Төреғали Төреәлі

"Ағайын, кешіріңдерші". Төреғали Төреәлі қарияны концертінен неге қуып шыққанын түсіндірді

10171
(Жаңартылды 13:59 25.12.2017)
Басы дауға қалған Төреғали Төреәлі халықтан кешірім сұрады

АСТАНА, 23 желтоқсан — Sputnik. Дөрекі сөйлеп, халықтың сынына ұшыраған әнші Төреғали Төреәлі өз ерсі қылығын түсіндіріп, халықтан кешірім сұрады, деп хабарлайды Sputnik Қазақстан тілшісі. 

"Асыға күтіп отырған шығарсыздар.  Мен де жанымды қоярға жер таппай кеттім. Тікелей эфирге шығуға тура келді", — деп бастады сөзін әлеуметтік желіде тікелей эфирге шыққан әнші. 

Төреәлі әрі қарай Павлодардағы концертте болған жағдайды түсіндірді. 

"Анда-мында іс-сапарда жүргесін, пендеміз ғой, мүмкін жүйке сыр берген шығар. Ашуға бой алдырып қойғаным рас. Өйткені шынымен қытығыма тиетін сөздерді көп айтты. Біреулердің жаны ашып, жаны қалмай жақтасып, кейбіреулердің жаны кіріп, жамандап жатқанын көріп өзім жауап берейін дедім. Ол жерде болған менен басқа адамдар қанша айтқанмен, ешкім сенбей жатқан сияқты, құлақ аспай жатқан секілді", — деді ол. 

"Ауырып шыққаным рас. Солтүстіктің аязын жақсы білесіздер. Павлодардағы кешті жасамай-ақ қоюға да болушы еді, бірақ кішкентай жүгіріп жүрген бүлдіршіндерді көріп, қандай жағдайда болсам да, бір ән болса да айтып шығуға бел будым. Менің кешім болғаннан кейін, мен айтыскер ақын болғаннан кейін көп адам менен сөз, әңгіме күтеді. Бір әнді орындар алдында міндетті түрде авторын, қалай шыққан оқиғасын білгенімше айтуым керек. Соны көп кісілер көп сөйлейді дейді, айыптайды. Халық өзі таразылап алады ғой, әркім әр түрлі талап қояды. Десе де кішкентай бүлдіршіндер суретке түсуге шығады. Суретке түскісі келетін адамдар көп, олардың бетін қайтарып, көңілін қалдырғым келмейді. Сол кезде балконда отырған үлкен ағаның "Ей, Төреғали" деген даусы естілді. Мен жалт қарап едім, "Тоқтат суретке түсуді" деді. Мен үндеген жоқпын. Залдан көп адамдар сөйлей береді. Бір концерттерде үлкен кісілер "Ей, Ерке қайда?" деп айқайлап, шулайтын кездер болады. Сосын оған қатты мән бермей, құлақ аспадым.

Гүл беріп, тағы суретке түсіп жатыр едік,  "Концертің не болып кетті" деп тағы да айқайлады, оған да үндеген жоқпын. "Үрген иттің бәріне жауап бере берсем, аузымда не қадір қалады" дедім. Үшінші рет тағы сөйледі. Павлодардағы бүкіл зал, халық тыңдап отыр. "Әй, Төреғали, сен Қызылорданы позор қылып жүрген адамсың, білесің бе?" деп айқайлады. Бұл сөз менің намысыма тиіп кетті. Менде де намыс бар, ағайын. Мен де басымнан сөз асырғанды жақсы көрмеймін. Сосын "Әй, көке, Қызылорданың намысын сіз бе, мен бе жыртып жүрген?" дедім. "Мен Қызылордадан, сен Қызылорданы позор қылып жүрсің" деп аузына келгенін айтып, боқтап-боқтап кетті. Кеткен жоқ, мен кет дедім. Неге десеңіз, сондай жақсы болып жатқан концерттің шырқын бұзды", — деп жалғастырды сөзін Төреғали. 

