Мечеть Нур-Астана, виды столицы Казахстана

Ораза жан мен тән тазаратын үлкен сабыр мектебі

1247
(Жаңартылды 14:25 26.05.2017)
Барша мұсылман қауымы үшін қасиетті ай Рамазан 27 мамырда басталады

АСТАНА, 26 мамыр — Sputnik, Айымгүл Әбіл. Барша мұсылман қауымы асыға күтетін он екі айдың сұлтаны қасиетті Рамазан айы келіп жетті. Адам баласының жаны мен тәнін тазартатын ораза құлшылығы осы айда әр мұсылманға парыз етілген. Биылғы жылы Рамазан айының алғашқы күні 27 мамырға тура келіп отыр. Ораза биыл 29 күнге созылады. Ал маусымның 21-нен 22-не қараған түн — қасиетті Қадыр түні. 

Сөзсіз, Рамазан айы мұсылман жамағаты үшін қасиетті, қадірлі. Ақ пен қараны ажыратып, сауап пен күнәнің парқын көрсетіп, тура жолға үндейтін Құран Кәрімнің аяттары жерге түсе бастаған ай. Адам баласына мол сауап жинап, жаратушының рақымына кенелуге берілген мүмкіндік. Сондықтан мұсылман жамағаты бұл айды асыға күтіп, ықыласпен қарсы алады. 

Жан мен тән рухани тазарады

Рамазанда ораза ұстау мұсылманға парыз. Араб тіліндегі "саум" (ораза) сөзі "адамның өзін тізгіндей білуі және жол бермеу" деген мағынаны білдіреді. Оразаның терминдік мағынасы – ниет ете отырып, таңның атысынан күннің батысына дейін ішіп-жеуден және басқа да нәпсі қалауынан тыйылу. 

"Рамазан айында Алланың мейірімі төгіліп, жұмақтың есігі айқара ашылып, тозақ есіктері жабылып, жын-шайтандар шынжырланады және осы айда тілектер қабыл болады. Сондықтан, Алладан тәуелсіздігіміздің баянды болуын, еліміздің тыныш, халқымыз аман болуын тілейтін болсақ, осы айда қабыл болады. Пайғамбарымыз хадисінде былай дейді: "Нәпіл намаз оқысаңыз, бір нәпілдің сауабы парыз жасағанмен тең. Егер парыз амалын орындасаңыз, бір парыз жетпіс парызға тең болатын қасиетті ай". Қасиетті айда адам баласы жасайтын ізгі амалдардың сауабы мол", — дейді Қазастан мұсылмандары діни басқармасының наиб мүфтиі, "Нұр Астана" мешітінің бас имамы Наурызбай қажы Тағанұлы. 

Ораза — өзіңді тек ішіп-жеуден ғана шектеу деген сөз емес. Наурызбай қажы Тағанұлының айтуынша, Ораза – жан мен тәнді рухани тазартатын үлкен сабыр мектебі. Төзімділікке тәрбиелейтін, адам баласының шын ықыласпен тәубеге келетін айы.

"Ораза деген таңертеңнен кешке дейін аш жүру деген сөз емес, ораза — бұл рухани құлшылық. Адам өз-өзін тәрбиелейді. Оразада ауыз бекітіп қана қоймай, күнәдан тазару керек. Көзін, құлағын, тілін, қолын, аяғын — бүкіл ағзасын күнәдан тыю қажет. Яғни, адам отыз күн бойы жаман істерден тыю арқылы өзін тәрбиелейді. Адам бір ай бойы бір нәрсемен шынықса, кейін басқа уақытта да сол әдеті қалады ғой. Сол сияқты Оразадан кейін да адам жақсы ой мен ізгі істерге ұмтылады", — дейді имам. 

