Ильдар Галиакбаров

Мүгедек жан Жеңіс күні құрметіне Уфадан Астанаға арбамен сапар шекті

22
Ильдар Галиакбаров башқұрт ардагерлерінен қазақстандық майдангерлерге хат әкеле жатыр

АСТАНА, 4 мамыр — Sputnik. Арбаға таңылған мүгедек жан Ильдар Галиакбаров Уфадан Астанаға сапар шекті. Ол бұл саяхатын Жеңіс күніне арнайды, деп жазады "Наша газета" басылымы.

Ильдар Қостанай қаласына жетіпті, енді межелеген жері — Қазақстан астанасына аттанбақ. Уфа түбіндегі Иглино ауылының тұрғыны айтып өткендей, жол апатына түсіп, екі аяғы мен саусақтарынан айырылған екен. Соған қарамастан үш жыл бұрын саяхаттауға шешім қабылдайды.

Ильдар арбасымен Башқұртстанның солтүстік-шығысында 800 километрді жүріп өткен, кейін 23 күнде Севастополь қаласына жетеді.

Оның ендігі мақсаты — мың жарым шақырымды жүріп өтіп, Астанаға жету. Ол қазақстандық ардагерлерге башқұрт ардегерлерінің хатын әкеле жатыр.

Галиакбаров Уфадан 17 сәуір күні шыққан, күніне жүз шақырымдай жүреді. Қостанайда арбасының жылдамдық механизмі бұзылып, жөндеуге беріпті.

Ильдар қазақстандықтардың қонақжайлығын ерекше атап өтіп, Қостанай халқының құшақ жая қарсы алғанына таңданысын жасырмады.

22
Тақырып:
9 мамыр – Жеңіс күні (12)
Загрузка...