Қоғам

Сириядан қашып келген оралдық әйел қандай қорлық көргенін айтып берді

© AP Photo / Petros KaradjiasПаранжа киген әйел
Паранжа киген әйел - Sputnik Қазақстан
Жазылу
Әйел төрт баласымен бірге қазір ата-анасының үйінде тұрып жатыр

АСТАНА, 7 желтоқсан — Sputnik. Оралдық төрт баланың анасы Сирияға неліктен кеткенін айтып берді, деп жазды "Мой ГОРОД".

29 жастағы Динаның (аты өзгертілді) айтуынша, 2011 жылы ол әлеуметтік желіде болашақ күйеуімен танысып, онымен бірге Пәкістанға қашып кеткен. Содан кейін олар Түркияға заңсыз өтіп, онда үш жыл тұрады, осы уақытта екі қызы дүниеге келген.

"Кейін біз Сириядағы өмір жайлы видеороликті көрдік. Видеода бәрі жақсы, бәрі шариғат бойынша өмір сүретіні айтылды. 2015 жылы халифат құрылғаны жарияланған кезде біз жақсы өмір іздеп, Сирияға кеттік", — дейді Дина.

Ол жақта тағы екі баланы дүниеге әкелген. Дина отбасы ДАИШ (ИГИЛ) берген ақшаға күнелткендерін айтады. Алайда күн сайын төленетін сома қысқарып отырған. 

Әйел - Sputnik Қазақстан
Қоғам
Сириядан құтқарылған қазақстандық әйел елге оралды
"Біз Сирияға келіп, бос қалған үйлердің бірінде тұрдық. Бірақ Сирияда өмір бізге айтылғандай жақсы емес екен. Ондағылар шариғат заңдарын ұстанбайды. Біз ДАИШ берген ақшаға күн көрдік. Әуелі басқа соманы уәде етіп, іс жүзінде одан аз төледі. Оның үсінде әр жолы көлемі азайып отырды. Соңғы рет отбасымызға  30 доллар берді. Бұл ақшаға біз тек азық-түлік пен алғашқы қажеттіліктегі заттарды сатып алдық ", — деп түсіндірді әйел.  

Оның айтуынша, роликтерде айтылған өмір шындыққа жанаспайды. Отбасыны шақырған кезде, егер бір нәрсе ұнамаса, кез келген уақытта қайтып кетуге болатынын айтыпты. Бірақ олай болмай шыққан.  

"Ол жақтан сізді ешкім жібермейді. Қашуға тырысқандарды ұстап әкеліп, түрмеге отырғызады. Егер қашқанына өкінетінін айтса, жібереді. Олай етпесе, өлтіреді. Біз үйге оралуымыз керек деген шешімді өзіміз қабылдадық. Алайда ола жақтан жолға шығу өте қиын болды. Ең алдымен, кімге  сеніп, көмек сұрарыңды білмейсің. Бір күні әйелдер ғана жүруге болатын жолды білетін сириялық табылды. Қыркүйекте өзге қыздармен бірге күрдтерге барып, оларға өзіміз берілдік. Ол жақтан бізді 13 қараша күні Ресей Федерациясының  Грозный қаласына алып келді. Ол жерден ата-анамның үйіне келдім", — дейді әйел.

Әйелдің күйеуі әлі Сирияда жүр, бірақ ол әскери ұрыстарға қатыспаған.   

Нұрсұлтан Назарбаев Нұр Отан партиясы саяси кеңесінің кеңейтілген отырысында - Sputnik Қазақстан
Саясат
Назарбаев: біз ДАИШ-ты жеңудің аз-ақ алдында тұрмыз
"Күйеуім әлі күнге дейін Сирияда жүр, өйткені ер адамдарға ол жақта жол жоқ. Ер адамдарға кету қауіпті. Егер содырлар отбасы қашып кеткенін білсе, оны өлтіреді", —  деп түйіндеді Дина.  

Әйел төрт баласымен бірге ата-анасымен тұрып жатыр. Дина балаларын балабақша мен мектепке беру үшін оларға құжат жасатпақшы.   

Сирияда болғаны үшін Дина қылмыстық жауапкершілікке тартылмайды.  

 

Жаңалықтар
0