Қоғам

Тасмағамбетов Ресейдегі қазақтандық студенттермен 3 сағат бойы әңгімелесті

© Photo : Минобороны КазахстанаИманғали Тасмағамбетов
Иманғали Тасмағамбетов - Sputnik Қазақстан
Жазылу
Қазақстан Республикасының Ресей Федерациясындағы Елшісі Иманғали Тасмағамбетов қазақстандық студенттермен кездесті

АСТАНА, 30 мамыр — Sputnik. РФ Сыртқы істер министрлігіне қарасты Мәскеу мемлекеттік халықаралық қатынастар институтында Қазақстанның Ресейдегі Төтенше және Өкілетті Елшісі Иманғали Тасмағамбетов Ресейдің жоғары оқу орындарында білім алып жатқан қазақстандық студенттермен кездесті, деп хабарлайды Қазақстанның Ресейдегі елшілігі.

Тасмағамбетов - Sputnik Қазақстан
Саясат
Тасмағамбетов Қазақстанның Ресейдегі елшісі болып тағайындалды

Кездесудің ашылуында Елші Қазақстан тәуелсіздігінің 25 жылдығы аясында жеткен жетістіктері туралы баяндады. Ол елімізде шетелдік оқу орындарында мамандарды даярлауға үлкен көңіл бөлінетінін айтты.

Қазақстандық дипломат Президент Нұрсұлтан Әбішұлы Назарбаевтың бастамасымен бір ғана "Болашақ" бағдарламасы аясында 8,5 мыңнан аса маман даярланғанын еске салды. Елші Мемлекет басшысының ғаламдық бастамалары әлемдік аренада халықаралық қауымдастық тарапынан жоғары бағаланатынын жеткізді.

"Сіздер болашақ дипломат ретінде тәуелсіздік жылдарында Қазақстанның барлық мемлекеттермен әріптестік, достық және бейбітсүйгіш қарым-қатынастар орнатқанын білесіздер. Бүгінде сендер өмір бойы бір ғана мамандықпен бір жұмыс атқарады деу қиын. Оқу және қайта оқу – бұл жаңа өмірдің талабы, ол өмір бойы жетілуді қажет етеді", – деді қазақстандық Елші.

Атап айтқанда, Иманғали Тасмағамбетов білім алу Экономикалық ынтымақтастық және даму ұйымы елдерінде үшінші деңгейде орналасқанын және оның 42 пайызды құрайтындығын дәлел ретінде келтірді.

Назарбаев Университет - Sputnik Қазақстан
Қоғам
Елбасы Назарбаев Университетінде байдың балалары ғана оқиды деген қауесетті жоққа шығарды

Сонымен қатар, Елші Қазақстанда жас мамандардың алдында тұрған жаңа мүмкіндіктер туралы айтты. Оның пайымдауынша, Мемлекет басшысы жариялаған Үшінші модернизация білікті мамандарды қажет етеді.

3 сағаттық кездесу барысында Иманғали Тасмағамбетов Ресейде жүрген жастардың көкейінде жүрген сан алуын сауалдарына жауап берді.

"Естеріңізде болсын, әрқайсыңыз еліміздің бөлінбес бір бөлшегісіз! Сіздерге қарап, өзге ел еліміздің, ұлтымыздың қандай екенін танып біледі. Сіздер сапалы білім алып, сол білімдеріңізді еліміздің өсіп-өркендеуіне қосуларыңыз қажет. Еліміздің болашағы сіздерге байланысты. Білімді жастар — болашақ кепілі", – деп түйіндеді өз сөзін елші мырза.

Айта кетейік, кездесуге Ресейдің 20 жоғары оқу орнында білім алып жатқан жүзден астам студент қатысты.

Жаңалықтар
0