Ораза – диета емес…

Елімізде жыл сайын Рамазан айында ауыз бекітетін адамдар көбейіп келеді екен. Олардың қатарында, әсіресе, жастар көп. Ал ораза кезінде дінге бет бұратындар аз болмайды. Сондықтан осы уақытта түсіндіру, ақпараттандыру жұмысын сауатты жүргізу маңызды.

"Ораза кезінде дінге келушілер көп болады. Ал қазір жасыратыны жоқ, түрлі ағымдар бар. Адамдардың теріс ағымдарға кетіп қалмауына жол бермеу үшін тырысып жатырмыз. Оларға дұрыс ақпарат беру үшін үлкен  жұмыс істелуде. Ораза кезінде жамағаттан көп сұрақ болады. Осыған байланысты ақпараттар, бейнероликтер таратылды", — дейді Наурызбай қажы Тағанұлы. 

Ал "Әзірет Сұлтан" мешітінің наиб имамы Бақытжан Өткелбаевтың айтуынша, оразаның мәнін дұрыс түсіне білген абзал. Алланың ризашылығы үшін емес, басқа ниетпен ауыз бекіткен адамға оразаның сауабы болмайды. 

"Рамазанда артық салмақтан арылу, диета үшін, немесе біреуге еліктеп, болмаса мода болсын деген сияқты жағдайларда оразаның сауабы болмайды. Бір Алланың ризашылығы үшін ораза ұстауымыз керек. Бірақ тамақ пен судан шектелген соң адам белгілі бір деңгейде салмақ тастайды. Және оразаның денсаулыққа пайдасы өте көп. Ағзаның тазарып, бір жыл бойы тынымсыз жұмыс істеген ас қорыту жүйесінің дем алып, ретке келуіне мүмкіншілік болады. Ағза жақсы жұмыс істесе, денсаулық жақсаратыны анық", — деп әңгімеледі имам. 

Ораза ұстамаған адамға не істеу керек?

Балаға, науқасқа, жолаушыға, қарт адамдарға ораза ұстамауға рұқсат етіледі. Ал ауыз бекітуге дайын емес адамдар қасиетті айда көбірек жақсылық жасап, ізгі істерге тырысқаны абзал. Өйткені, Оразада жасалған әрбір қайырлы іс – үлкен сауап.

"Алла тағала қасиетті Құранда былай дейді: «Дінде зорлық жоқ». Дін ешкімді ешбір нәрсеге зорламайды. Ораза мұсылман адам үшін парыз болғанымен, оған дайын болмаса, зорлық жоқ. Ол адам бұл айдың құрметін жасаса, Алланың рахметі болады. Мысалы, кітаптарда, уағыздарда басқа діннің өкілдері ораза айында мұсылманның оразасын құрмет қылса игі деп айтады. Сол сияқты ораза ұстамайтын адамдар аузы берік жандардың көзінше тамақ жемей, құрмет көрсетсе, осының өзі оған сауап болып есептеледі", — дейді Наурызбай қажы Тағанұлы. 

Сонымен қатар, аузы берік адамдарға ауызашар беру — сауап амал. Пайғамбарымыз былай дейді: "Аузы берік жанды ауызашарға шақырып тамақ берген – ораза ұстаған адамның алатындай сауап алады. Аузы берік адамның сауабынан да еш нәрсе кемімейді". Осылайша, Рамазан айында ораза ұстамаған адамның да сауап жинауға мүмкіндігі бар. Әрі қасиетті айда игі істердің сауабы еселенеді емес пе?! Әркім бойын күнә атаулыдан аулақ ұстап, жұртқа жақсылық жасап, кедей-кембағал, жарлы-жақыбайларға көмектесіп, садақа беріп, Алланың рақымына ие бола алады. Тек оның бәрін таза, адал ниетпен істеу керек. 

Кімге пітір садақа беру міндет емес?

