Жасөспірімдер

Психолог тәуелсіздік құрдастары туралы: оларда ішкі бостандық басым

90
Психоанализ институтының директоры Анна Кудиярова тәуелсіздік құрдастары туралы сұхбат берді.

АСТАНА, 18 жел – Sputnik. Қазақстан тәуелсіздігі құрдастары биыл 25-ке толады. Олар кімдер әрі кеңес дәуірінде өскен алдыңғы буын өкілдерінен несімен ерекшеленеді, міне, осы сұрақтарға Психоанализ институтының директоры Анна Кудиярова Sputnik Қазақстан агенттігіне берген сұхбатында жауап берді.

"1980 жылдары Мәскеуде жүріп, америкалық мектеп оқушыларын кезіктірдім. Менің пайымдауымша, олар өте емін-еркін өскен балалар еді, қонақ үй залында аяқтарын үстелдің үстіне шығарып отырды. Бұл біз үшін ақылға сыймайтын жайт еді. Ал, енді 25 жыл өткен соң біздің балалар да америкалық оқушыларға ұқсайды деп айта аламыз. Әсіресе, Алматы мен Астананың балаларын алып қарайтын болсақ – мегаполистің аты – мегаполис", — деді Кудиярова.

Оның пікірінше, қазіргі заманғы қазақстандық жастарда кеңес дәуірінде өскен адамдарға қарағанда ішкі бостандық пен еркіндік басымырақ.

"Мен қазіргі жастарды жан дүниесінің еркіндігі үшін құрметтеймін, шетелде білім алуға ұмтылыстарын жоғары бағалаймын. Бірнеше тілде емін-еркін сөйлейді, яғни қазіргі жастардың білімі жоғары", — дейді психолог.

Сонымен қатар, маманның пайымдауынша, қазіргі қазақстандық жастар алдыңғы буын өкілдерімен салыстырғанда өзімшілдеу.

"Психоаналитик ретінде қызмет етіп жүріп, қазақ тілді клиенттерге өзімшілдік қасиеттің жетіспейтіндігін байқаймын – олар "біз" деген есімдікті көбірек қолданады, "мен" деген ұғым жоқ", — деп санайды психоаналитик.

Кудиярова қазіргі жастардың мақсатқа талпынушы мінезін түсіндіріп берді.

"Бұрын менің бар мақсатым сабақты жақсы оқу болатын. Мектепте жақсы оқысам – ЖОО-на түсемін. Жақсы оқысам – жұмыс та, пәтер де, бәрі де болады. Қазір болашаққа ешқандай кепілдік жоқ. Сол себепті жастар көп еңбектену керек. Пәтер, көлік алып, жағдайын жасаған соң ғана отбасын құрады. Сол себепті жастар кеш үйленіп жатады", — дейді маман.

90
Архивтегі фото

Коронавирусқа қарсы қазақстандық вакцинаны кімдер салдырды?

6
COVID-19 індетіне қарсы қазақстандық вакцинаны ерікті түрде өздеріне салдырған ғалымдар жұмысын жалғастырып жатыр

НҰР-СҰЛТАН, 8 тамыз – Sputnik. COVID-19-ға қарсы қазақстандық вакцинаны әзірлеуші жеті ғалым вируспен жұмыс істеген кезде қауіпсіздікті қамтамасыз ету үшін вакцинаны ерікті түрде өздеріне салдырды, деп хабарлады білім және ғылым министрлігінің баспасөз қызметі.  

Вакцина БҒМ ғылым комитетінің Биологиялық қауіпсіздік мәселелері ғылыми-зерттеу институтында әзірленді.

"Ғалымдардың жағдайы жақсы, олар өз жұмысын жалғастырып жатыр", – деп мәлімдеді институт директоры Күнсұлу Зәкәрия.

Вакцинаны клиникаға дейінгі сынақтан өткізу нәтижелері дәрілік заттарды сараптау жөніндегі Ұлттық орталыққа сараптамалық жұмыстар жүргізу үшін жіберілді.

Қазақстандық вакцина адамдарға қашан сыналады

Сараптамалық жұмыстар шамамен тамыздың ортасында аяқталады. Денсаулық сақтау министрлігінің рұқсатын алғаннан кейін қыркүйек айында Алматы қаласындағы клиника базасында коронавирусқа антидене анықталмаған 18 жастан 50 жасқа дейінгі 44 еріктінің қатысуымен клиникалық сынақтардың бірінші кезеңі басталады деп жоспарланып отыр.

