АСТАНА, 26 қыркүйек – Sputnik."Біз қазір депутаттармен, журналисттермен немесе үкіметтік емес ұйымдармен бірлесе отырып өзгерістер енгізуді ұсынып отырмыз.
Жаңа заң жобасындағы қалған сұрақтарды талдаймыз. Бұл өте ұзақ процесс", — деді журналисттерге Абаев үкімет отырысынан кейін.
Оның айтуынша, үлкен жұмыс жасалды, сонымен қатар үкіметтік емес ұйымдардың көмегімен бірқатар іс атқарылды, себебі БАҚ туралы заңнамаға өзгеріс енгізу мәселесі қазіргі уақытта пісіп-жетілді.
Бұған дейін министр Дәурен Абаев Facebook бетінде БАҚ туралы жаңа заңнаманы түсіндіру туралы видео жариялаған болатын. Оның айтуынша бұл өзгерістер қалайда болсын, әр қазақстандыққа қатысты болады, сондықтан жаңашылдықтың барлығын егжей-тегжейлі түсіндіру қажеттігі туындаған болатын.
200-ден астам түзетулер енгізілген заң жобасы мәжіліске шілде айының соңында ұсынылған болатын.