"Сіздер ол кісінің айқайлағанын көрген жоқсыздар, өйткені мені қаралау мақсатында шыққан видео болғаннан кейін ол адам өз мақсатына жетті. Болмаса, өзімнің кешімде тұрып алып, келген қонақтарға "Кет" деп айтатын ондай тәрбиесіз адам емеспін, ағайын. Содан халықтан "Ағайын, не істейміз, бұндай адам кетсін бе, кетпесін бе?" деп сұрадым. Халық кетсін деді. Менікі дұрыс емес болса, Павлодардағы халықтың бәрі ақымақ емес қой, ағайын. Болмаса мені сахнадан қуып жібермей ме? Әркім әр түрлі жазып жатыр. Павлодардағы радиодан әндерді алып тастады дейді. Оған қуанып, қосылып, шапалақтап жатқан жандар да бар екен. Менің қолымда қатты күш, билік жоқ. Мен бірақ еліме аямай қызмет етемін. Мен шаршамаймын, бұндай сынақтардың бірнешеуінен өттім. Әдейі жасалған кездер де болды", — деді әнші. 

Ол концерттегі үлкен кісіні кешірім сұрау үшін іздегенін, бірақ таба алмағанын айтты. 

"Кішкене қаным қызба, тез ашуға бой алдыратыным рас, мойындаймын, бірақ ешкімге өздігімнен барып, шүйлікпеймін. Мен сіздерден үлкен емеспін, мен халықтың батасын алып, өркендесем-өссем, бір жетістікке, дәрежеге жеткен болсам, өз қабілетімнен емес, ол менің талантымнан деп айтпаймын. Ол әуелі Алла, екінші сіздердің қолдауларыңызбен. Ең бірінші өтірік деп салған себебім, ол видео толық болмағаннан кейін сіздерге өтірік болып жетті. Егер ол шал, үлкен кісіні шал деймін-ау, шал да қалған жоқ қазір қазақта, шауқан болды ғой бәрі. Аталы ақсақалдар да азайды ғой, бұрын ауылыңа алты жасар бала келсе, алпыстағы шал келіп, қолынан алады деуші ме еді. Қазіргі үлкен кісілерді ондай жоқ. Тек төстен алып, бетке шабу болды ғой. Өтірік деп жазғаным сол еді. Уақыт келеді ғой, түсіндірем бе десем, ушығып бара жатыр", — деді әнші.

"Жүректеріңіздің кеңдігіне, пейілдеріңізге, патша көңілдеріңізге салып ағайын, қате кеткен, ағаттық жасаған жерім болса, Алланың атымен сіздерде кешірім сұраймын. Менің жаныма қатты батып жатыр. Бірақ бас жарылған жоқ, қол сынған жоқ, ешкімді қорлап-зорлаған жоқпыз. Тек әдеттегідей басымнан сөз асыра алмадым болды, балалығым шығар мүмкін, 25 жасқа толғандағы қалып қойған кішкентай шалалығым шығар. Жаным, ағайын, кешіріңіздерші. Үлкен кісіге олай деп сөйлегім келген жоқ. Он үште болса баланың даналығы болады, алпыста болса да шалдың шалалығы болады ғой. Сондықтан ол кісіні көрсем, міндетті түрде кешірім сұрар едім. Ол кісі де сұрайтын шығар деп ойлаймын. Қолдауларыңызға рақмет! Сіздер жазықсыз жазғырмаңыздар. Мен-ақ кінәлі болайын, мен көтеремін. Мен Ұлы даланың ұлымын ағайын! Сыйластықта болайық, аман болыңыздар, сіздерді жақсы көремін!", — деді әнші. 


10171
Тақырып:
Төреғали Төреәлінің басы дауға қалды (8)
Білім және ғылым министрі Асхат Аймағамбетов

Аймағамбетовтің жолдаған хаты туралы ұстаздар айта бастады

6
Қазақстанның білім және ғылым министрі Асхат Аймағамбетов еліміздің түкпір-түкпіріндегі ұстаздардың жеке почтасына арнайы хат жолдаған болатын

НҰР-СҰЛТАН, 9 тамыз – Sputnik. Нұр-Сұлтан қаласы №66 мектеп-лицейінің қазақ тілі мен әдебиет пәнінің мұғалімі, мектеп директорының тәрбие ісі жөніндегі орынбасары Толқын Батырбайқызы instagram желісіндегі парақшасына білім министрінен мотивацияға толы хат алғанын жазды.

"Кеше түнде сабақтарыма дайындалып отырып, электронды почтамды ашып қалсам, бас ұстазымыз Асхат Қанатұлынан хат келіп тұр. Хатты оқып көзіме жас келді. Хат соңында бойымда әлдебір күш пайда болғандай, жігерлендім", – деп жазды автор.

Сондай-ақ, ол қарапайым ұстаз ретінде министрден жылы лебізге толы хат алғанына қуанып, мамандығына деген құрметі артқанын атап өткен.

