Нұр-Астана мешіті

Діни басқарма әйелді ұруға болады деген дінтанушының сөзін түсіндірді

857
(Жаңартылды 09:57 06.01.2018)
Дінтанушы мешітке жиналған жамағат алдында шариғат әйелді ұруға рұқсат беретінін мәлім еткен еді

АСТАНА, 5 қаңтар – Sputnik. Нұргүл Абай. ҚМДБ насихат және қоғаммен байланыс бөлімінің меңгерушісі Алтынбек Ұтысханұлы дінтанушы Ризабек Батталұлының әлеуметтік желіні шулатқан видеосына қатысты түсініктеме берді, деп хабарлайды Sputnik Қазақстан тілшісі. 

Ұтысханұлының айтуынша, әйелдерді ұруға болатыны туралы видео екі жыл бұрын түсірілген. Дінтанушы Ризабек Батталұлына бұл мәселеге байланысты ескерту жасалған. 

"Бұл екі жыл бұрын дінтанушы Ризабек Батталұлының берген сұхбаты болатын. Видеоның таралғанына екі жылдай уақыт өтті. Қазақстан мұсылмандары діни басқармасының пәтуа бөлімі видеоны жан-жақты зерттеп-зерделеп, сол кезде жауап берген болатын, дінтанушының өзі де жауап берген еді кезінде. Бүгін тағы сол мәселе шу болып, әлеуметтік желіде қызу талқыға түскен соң, қосымша жауап беруді жөн көріп отырмыз. 

Ризабек Батталұлы республикалық ақпарат-насихат тобында жұмыс істеген. Осындай мәселелерге байланысты биылғы жаңа тізім бойынша алынып тасталды. Біз оған әйелді сабау мәселесін көпшілік ортада айтпау қажеттігін, дұрыс түсіндіру керектігін ескерттік. Ол да асығыстық жасағанын мойындап отыр", — деді Алтынбек Ұтысханұлы. 

Айтуынша, қазір Ризабек Батталұлы Алматыдағы Нұр-Мүбарак университетінде ұстаздық қызмет атқарады. Университет ректоры да, проректоры да оған артық кетпеу қажеттігін айтып, ескерту жасаған. Дінтанушы да екінші рет бұлай жасамайтынына уәде беріпті. 

"Видеода айтылған әйел адамды сабау мәселесі Қазақстан мұсылмандары діни басқармасының, пәтуа бөлімінің, ғұламалар кеңесінің ұстанымы емес. Бұл дінтанушының жеке зерттеуінің нәтижесінде айтылған сөз. Негізінде ислам дінінде ер мен әйелдің өз міндеттері бар.  Ер адамның міндеті – әйел адамды Алланың алдында аманат ретінде қызғыштай қорғау, оны нәзік жанды адам ретінде аялау, баланың анасы, жары ретінде қарау. Ал аятта келтірілген дүниені тікелей қабылдауға болмайды. Пайғамбар (с.ғ.с.) хадисінде айтады: "сендердің ең жақсыларың әйелдеріңмен жақсы мәміледе болғандарың" дейді. Тіпті үйіне келген кезде күлімсіреп кіретін болған, яғни әйеліне, бала-шағасына жылы мінез көрсету керек екені айтылған. Ең бастысы бұл жерде қандай жағдай болмасын көркем мінез таныту керектігі, бір-бірін кешіру керектігі насихатталады. Ерлі-зайыпты арасында болған болмашы бір нәрсе үшін оны қамшымен ұру, сабау керек деген мәселе нақты айтылмаған. Әйел адам шектен шығып кеткен күннің өзінде оған қабақ шытып, ашуыңды білдіру арқылы, оның дұрыс жолға түсуіне септігін тигізу керек. Ал денесіне жарақат салу дінімізде насихатталмайды", — дейді бөлім меңгерушісі. 

Алтынбек Ұтысханұлы желіде таралған видео Youtube-тен алынып тасталатынын, Ризабек Батталұлы бұл мәселеге қатысты қосымша жауап беретінін атап өтті.


857
ҰБТ-2020

ҰБТ-2020: министрлік тестілеу қорытындысын жариялады

117
(Жаңартылды 22:04 02.07.2020)
Биыл ҰБТ 21 маусым мен 1 шілде аралығында өтті. Бұл жолы тестілеуге қатысуға рекордтық көлемде өтініш қабылданды

НҰР-СҰЛТАН, 2 шілде – Sputnik. ҰБТ қорытындысы бойынша шектік балды жинаған талапкерлер саны – 82 154. Жалпы республика бойынша орташа көрсеткіш 64,06 балл болды, деп хабарлайды білім министрлігі. 

Білім және ғылым министрлігі ұлттық бірыңғай тестілеудің қорытындысын жариялады. Мәліметке сәйкес, пандемия тестілеуге әсерін тигізбеген. 2019 жылдағы көрсеткіштен айтарлықтай айырмашылық жоқ.