Биыл пітір садақа мөлшері 300 теңге мөлшерінде белгіленді. Былтыр 200 теңге болатын. Пітірсадақаның мөлшері бидай бағасынан алынады, сондықтан биыл ол өскен. Жарты сағ, яғни 1 кг 625 грамм көлеміндегі бидайдың құнымен есептеледі. Пітір садақаны құрма, мейіз, арпаның құнымен де беруге болады. 1 сағ қазіргі өлшеммен алғанда – 3, 25 кг.

"Пітір садақасы бидайға, құрмаға, арпаға, мейізге қарап өлшене береді. Бірақ Қазақстан мұсылмандары діни басқармасы ең төменгі бидайдың немесе ұнның бағасынан есептейді. Жағдайы бар адамдар жетім-жесірдің, тұрмыс төмен отбасылардың жағдайын ойлап, бағасы қымбат мейіз, құрма бағасынан садақа берем десе, нұр үстіне нұр болады", — дейді "Әзірет Сұлтан" мешітінің наиб имамы Бақытжан Өткелбаев. 

Имамның айтуынша, пітір садақасын беру жағдайы жақсы, ауқатты адамдарға міндет. Ал тұрмысы төмен отбасыларға уәжіп емес, оларға мүмкіндігінше беруге рұқсат етіледі. Бірақ халқымыз көбінесе Рамазанда сауап алу үшін пітір садақа беруді өз міндеті санайды.  

"Пітірсадақа негізі бай адамдарға міндетті. Ол кімдер? 85 грамм алтын көлемінде қаржысы бар, бір жыл өзінде немесе саудада айналымда болған адам. Малдан қырық қой деген сияқты ғой. Дегенмен, біздің қазақ халқы иманды халық болған соң, пітір садақа беру ата-бабадан келе жатқан, қалыптасып кеткен. Әлеуметтік аз қамтылған азаматтардың өзі пітір садақасын беріп, сауапқа кенелгісі келеді. Бірақ оларға міндет емес, өз еркі. Пітір садақасын бермесе, бір нәрсе жоғалтқандай, үлкен сауаптан құр қалғандай есептеп, әркім беруге тырысатыны содан", — дейді наиб имам. 

Пітір садақаны Рамазан айының басталуынан айт намазына дейін беруге болады. Әдеттегідей, Рамазанда жиналған пітір садақа оразадан кейін мұқтаж жандарға, тұрмысы төмен отбасыларға үлестіріледі. Мешітке өтініш жазған азаматтарға азық түлік есебінде немесе қаржылай көмек көрсетіледі

1247
Тақырып:
Рамазан айы - 2019 (40)
Көлікке тиелген табыт

Нұр-Сұлтанда крематорий салынады

415
Крематорийді 2022 жылы пайдалануға беру жоспарланып отыр. Ал нысан құрылысына 1,5 миллиард теңге бөлінеді

АЛМАТЫ, 10 тамыз – Sputnik. Нұр-Сұлтанда 3,6 миллион долларға зираты бар крематорий салынады деп жоспарланып отыр. Бұл туралы "Ашық бюджеттер" порталында хабарланды.

Зираты бар крематорий құрылысы биыл басталады. Ал нысан 2022 жылы пайдалануға беріледі. Жобаны жүзеге асыру Нұр-Сұлтан қаласының құрылыс басқармасы мен ведомство басшысы Сәкен Сәрсенғалиевқа жүктелді.

"Құрылысқа жергілікті және республикалық бюджеттен 1 миллиард 519 миллион 285 мың теңге немесе 3,6 миллион доллар бөлінеді. Жобаның мақсаты – дәстүрлі жерлеу орындары бар зираттардың аумағын азайту", - делінген хабарламада.

Жоба 5 тамызда жарияланды, көпшілік талқылауы 19 тамызда аяқталады. 11 тамыздағы жағдай бойынша ешкім жобаны қолдап немесе қарсы екенін айтып  дауыс берген жоқ.

