаңыз, санаңыздағы импровизация деңгейін сөзсіз өсіресіз. ⠀ Айтпақшы, осы жаттығулардың толық комплексін өз курсымда айтатын боламын. Сондықтан, қапы қалмаңыз🙌🏻 ⠀ #RuslanIskakov #халықүшін

Публикация от РУСЛАН ИСКАКОВ |ВЕДУЩИЙ ШОУМЕН (@iskakov_showman)

Асабаның айтуынша, еліміздегі әншілердің 60-70 проценті тойға шығады, ал гонорары жоғары әншілер үшін карантин демалыспен тең.

"Біз көбіне танымал әртістермен жұмыс істейміз. Ал танымал әншілердің жинап қойған қаражаты бар. Тіпті арасында жеке кәсіппен айналысатындары да бар. Кәсібі жоқ, бірыңғай тойда жүрген әншілер де қиналып жатыр деп айта алмаймын. Орта деңгейдегі, арзандау тойда жүрген, сұранысқа қатты ие емес әртістер үшін өте қиын жағдай. Жалпы алғанда, әншілердің 60-70%-і қиын жағдайда, ал Қайрат Нұртас пен Төреғали Төреәлі, Ерке Есмахан секілді қымбат әншілер үшін карантин жай демалыс", - дейді Ысқақов.

1602
Тақырып:
Төтенше жағдай және карантин
Тақырып бойынша
Майра Ілиясова: Ринат айтыста профессор болсын, ал Димашта жұмысы болмасын
Төреғали еліміздің Бас мүфтиіне ұлының атын азан шақыртып қойдыртты - видео
"Миынан ісік табылды..." Роза Рымбаева сұқбат кезінде жылап қалды
Димашқа бақталас болмақ: Төреғали Төреәлі Қытайдағы жоспары туралы айтты
Ерке Есмахан "Қайданы" 9-сынып оқушысынан қалай алды?
Марат Омаров

"Құпия болған емес": Марат Омаров некесіз туған немересіне қатысты ойын айтты

1731
Әнші егер материалдық көмек керек болса, көмектесуге дайын екенін айтты. Бағдарлама барысында ДНҚ сараптамасының нәтижесі шықты

АЛМАТЫ, 13 наурыз – Sputnik. Түркістандық Кәмшат Таубай есімді бойжеткен отандық әнші Марат Омаровтың ұлы Азамат Омаровтан екіқабат болып қалғанын айтты.

Жас ананың айтуынша, екі жасар Көзайымның әкесі – Азамат Омаров, алайда ол қызына тегін беруден бас тартып отыр. Оқиғаның мән-жайы "Астарлы ақиқат" бағдарламасында талқыланды.

Бағдарламаға Азамат Омаровтың ата-анасы, әпкесі Зарина Омарова қатысты. Сондай-ақ, Кәмшат Таубайдың анасы мен әпкесі келді.

Азамат Омаровтың анасы Шаттық Назарова осы жағдай жайлы телеарнадан естіген соң Кәмшат Таубайдың анасына хабарласқан.

"Есімі Сәуле екен. 1971 жылы туған, арамызда 10 жас айырмашылық бар. Менің балам бір қызды жүкті қылып, оны білген соң жоқ болып кетіп, бала дүниеге келгенін біле тұра оған тегін беруден бас тартуы мүмкін емес. Менің балам (қыздың жүкті екенін) оны білсе, маған айтар еді. Ұлым астанада жұмыс істеп жүрді, содан шұғыл Алматыға келді. "Мама, менің мынадай қызым бар" деп суреттер жіберді ", - деді Азамат Омаровтың анасы.

Ал әнші Зарина Омарова інісінің ісін жақтап отырмағанын айтты.

"Мен Азаматты жақтап отырған жоқпын. Менің 95 жастағы әжем стресс алды. Азаматтың жары, балалары бар", - деді Зарина Омарова.

Түркістандық Кәмшаттың анасы – жеті баланың анасы. Өзіне ақша мен мүліктің қажет емес екенін айтқан ол "Омаровтар немересіне тегін берсе болды", - дейді.

"Қай ана баласын жаман болсын деп тәрбиелейді... Мен сіздерге қалай хабарласатын едім. Сізде үш бала болса, менің жеті балам бар. Маған ұрыстың керегі жоқ. Тек немерем Көзайымға тегін берсе болды. Кейін "тексіз " деп айтпаса екен", - деді Кәмшаттың анасы Сәуле Жаперова.