Қанша түлек тест тапсырды

Биыл тестілеуге қатысуға рекордтық көлемде өтініштер қабылданды: 131 754 өтініш тіркелді, оның 111 113-і, яғни 82 пайызы биылғы мектеп түлектері. Өткен жылы бұл көрсеткіш 12%-ға төмен болғанын айта кеткен жөн.

Ұлттық бірыңғай тестілеу 161 пунктте жүргізілді. Тестілеудің әділ өткізілу барысын қадағалау мақсатында қалалар мен өңірлерге Білім және ғылым министрлігі тарапынан 1 983 өкіл жіберілді. Сонымен қатар ҰБТ барысын құрамына Сыбайлас жемқорлыққа қарсы агенттік, үкіметтік емес ұйым, БАҚ, "Адалдық алаңы" жобалық кеңселерінің өкілдері мен  қоғам белсенділері кірген Арнайы мониторингтік топқа мүше 510 адам бақылады. 

Шектік балл

Маусым айында өткізілген Ұлттық бірыңғай тестілеудің қорытындысы бойынша, тестілеуге тіркелген азаматтардың 92,1%-і ҰБТ-ға қатысты, 2019 жылы бұл көрсеткіш 94%-ды құраған болатын.

"Шектік балды жинаған талапкерлер саны – 82 154, бұл өткен жылғы көрсеткіштермен салыстырғанда бір деңгейде қалып отыр. Жалпы республика бойынша орташа көрсеткіш 64,06 балды құрады. Жалпы 2019 жылғы орташа көрсеткішпен салыстырғанда айтарлықтай айырмашылық жоқ", - деп хабарлады министрлік.

ҰБТ-2020: жаңашылдықтар

Биыл алғаш рет электрондық үкімет базасы арқылы Face ID жүйесі пайдаланылды. Осыған байланысты ҰБТ тапсыруға басқа адамның кіруі әрекеттерінің саны айтарлықтай төмендеді. Мәселен, биыл 7 мектеп түлегі өз орнына ҰБТ-ға басқа адамды жібермек болған, өткен жылы мұндай 34 жағдай орын алған еді.

119 тестіленуші денсаулығына байланысты ҰБТ тапсырмады. Олар үшін басқа күндері, 19 шілдеге дейін тестілеу ұйымдастырылатын болады. 

Биыл алғаш рет талапкерлер үшін калькуляторларды пайдалануға рұқсат етілді, тестілеу уақыты ұзартылып, түлектер қорытынды мектеп емтихандарынан босатылды.

"ҰБТ жүргізілген әр аудитория арнайы бейнебақылау камераларымен жабдықталды. Нәтижесінде 9,5 млн-нан астам адам ҰБТ-ның өткізілу барысын онлайн режимде бақылады. Енді ережеге сәйкес 2020 жылғы 25 тамызға дейін бейнежазбалар жіті тексеріледі. Егер бейнежазбада грант иеленген талапкердің тыйым салынған заттарды пайдаланғаны анықталса, тестіленушінің ҰБТ нәтижесі жойылады",- делінген хабарламада.

Пандемия кезіндегі тестілеу

Еліміздің барлық ҰБТ өткізу пунктерінде сақтық шаралары қолға алынып, медициналық-санитарлық нормалар қатаң сақталған болатын. Әрбір ҰБТ-ға қатысушы дезинфекциялаудың 5 кезеңінен өтті.

Тестілеуге кіргізу және отырғызу кезінде талапкерлер арасында кем дегенде екі метр арақашықтық сақталды. Әрбір аудитория бактерицидтік құралдармен және ауа рециркуляторларымен кезең-кезеңмен желдетіліп, тазаланды. Аудиториялар 35%-ға дейін толтырылды, әрқайсысында тек 10-18 адам отырды. Өткен жылы бір аудиторияда орташа есеппен 50 талапкер болған. 

Еске сала кетсек, келесі ҰБТ тамыз айында өтеді. Оның нәтижесі бойынша талапкер шектік балл жинаса, ЖОО-ның ақылы бөліміне түсе алады. Сонымен қатар жоғары оқу орнының ақылы бөліміне түсу үшін қаңтар айындағы ҰБТ сертификаттары да жарамды.

117
Кілт сөздер:
тест, түлек, білім министрлігі, ҰБТ
Тақырып бойынша
ҰБТ-2020: 138 балл жинаған ауыл баласы тестті қалай тапсырғанын айтты
Ауыл мектебінің оқушысы ҰБТ-да 138 балл жинады
ҰБТ-ның үшінші күні: ұпай бойынша ауыл баласынан әлі ешкім асқан жоқ
ҰБТ нәтижесі жойылған талапкерлерге қатысты жағымды жаңалық жарияланды
Қазақстанда тамыз айында тағы бір ҰБТ өтеді
Дәріхана, архивтегі сурет

Министрлік парацетамол орнына қолдануға болатын дәрілер тізімін жариялады

168
Парацетамол коронавирус пандемиясы кезінде ең көп сұранысқа ие дәрінің біріне айналды, соның нәтижесінде оны дәріхана сөрелерінен табу мүмкін болмай қалды

АЛМАТЫ, 2 шілде – Sputnik. Денсаулық сақтауминистрлігі жанындағы Ұлттық сараптама орталығы дене қызуын түсіретін және құрамында парацетамол бар дәрілердің тізімін жариялады.