Алматыдағы крематорий

Айта кетейік, крематорий құрылысына қатысты жоспар осы жылдың маусым айында хабарланған болатын. Сол кезде әділет министрлігі алғашқы крематорийлер Алматы мен Нұр-Сұлтанда пайда болатынын айтты. Төтенше жағдай кезінде мемлекеттік комиссия ведомствоға Қазақстанның мегаполистерінде крематорий салу мақсатында бюджеттік өтінімді әзірлеуді және енгізуді тапсырды.

Алматы мемлекеттік активтер басқармасында құрылысқа тендер жарияланды.

Техникалық ерекшелік бөлігінде болашақ тапсырысты орындаушы жергілікті жердің сейсмикалық ерекшеліктерін ескеруі қажет екені көрсетілген.

Оқи отырыңыз: Назарбаев: өмірден түңілсеңіз, зират басына барыңыз

Крематорийді екі пеші бар бір орынды етіп жасау жоспарланып отыр. Сонымен қатар әкімшілік нысандарда ауаны желдету, ішкі және сыртқы бейнебақылау жүйесін орнату қажет.

415
Кілт сөздер:
жерлеу, зират
Тақырып бойынша
"Жерлеу құны 500 мың теңге": Қарағанды облысының әкімі жағдайды түсіндірді  
Мүфтият жаназа мен жерлеу талаптарын жариялады
Қашан және Астананың қай жерінде жаңа зират пайда болады
Қостанайда "зират қиратылды" деп ақпарат таратқан әйел жазаға тартылады
"Жаны жай таппаған": астанада зират үстіндегі үйлерді елес кезіп жүргені рас па?
Планшет, оқушы

"Көмектесуді сұраймыз": Қазақстанда қайырымдылық акциясы басталды

82
(Жаңартылды 17:45 11.08.2020)
Қазақстанда оқушыларға компьютер таратуға арналған қайырымдылық акциясы басталды. Республикалық акция аясында ақша аударуға немесе үйде тұрған артық техниканы тапсыруға болады 

НҰР-СҰЛТАН, 11 тамыз – Sputnik. Білім және ғылым министрлігі "OQY'SHYNY QOLDA!" республикалық қайырымдылық акциясының басталғанын жариялады, деп хабарлайды Sputnik Қазақстан тілшісі.

Балалар құқығын қорғау комитетінің төрағасы Есенғазы Иманғалиевтің айтуынша, акция аясында демеушілік қаржыға компьютер, планшет пен ноутбуктар сатып алынады. Сосын нақты санатқа кіретін оқушыларға уақытша пайдалануға беріледі. 

"Біз барлық қазақстандықтардан және кәсіпорындардан, компаниялар мен ұйымдардан акцияға қатысуға және балаларға қашықтан оқуға көмектесуді сұраймыз", - деді Иманғалиев.

Оның сөзіне қарағанда, демеушілер мен меценаттардың ақшасына сатып алынатын компьютерлік техника алдымен ерекше қажеттілігі бар балалар мен жетімдерге беріледі. Одан кейін атаулы әлеуметтік көмек алатын отбасы балаларына, мүгедек ата-анасы бар балаларға, сондай-ақ, көпбалалы отбасыдан шыққан балаларға таратылады. Ауылдың балаларына да беріледі. Бүгінде министрлік 20 мың баланың тізімін бекітіп берді. 

"Атамекен" ҰКП мен "Менің Атамекенім" қоғамдық бірлестігі де қайырымдылық акциясын іске асыруға көмектеседі.

Арнайы сайт ашылды 

Барлық демеушілік көмек www.qoldau.edu.kz арқылы қабылданады. Ал сатып алынған техника мектептерге тапсырылады. Сайтта баланың жеке сәйкестендіру нөмірінің соңғы алты цифрын енгізіп, компьютерді ала ма, жоқ па, соны тексеруге де болады. 

"Менің Атамекенім" қоғамдық бірлестігінің атқарушы директоры Ләззат Шынқысбаеваның айтуынша, сайтта барлық реквизиттер көрсетілген. Соған ақша аударуға болады. Демеушілер өз мектебін де таңдай алады. Үйде тұрған артық компьютерлік техниканы да тапсыруға болады. 

