АСТАНА, 16 қараша — Sputnik. Атмосфералық фронттардың өтуіне байланысты ертең, 17 қараша күні Қазақстанның басым бөлігінде ауа райы жауын-шашынды болады, тек оңтүстік-шығыс пен оңтүстікте, батыста күн ашық, деп хабарлайды "Қазгидромет" РМК.
Республиканың кей жерлерінде көктайғақ болып, тұман түсіп, жел 15-20 м/с күшейеді, солтүстікте бұрқасын болуы мүмкін.
Ақмола, Қостанай облыстарының кей жерлерінде көктайғақ болып, тұман түседі, жел 15-20 м/с-ке күшейеді.
Оңтүстік Қазақстан облысының кей жерлерінде, Алматы облысының Жаланашкөл ауданында жел 15-20 м/с-қа күшейеді, түнде Алматы облысының кей жерлерінде тұман түседі.
Атырау, Ақтөбе, Шығыс Қазақстан облыстарының кей жерлерінде тұман түсіп, көктайғақ болады.
Жамбыл, Қызылорда, Маңғыстау, Батыс Қазақстан, Павлодар, Қарағанды облыстарының кей жерлерінде тұман түседі.