"Шынымды айтсам, өз мамандығыммен кеудемді мақтаныш кернейді. Неге дейсіз ғой?! Себебі, біз адаммен жұмыс істейміз. Жәй қарапайым адаммен емес, еліміздің жарқын болашағын жасайтын бақытты балалармен жұмыс істейміз. Иә, мына пандемия бәріміздің еңсемізді түсіріп тастағаны рас. Бұл қиын кезеңде біздің жұмысымыз екі есеге өсті. 4 тоқсанда 3 сағаттық ұйқымен телесабақтар өткізген күндер де болды. Міне, жаңа оқу жылына да телесабақтарға қызу дайындықтамыз. Осындай нағыз қолдауды қажет ететін сәтте министр мырзадан мотивацияға толы хат келгенде, еңсемізді тіктеп, жұмысқа деген шабыт оянады екен. Алғысым шексіз", – деп жазды ол. 

Посмотреть эту публикацию в Instagram

Публикация от Толқын Батырбайқызы (@janatolkyn)

Сонымен қатар, автор бүгінгі таңда ұстаздарға балалар мен олардың ата-аналары ғана емес, бүкіл ел үміт артып отырғанын жеткізді.

"Сондықтан, қазіргі жағдайда біздің міндетіміз тек оқыту ғана емес, сонымен қатар тұрақтылық пен сенімділікке бағыт беру. Шыдамды болып, мейірімділік пен ұстамдылық таныта білу. Оны оқушыларыңызға да үйретуге тырысыңыз, деген жігерге толы хат бізді алға жетелегендей", – деп жазады ұстаз.

Аймағамбетов ұстаздарға арнаған хатында не жазды

Министр өз хатында әріптестерінің қазіргідей қиын кезеңде отбасымен бірге аман-есен, денсаулығына еш қауіп төнбейтін жағдайда жүр деп үміттенетінін білдірген.

"Сізге пандемия жағдайындағы баға жетпес ұстаздық еңбегіңіз үшін, жанкешті жұмысыңыз бен кез келген уақытта балаларымызға тіреу болуға деген ізгі ниетіңіз үшін шын жүректен алғысымды білдіремін. Біз сізбен осынау қиын уақытты еңсеру жолындамыз. Коронавирус пандемиясы баршамыздың тұрмыс-тіршілігімізге әсер етті. Сүрінбей өтуге тиіс түрлі сынақтарға толы уақыт басталды. Осыдан жарты жыл бұрын мұндайды тіпті елестетпеген едік. Өкінішке орай, жақын адамдарымыздан айырылып жатырмыз. Білім және ғылым жүйесі адами құндылықтарды дәріптеген, ұрпақты тәрбиелеп, білім берген арда азаматтарынан – сала ардагерлерінен, біздің қымбатты әріптестерімізден айырылуда", – деп жазады министр.

Сондықтан да, туысы мен достары көз жұмған әріптестерімнің қайғысына ортақтасып, көңіл айтамын деген Аймағамбетов кез-келген қиындық бізді шыңдай түсіп, мұндай сынақтар жігерімізді қайрап, рухымызды мықты ететініне сенім артқан.

"Осынау қиын-қыстау кезеңде бірге болуымыз аса маңызды. Біздің күшіміз – біздің бірлігімізде. Біз кез келген қиын міндеттерді бірде-бір баланы ескерусіз қалдырмай, бірлесе отырып шеше аламыз", – деп ол жүрекжарды лебізін білдірген.

"Қазір бізге балаларымыз бен олардың болашағы үшін және тек білімі ғана емес, денсаулығы мен моральдық жағдайы үшін де үлкен жауапкершілік жүктеліп отыр. Оқушыларымыздың мейлінше қауіпсіз әрі жайлы ортада білім алуына қажетті жағдайдың барлығын жасауымыз керек.

Мемлекет басшысы атап өткендей "Мұғалім – білім беру жүйесінің негізі. Біздің балаларымыздың білім деңгейі мұғалімдерге жасалған жұмыс жағдайларына тікелей байланысты". Президент бұл сөздермен мұғалімдердің білім беру жүйесіндегі рөлінің қаншалықты маңызды екенін көрсетіп отыр. Жағдай орнығады. Дәрігерлермен бірігіп біз індетті бірге жеңеміз, бұрынғы өмір біртіндеп қалпына келе бастайды. Оған дейін бәріміз оқушылар мен ата-аналарға және бір-бірімізге тіреу бола білуіміз қажет", – дейді Аймағамбетов.

