Весы

Ғалым тез арықтаудың жолын айтты

670
(Жаңартылды 18:49 09.01.2018)
Профессор күн сайын жаттығу жасағанша, майлы тамақтан бас тартқан дұрыс дейді

АСТАНА, 9 қаңтар — Sputnik. Артық салмақтан арылуға дене жаттығуларынан гөрі диета көп көмектеседі, дейді Техас университетінде спорт медицинасының профессоры Филипп Стэнфорт.

Ғалымның пікірінше, дене жаттығуларына уақыт пен күш көп кетеді. Ал тез арада арықтау үшін тамақтану рационынан калориясы жоғары, май мен көмірсуға бай өнімдерді алып тастау жеткілікті. 

"3500 калорияны жұмсау үшін 56 шақырымға жуық жол жүру керек. Ал, мәселен "Сникерс" шоколадты батондарында 500 калория бар делік. Күн сайын сегіз шақырым жол жүргенше, сол "Сникерсті" жемеген артық", —  дейді Стэнфорт. 

Басылым ақпаратынша, түрлі зерттеулер нәтижесі ғалымның сөзін растап отыр. Мәселен, 20 ғылыми жұмысқа жасалған шолу ақуызы көп, калориясы төмен диета дене жаттығуларына қарағанда салмақ тастауға көбірек көмектескенін көрсеткен. Ал тағы бір зерттеу кезінде жаттығудың семіз балалар үшін артық салмақтан арылуға көмегі аз екені анықталды.

670
коронавирус

Денсаулық министрлігі екі тәулікте қанша адам қайтыс болғанын жариялады

406
Қазіргі уақытта коронавирустық инфекциядан 3 335 адам ем қабылдауды жалғастырып жатыр, олардың арасында 45 бала бар

НҰР-СҰЛТАН, 27 қыркүйек — Sputnik. Қазақстанда соңғы екі тәулікте коронавирус пен пневмониядан тоғыз адам қайтыс болды, деп хабарлады денсаулық сақтау министрлігі.

Министрлік таратқан ақпаратқа сәйкес, соңғы екі тәулікте коронавирустан жеті адам, ал пневмониядан екі адам қайтыс болған.

Қазіргі уақытта коронавирустық инфекциядан 3 335 адам ем қабылдауды жалғастырып жатыр. Олардың арасында 45 бала бар. Стационарларда 1 808 науқас, 1 527 адам амбулаториялық жағдайда емделуде.

"Жалпы, науқастардың арасында 91 адамның ахуалы нашар. Соның ішінде 15 адамның жағдайы аса ауыр деп бағалануда. 22 науқас жасанды тыныс алдыру аппаратына қосылған", - делінген хабарламада.

Өткен тәулікте  64 адамнан коронавирус анықталса, 229 адам пневмонияға шалдыққан.

Жалпы, наурыздан бері 107 723 адам коронавирустық инфекция жұқтырып, 1 722 адам қайтыс болды.

Ал 1 тамыздан бері коронавирус белгілері бар пневмонияға 32 452 адам шалдығып, 349 науқас көз жұмды.

406
Кілт сөздер:
коронавирус
Тақырып:
Коронавирус эпидемиясы
коронавирус

Қазақстанда бір тәулікте 64 адам коронавирус жұқтырды

1254
(Жаңартылды 10:42 27.09.2020)
Өткен тәулікте 136 адам коронавирус індетінен емделіп шықты, Қазақстан бойынша жазылғандар саны – 102 666

НҰР-СҰЛТАН, 27 қыркүйек — Sputnik. Қазақстанда өткен тәулікте 64 адамнан коронавирус табылды, деп хабарлады денсаулық сақтау министрлігі.

Қалалар мен өңірлер бойынша:

  • Нұр-Сұлтан қаласы - 10
  • Алматы қаласы - 3
  • Ақмола облысы - 4
  • Ақтөбе облысы - 2
  • Алматы облысы - 2
  • Атырау облысы - 4
  • Шығыс Қазақстан облысы - 17
  • Жамбыл облысы - 2
  • Батыс Қазақстан облысы - 2
  • Қарағанды облысы - 4
  • Қостанай облысы - 3
  • Маңғыстау облысы - 2
  • Павлодар облысы - 4
  • Солтүстік Қазақстан облысы - 5

Жалпы, пандемия басталғалы бері  ел бойынша ауырғандар саны 107 723 адамға жетті.

Өткен тәулікте 136 адам коронавирус індетінен емделіп шыққан. Қазақстан бойынша жазылғандар саны – 102 666.

1254