Қоғам

Елбасы: цифрлық технологиялардың пайдасы зор, бірақ олардан төнетін қауіп те бар

CC0 / Tookapic / Хакер, программист
Хакер, программист - Sputnik Қазақстан
Жазылу
Президент пен Қазақстан қауіпсіздік кеңесінің мүшелері киберқауіпсіздікті қамтамасыз ету мәселелерін талқылады

АСТАНА, 11 шілде – Sputnik. Мемлекет басшысының төрағалығымен Қауіпсіздік кеңесінің отырысы өтті. Онда киберқауіпсіздікті қамтамасыз ету мен терроризмнің алдын алу жөніндегі өзекті мәселелер талқыланды, деп хабарлады Ақорданың баспасөз қызметі. 

Хакер - Sputnik Қазақстан
Қоғам
"Қазақстанның киберқалқанын" талқылауға қатысыңыздар

Қазақстан Президенті қазіргі кезде цифрлық технологияларды енгізудің маңыздылығына тоқталып, бұл ретте кибер қауіп-қатерге және ақпараттық технологияларды заңсыз пайдалануға қарсы тұру қажеттігін атап өтті.

"Ақпараттық-коммуникациялық технологиялар адам өмірі мен мемлекеттің барлық саласында кездеседі. Сондықтан мен «Қазақстанның үшінші жаңғыруы: жаһандық бәсекеге қабілеттілік» атты жолдауда цифрлық технологияларды дамыту мақсатын қойдым. Оның пайдасы зор, бірақ оны енгізумен бірге кибершабуылдар жасау қаупі де туындайды. Сол себептен Қазақстан оған дайын болуға тиіс", – деді Елбасы.

Нұрсұлтан Назарбаев жиынға қатысушылар назарын еліміздегі және әлемдегі террористік топтардың деструктивті әрекеттерінің салдарларына аударып, оларға қарсы тиімді жұмыстар жүргізуді бір жолға қою қажеттігін айтты.

Соңында Мемлекет басшысы бірқатар нақты тапсырма берді.


Жаңалықтар
0