Тізімге таблетка, ұнтақ және дене қызуы кезінде еритінқатты препарат түрінде шығарылатын 60 шақты дәрі енгізілді.

Дәрілер тізімі

Колдрекс актив, фасторик, ценипар экстра, тераФлю макстаб, цефекон, парамолан, балалар панадолы, панадол экстра, антифлу, антифлу Кидс, колдрекс юниор хот дринк, ИН-ГРИПП, день и ночь, гриппостад С Стик, агриппин, тайлол 6 Плюс, эффералган, флюкол-С, пардифен, КОМБИГРИП, максиГриппин, цитрамон П, фервекс, ректол-125, ректол-250, аскофен, нолгрипп, суықтимицин, КМ-парацетофит, парацетамол Роутек, ОРВИколд, боксГрипал, гриппоФлю, танфлекс, ГРИПГО, вива Фам парацетамолы, терафлю, колдфри, Б. Юраун парацетамолы, ринза, гриппостад, ТАЙЛОЛФЕН ХОТ, стопгрипан-Лимон, цитрик Солпадеин Актив.

Бұған дейін денсаулық сақтау министрлігі парацетамол мен коронавирусты емдеуге арналған өзге де дәрілердің сату бөлімдеріне жеткізіліп жатқанын мәлімдеді. Атап айтқанда, Қазақстанға парацетамолдың 2 миллион қаптамасы әкелінетіні хабарланды.

Бүгін денсаулық сақтау министрі Алексей Цой парацетамолдың тапшылығына қатысты пікір білдірді. Ол кеше, 1 шілде күні астанадағы дәріханаларға 70 мың қаптама таратылғанын айтты. Соның бәрін жарты сағаттың ішінде сатып алды. Министр қазіргі кезде препараттарды интернет желісінде сатып, үстінен пайда табатындар бар екенін атап өтті. Енді, осы мәселемен құзіретті органдар айналысатын болады.

 

 

168
Кілт сөздер:
коронавирус, дәрі, министрлік
Тақырып бойынша
Парацетамолды күніне неше рет ішуге болады – денсаулық министрлігі кеңес берді
Коронавирустан дәрі-дәрмексіз емделуге болады – инфекционист кеңес берді  
Денсаулық министрі парацетамол тапшылығына кімдер кінәлі екенін айтты 
Парацетамол ұрлаған: Атырауда дәріхана тоналды
Алматы облысында парацетамол ішкен қыз көз жұмды
Ресейдің СІМ ғимараты

"Бізге дәлел қажет": Ресей New York Times мақаласына баға берді

0
Таяуда New York Times басылымы Ауғанстандағы Ресей мен тәлібтердің "келіссөзіндегі" "делдалды" атаған мақаласын жариялады

АЛМАТЫ, 2 шілде – Sputnik. Ресейдің сыртқы істер министрлігі Ресейдің тәлібтермен "сөз байласқанына" қандай да бір дәлел бар екеніне қатысты түсініктеме берді. Ресей Федерациясы президентінің Ауғанстандағы арнайы өкілі, Ресей СІМ екінші Азия департаментінің директоры Замир Кабуловтың айтуынша, мақалада тек бос айыптаулар жазылған.

"Бізге дәлел қажет, ал олар жоқ. Бұл бос пайымдау ғана", - деп мәлімдеді Кабулов Sputnik радиосына. 

Ол сондай-ақ, мақалада есімі аталатын контрабандист Рахмат Азизи жайлы ешқашан естімегенін айтты. Басылымның мәліметі бойынша, ол екі тараптың арасында бас делдал болған.  

Сонымен қатар Кабулов мақаланы оқып отырған кезде жауаптан гөрі сұрақ көп туындайтынын атап өтті.

"Жалған дүниені де мұқият дайындау қажет",- деп толықтырды ойын Кабулов. 

Айта кетейік, таяуда New York Times басылымы Ауғанстандағы Ресей мен тәлібтердің "келіссөзіндегі" "делдалды" атаған мақаласын жариялады. Мақала авторының айтуынша, делдал – контрабандист Рахмат Азизи деген азамат.

Бұған дейін NYT басылымы атауы көрсетілмеген арнайы қызметтерге сілтеме жасап, Ауғанстандағы америкалық сарбаздарға шабуыл жасағаны үшін Ресейдің тәлібтермен байланысы бар жауынгерлерге сыйақы ұсынғаны жайлы мақала жариялады. Алайда мақалада ешқандай дәлел көрсетілмеген.

"Талибан" қозғалысының өкілі Забиулл Муджахид америкалық басылымның бұл сөзін жоққа шығарды. Ал Трамп бұл мақаланы тапсырыспен жазылған болуы мүмкін деп бағалады.

0