Студияға келген Марат Омаров: "Бірден маған келмей ме? Біз өзі аз халықпыз. Мен Кәмшаттың, жалпы қазақ қыздарының жылағанын қаламаймын. Ұлым екеуміздің арамызда ешқашан құпия болған емес. Ал бұл жағдайды маған айтпауы, оның сенімсіздігінен туып отыр. Мен үнемі өз жолың бар деп айтып отырамын. Әкенің малы балаға мал болмайды ", - деді.

Тағы оқыңыз: Әнші Мирас Бекжанов: Құралай сәбиіміз қыз екенін айтқанда қатты ұрыстым

Әншінің айтуынша, егер материалдық көмек керек болса, ол көмектесуге дайын.

"Балаға текті беруден қашып жатқан жоқпын. Ол генетикалық жақтан белгілі болады", - деді Марат Омаров.

Бағдарлама барысында ДНҚ сараптаманың нәтижесі де шықты.

"Азамат Омаровтың Көзайымның әкесі болу ықтималдылығы – 99,98 процент. Осы сараптама бойынша, Азамат Омаров 100 процент Көзайымның әкесі", – деді сараптама жүргізген маман.

Сараптама нәтижесі хабарланған соң, Марат Омаров екі жасар Көзайымды немересі ретінде қабылдап, әнін арнады.

ҚР еңбек сіңірген әртісі, әнші, композитор Марат Омаров үш рет үйленген. Зарина, Мәдина, Азамат Омаровтар алғашқы некеден дүниеге келген. Екінші некеден Зүлфия есімді қызы бар.

1731
Кілт сөздер:
немере, неке
Нұр-Сұлтан, архивтегі фото

Аптап ыстық, найзағай және бұршақ: жұмада ауа райы қандай болады

0
Қазақстанның үш өңірінде аптап ыстық болады, найзағай ойнап, қатты жел соғады деп болжануына байланысты дабылды ескерту жарияланды  

НҰР-СҰЛТАН, 28 мамыр – Sputnik. Қазгидромет метеорологтары 29 мамырда ауа-райы қандай болатынын болжады.

Ел аумағының басым бөлігі бұрынғыдай жоғары қысым аясында болады, осыған байланысты жауын-шашын болмайды. Синоптиктер тек солтүстікте, солтүстік-батыста өткінші жаңбыр жауады, найзағай ойнап, дауыл тұрады, сондай-ақ бұршақ жаууы мүмкін деп болжап отыр.

Оқи отырыңыз: Биылғы жаз қандай болады - ауа райы болжамы жарияланды 

Республиканың кей жерлерінде жел күшейеді, оңтүстігінде шаңды дауыл, оңтүстік-батыста тұман түседі.

Дабылды ескерту

29 мамырда таңертең және түстен кейін Қостанай облысының кей жерлерінде күн күркірейді, жел 15-20 м/с күшейеді.

Алдағы екі күнде, 29-30 мамырда Түркістан облысында кей жерлерде 15-20 м/с жылдамдықпен жел соғады.

29 мамырда күндіз Атырау облысында қатты ыстық болады – 35-38 градус.

Өңірлердегі ауа райы

Солтүстік Қазақстан облысында кей жерлерде дауыл соғады, бұршақ жауып, жел күшейеді – екпіні 25 м/с дейін.

Жамбыл, Ақмола, Шығыс Қазақстан, түнде Алматы, күндіз Қызылорда, Батыс Қазақстан, Павлодар, Қарағанды ​​облыстарында жел 15-20 м/с күшейеді, Жамбыл облысында шаңды дауыл тұрады.

Атырау, Ақтөбе облыстарында, Маңғыстау облысының оңтүстігінде, Қостанай облысында, Батыс Қазақстан облысының оңтүстік-шығысында қатты ыстық болады.

Павлодар, Шығыс Қазақстан, Қызылорда, Ақмола облыстарының кей жерлерінде төтенше өрт қаупі сақталады.

Мегаполистердегі ауа райы

Нұр-Сұлтанда түнде 11-13 градус жылы, күндіз 27-29 градус ыстық болады.

Алматыда түнде 12-14 градус жылы, күндіз – 26-28 градус.

Шымкентте түнде ауа температурасы 19-21 градус жылы, күндіз 33-35 градус ыстық болады.

0
Кілт сөздер:
аптап ыстық, бұршақ, жаңбыр, ауа райы
Тақырып бойынша
"Қазгидромет" мамыр айына болжам жасады