АСТАНА, 22 мамыр — Sputnik. Полиция қызметкерлері Грузия азаматы Арчил Давитадзенің өлімі дерегі бойынша "Өз-өзіне қол жұмсауға жеткізу" бабына сәйкес тергеу ісін бастады, деп хабарлады елордалық ішкі істер департаменті Sputnik Қазақстан агенттігіне.
"1992 жылы туған Грузия азаматының денесі Қорғалжын жолы бойындағы саяжай ауданынан зорлық-зомбылық белгілерінсіз табылды. ҚР ҚК 105-бабы бойынша сот алды тергеу жүргізіліп жатыр. Сот-медициналық сараптама тағайындалған", — деп хабарлады ІІД.
Полиция түсіндіріп өткендей, Арчил Давитадзе асылып қалған күйінде табылыпты.
ҚР-дағы Грузия елшілігі бұл оқиға туралы Sputnik Қазақстан агенттігіне пікір білдіруден бас тартты.
Айта кетелік, Астанада әйелі мен баласымен тұрып жатқан Грузия азаматы Арчил Давитадзе 18 мамырда із-түзсіз жоғалып кеткен.