Оқи отырыңыз: Білім күні қалай өтеді – министр жауап берді

Алғыс айтудың ешқашан артықшылығы болмайтынын атап өткен министр әрбір ұстазға төртінші тоқсанда атқарған ерен еңбегі үшін тағы бір мәрте рақметін жеткізген.

"Сіз – нағыз батырсыз. Сіздің қуатты қолдауыңызды сезініп отырмын. Сол себепті де ертең балаларымыздың білімін жетілдіру жолында еш кедергі болмайтынына сенемін. Біз техникалық және моральдық қиындықтарға қарамастан барлық қолайсыздықтарды жеңе аламыз. Бірге болсақ, күшіміз бен мүмкіндіктеріміз де арта түспек. Қиын кезеңдер өтеді де кетеді, сынаққа сынбай, болашағына сенген жігері мықты адамдар ғана бәрін жеңеді! Жаңа оқу жылында жолыққанша!", – деп түйіндейді министр.

6
Кілт сөздер:
Асхат Аймағамбетов, ұстаз
Тақырып бойынша
Аймағамбетов жаңа оқу жылында білім алудың ерекшеліктерін атады
Депутат білім министріне ата-аналарды мазалаған мәселені жеткізді
"Ашық айтуымыз керек": білім министрі үкіметте маңызды мәселені көтерді
Тоқаев білім министріне ұстаздарға қатысты екі маңызды тапсырма берді
Аймағамбетов білім саласында қандай өзгерістер болатынын жариялады
Пробирка

Өткен тәулікте 872 адамның коронавирус індетімен ауырғаны анықталды

90
(Жаңартылды 13:38 09.08.2020)
Коронавирус анықталған 428 адам клиникалық белгісі жоқ тасымалдаушы ретінде тіркелген

НҰР-СҰЛТАН, 9 тамыз – Sputnik. Қазақстанда өткен тәулікте 872 адамның коронавирус індетімен ауырғаны белгілі болды. Ал республика бойынша 664 адам дерттен айығып шықты, деп хабарлайды ведомствоаралық комиссия.

"Оның ішінде 428 адам клиникалық белгілері жоқ тасымалдаушы ретінде тіркелді", – делінген хабарламада.

Қалалар мен өңірлер бойынша (жалпы/симптомсыз):

  • Нұр-Сұлтан қаласы - 174 / 78
  • Алматы қаласы - 151 / 73
  • Шымкент қаласы - 24 / 13
  • Ақмола облысы - 39 / 22
  • Ақтөбе облысы - 10 / 5
  • Алматы облысы - 23 / 16
  • Атырау облысы - 41 / 35
  • Шығыс Қазақстан облысы - 78 / 30
  • Жамбыл облысы - 30 / 18
  • Батыс Қазақстан облысы - 55 / 24
  • Қарағанды облысы - 90 / 27
  • Қостанай облысы - 30 / 13
  • Қызылорда облысы - 6 / 6
  • Маңғыстау облысы - 29 / 24
  • Павлодар облысы - 26 / 15
  • Солтүстік Қазақстан облысы - 40 / 11
  • Түркістан облысы - 26 / 18.

Жалпы ел бойынша ауырғандар саны – 98 701.

Ведомство таратқан дерекке сүйенсек, өткен тәулікте Қазақстанда 664 адам коронавирус індетінен емделіп шықты.
Қалалар мен өңірлер бойынша:

  • Нұр-Сұлтан қаласы - 21
  • Алматы қаласы - 60
  • Шымкент қаласы - 2
  • Ақмола облысы - 41
  • Ақтөбе облысы - 48
  • Атырау облысы - 29
  • Шығыс Қазақстан облысы - 212
  • Жамбыл облысы - 53
  • Батыс Қазақстан облысы - 32
  • Қарағанды облысы - 23
  • Қостанай облысы - 101
  • Маңғыстау облысы - 2
  • Павлодар облысы - 30
  • Түркістан облысы - 10.

Қазақстан бойынша жазылғандар саны – 72 273.

90
Кілт сөздер:
індет, коронавирус
Тақырып:
Коронавирус эпидемиясы
Тақырып бойынша
Коронавирус қанша уақытқа созылады - дүниежүзілік денсаулық ұйымы болжам жасады
Коронавирус анықтамасын сатқан медицина қызметкері қылмыс үстінде ұсталды – видео  
Мамин коронавирус пандемиясының жаңа толқыны туралы айтты
Коронавирус пен пневмония құрбандары: министрлік соңғы деректерді жария етті
Ақтөбеде коронавирус жұқтырған балалар Кавасаки синдромына шалдықты