Қоғам

Астанада тағы бір құрылыс компаниясы үлескерлерді алдап кетті

© Sputnik / Игорь Агеенко / Медиабанкке өтуқұрылыс
құрылыс - Sputnik Қазақстан
Жазылу
ІІД күдіктінің іс-әрекетінен зардап шеккен үлескерлерден полицияға жүгінуді сұрайды

АСТАНА, 20 желтоқсан — Sputnik. Астана полициясы "Happy Village" коттедж қалашығы" ЖШС құрылыс компаниясының басшысына қатысты қылмыстық істі тергеп жатыр, деп хабарлайды елорда ІІД баспасөз қызметі. 

Стройка - Sputnik Қазақстан
Қоғам
Астанада үлескерлер тағы да биліктен көмек сұрады

Қылмыстық іс ҚР ҚК 189-бабы 2-тармағы (сеніп тапсырылған бөтен мүлікті иемдену немесе талан-таражға салу) бойынша қозғалды. 

Сотқа дейінгі тергеу "Куршавель" көп пәтерлі тұрғын үй кешені үлескерлерінің "Happy Village" коттедж қалашығы" ЖШС құрылыс компаниясының басшысы Бақтығали Өтегеновке қарсы ұжымдық шағымы бойынша жүргізіліп жатыр. 

Полициядан мәлімдегендей, Өтегенов үлескерлердің ақшасын иемденіп, жұмсап жіберген. Ал тұрғын үй құрылысы сол күйі аяқталмаған. 

Ішкі істер департаменті күдіктінің іс-әрекетінен зардап шеккендерден мына мекенжай бойынша ІІД тергеу басқармасына жүгінуді сұрайды: Астана, Бейбітшілік көшесі, 19, тел.: 8 (7172) 71-60-10, 74-62-28.

Жобаға сәйкес, "Куршавель" тұрғы үй кешені елорданың сол жағалауында, ЭКСПО ауданында салынуы тиіс болған. Бір шаршы метрдің құны 385 мың теңгені құрайды.

Жаңалықтар
0