"Мектепті таңдағаннан кейін техникаға мұқтаж балалардың тізімі шығады. Ал үйде тұрған артық техниканы беремін десеңіз, сайтта көрсетілген байланыс орталығына хабарласуға болады. Біз серіктестерді бірлесіп жұмыс істеуге шақырамыз. Мүмкіндік болса, қолданылған компьютерді бір жерге жинаймыз да, жөндеп, қалпына келтіреміз. Сөйтіп, мектептерге тапсырамыз", - деді ол.  

Министрдің уәдесі 

Биыл жаңа оқу жылы қашықтан оқыту форматында басталады. Дегенмен, бүгінде компьютерлік техниканың тапшылығы өзекті болып тұр. Мәселен, қолында ешқандай құрылғысы жоқ балалардың өзі аз емес. Олардың саны 185 мың адамнан асады. Әсіресе, көпбалалы, жағдайы төмен және жетім балаларды қажетті техникамен қамтамасыз ету мәселесі өзекті болып тұр.

Министр 1 қыркүйекке дейін 500 мың компьютер таратуға уәде берген. Соның бәрі балаларға мүлікті тапсыру актілерімен таратылады. Бұдан бөлек, 24 мың мұғалімде техника жоқ. Оларға мектеп техникасы уақытша беріледі. 

Оқушыларға арналған техниканың ақшасы ұрланды 

Өткен аптаның соңында сыбайлас жемқорлыққа қарсы іс-қимыл агенттігі Батыс Қазақстан облысында төтенше жағдай кезінде оқушыларға ноутбук сатып алуға бөлінген қаржының ұрланған хабарлады. 

Ресми мәліметке сәйкес, "БҚО Қаратөбе ауданының білім бөлімі" мемлекеттік мекемесінің лауазымды тұлғалары мамыр айында Қазақстан аумағында төтенше жағдай енгізілген кезде мердігерлік ұйымның бір топ адамымен бірлесіп, 100 дана ноутбук сатып алуға бөлінген 6 миллион теңгеден астам бюджет қаражатын жымқырғаны үшін айыпталып отыр.

 

82
Кілт сөздер:
қайырымдылық, компьютер, оқушы
Тақырып бойынша
"Ашық айтуымыз керек": білім министрі үкіметте маңызды мәселені көтерді
Тоқаев білім министріне ұстаздарға қатысты екі маңызды тапсырма берді
Аймағамбетов жаңа оқу жылында білім алудың ерекшеліктерін атады
Аймағамбетов білім саласында қандай өзгерістер болатынын жариялады
Білім министрі ұстаздарға хат жолдады
Евгений Примаков

Россотрудничество жаңа жобаларды қолға алады Примаков

0
Бұл жоғары оқу орындарында оқуға берілетін квоталар ғана емес, өзге де білім жобалары болатыны айтылып отыр

НҰР-СҰЛТАН, 11 тамыз — Sputnik. Россотрудничество білім саласында жаңа жобаларды қолға алады. Бұл туралы ТМД істері жөніндегі федералды агенттіктің жетекшісі Евгений Примаков айтты.

"Білім саласында тың жобалар болады. Білім халықаралық дамуға қолдау көрсетудің маңызды салаларының бірі. Ресейдің ЖОО-лары беретін білім, әсіресе, ТМД елдерінде бәсекеге қабілетті", - деді ол. 

Оның айтуынша, білім жаңа мүмкіндіктер ашады.

"Көптеген адам үшін шет тілі әлеуметтік және экономикалық мүмкіндік ашатын біліктілік. Бұл дұрыс", - деді Примаков. 

Сондай-ақ, ол алдағы уақытта ресейлік тарап ұсынатын квоталар екі есеге артатынын жеткізді.

0