Вакцина салғаннан кейін олар 42 күн бойы бақылауда болады. Қазан айының ортасында клиникалық сынақтардың екінші кезеңін бастау жоспарланып отыр, ол 2020 жылдың желтоқсанында аяқталуы тиіс.

Коронавирустың екінші толқыны: елдің жағдайы не болады?

Кандидаттық вакциналардың клиникалық сынақтары оң нәтиже берген жағдайда Жамбыл облысы Отар кентіндегі Биологиялық қауіпсіздік проблемалары ғылыми-зерттеу институты жанынан салынып жатқан биофармацевтикалық зауыт базасында қазақстандық вакциналар өндірілетін болады.

Зауыт халықаралық стандартқа сай иммунобиологиялық дәрілік препараттарды, оның ішінде қазіргі уақытта қазақстандық ғалымдар клиникаға дейінгі сынақтарымен айналысып жатқан COVID-19-ға қарсы вакциналарды шығарады.

Еске сала кетейік, қазақстандық ғылыми-зерттеу институтының коронавирус инфекциясына қарсы екі кандидаттық вакцинасы Дүниежүзілік денсаулық сақтау ұйымының тізіміне енгізіліп, клиникаға дейінгі сынақтардан сәтті өтіп жатыр. COVID-19-ға қарсы екінші вакцина ДДСҰ сайтында 31 шілдеде кандидат ретінде тіркелген.

6
Кілт сөздер:
коронавирус, екпе
Тақырып:
Коронавирус эпидемиясы
Тақырып бойынша
Коронавирусқа қарсы жаппай егу қашан басталуы мүмкін – ғалым пікірі
Бекшин тұмауға шалдыққан науқас коронавирус жұқтырса не болатынын айтты
Мамин: Қазақстан коронавирусқа қарсы вакцинаны алғашқылардың бірі болып алудан үмітті  
Қазақстанда алғашқы адамға коронавирусқа қарсы вакцина салынды
Архивтегі фото

Қазақстанда Өзбекстаннан қара өрік алып келуге тыйым салынды

1210
(Жаңартылды 10:45 08.08.2020)
Бір аптаның ішінде өсімдіктер карантині саласындағы заңнама 18 рет бұзылған, қара өріктен үш рет Шығыс көбелегі, бір рет Комсток құрттары табылды

НҰР-СҰЛТАН, 8 тамыз – Sputnik. Қазақстан ауыл шаруашылығы министрлігі АӨК мемлекеттік инспекция комитеті Өзбекстан аумағынан қара өрік әкелуге тыйым салу түрінде уақытша карантиндік фитосанитарлық шаралар енгізді, деп хабарлады АШМ баспасөз қызметі.  

Мұндай шешімге Өзбекстаннан келген қара өрік жемісінен карантиндік объектілердің жиі анықталуы себеп болды.

Сливы, иллюстративное фото
© Sputnik / Томас Тхайцук
Қара өрік

2020 жылдың 24 шілдесінен 1 тамызына дейін өсімдіктер карантині саласындағы заңнама 18 рет бұзылған, оның ішінде 3 жағдайда жемістерде Шығыс көбелегі (Grapholitha tolesta Busck), бір жағдайда Комсток құрттары (Pseudoccus comstocki (Kuwana) табылды.

Оқи отырыңыз: Қазақстанда карантин кезінде шекарадан кімдер өте алатыны белгілі болды 

Шектеу шаралары Қазақстан аумағында қолайлы фитосанитариялық жағдайды қамтамасыз ету мақсатында енгізілді.

Шығыс жемісі қауіпті карантиндік зиянкес саналады. Шабдалы, өрік, алма, нектарин, қара өрік, айва, алмұрт, шие, лавр,  бадамның өсінділері мен жемістеріне 90% дейін зиян келтіруі мүмкін.

Кеміргіш құрт бұтақты кептіріп, жапырақтарды, өсімдік жемістерін сарғайтып жібереді. Жемістің сапасы нашарлай түседі.  

1210
Кілт сөздер:
Өзбекстан, жеміс-жидек
Тақырып бойынша
Коронавирус тамақ арқылы қалай жұғуы мүмкін - маман жауабы
Өмірді ұзартып, қартаюды баяулатады – ғалымдар ерекше жемісті атады
Дәрігерлер мандаринді қай уақытта жеуге болмайтынын айтты
Нұр-Сұлтанда тонналаған түрік анары өртелді
Қандай тағамдар өте қауіпті екені анықталды