Автобус, архивтегі фото

Астана тұрғыны мешіт маңында дәрет сындырған автобус жүргізушісіне шағымданды

809
(Жаңартылды 09:21 05.02.2018)
Жолаушы елордалық көлік компаниясынан автобус жүргізушілеріне дәрет сындыруға 10-15 минут уақыт беруді сұрады

АСТАНА, 4 ақпан — Sputnik. Астана тұрғындарының бірі Пригородный елді мекеніндегі мешітке қарама-қарсы бетте дәрет сындырған №10 бағдардағы автобустың жүргізушісіне шағымданды.  

Ер адам "Астана LRT" компаниясының өкілдерінен автобус жүргізушілері кез келген жерде асығып-үсігіп дәрет сындырмау үшін оларға халықаралық әуежай аумағында 10-15 минут аялдауға мүмкіндік беруді сұрады.  

Sputnik Қазақстан тілшісіне "Астана LRT" компаниясының баспасөз хатшысы Науат Азанбаев түсіндіргендей, қалалықтардың шағымдары орынды және қазір жағдайды түзету жұмыстары жүргізіліп жатыр. Бүгінде қалада жүргізушілер тоқтайтын 43 пункт бар, олардың 50 процентке жуығы тамақтану және әжетхана бөлмелерімен жабдықталған.  

"Қоғамдық көлік қызметкеріне арналған қалған тоқтау пунктеріне қажетті жабдықтарды орнату үшін аудан әкімдіктерімен қызу жұмыс жүргізіп жатырмыз. Биыл осы жұмысты аяқтау жоспарланып отыр", — деп хабарлады елордалық көлік компаниясының өкілі.

Азанбаев әуежай маңындағы жағдайға түсініктеме бере отырып, әуежайда әжетхана бар екенін, бірақ жүргізушілердің кестесіне сәйкес, онда аялдауға уақыт жоқ екенін атап өтті. Өйткені жолаушылар автобусқа мініп алып, дереу жүруін талап ететін көрінеді.

Жүргізушілер мен кондукторлардың демалуына аталған бағдардың екінші соңғы аялдамасы – теміржол вокзалында уақыт қарастырылған, онда қызметкерлер 15-30 минут тыныға алады.  

"Әдетте, жүргізушілер 1,5 — 2,5 сағаттың ішінде бір айналып келеді, содан кейін соңғы аялдамада олар 15-30 минут үзіліс жасай алады. Уақыт кестеге байланысты, егер ол кешіксе, онда тұру уақыты қысқарады", — деп атап өтті "Астана LRT" ресми өкілі.


809
Кілт сөздер:
Астана, автобус жүргізушісі, дәрет сындыру
Ұшақ, аспан

Қазақстан мен Ресей арасындағы әуе қатынасы жанданады

40
Бұған дейін екі ел арасында репатриациялық рейстер ғана жүзеге асырылды. Ол үшін құзырлы органдардың келісімін алу керек болатын

НҰР-СҰЛТАН, 20 қыркүйек — Sputnik. Ресей өз аумағына Қазақстан азаматтарының кіруіне рұқсат берді. Шектеу коронавирустың таралуына байланысты енгізілген болатын.

"Қазақстан, Қырғызстан, Беларусь және Корея елдерінің азаматтарына және осы елдерде тұруға ықтиярхаты барларға Ресейге әуе өткізу пунктері арқылы кіруге рұқсат етіледі. Ресейліктер де бұл елдерге емін-еркін бара алады", - делінген Ресей үкіметінің сайтында жарияланған ақпаратта. 

Бұған дейін екі ел арасында репатриациялық рейстер ғана болды. Ол үшін құзырлы органдардың келісімін алу керек еді.

Рейстер аптасына бір рет жүзеге асырылады.

Қазақстан мен Ресей арасындағы әуе қатынасы 21 қыркүйекте жанданады.

40
Роза Рымбаева мен Бақытжан Сағынтаев

Роза Рымбаева Алматының құрметті азаматы атанды

368
"Алматының құрметті азаматы" атағы тоғыз тұрғынға берілді. Сағынтаев олар қаланың қалыптасуы мен дамуына ерекше үлес қосқанын атап өтті

НҰР-СҰЛТАН, 20 қыркүйек – Sputnik. Қала күнінде Қазақстанның халық әртісі Роза Рымбаева "Алматының құрметті азаматы" атағына ие болды.

Алматы әкімі Бақытжан Сағынтаев қаланың қалыптасуы мен дамуына ерекше үлес қосқан қала тұрғындарының еңбегін атап өтілгенін айтты. 

"Белгілі қоғам мен саяси қайраткерлер, ғылым мен білім, медицина мен мәдениет, кино мен әдебиет саласының қызметкерлері қоғамға қызмет етіп қана қоймай, ұрпақтар сабақтастығын қамтамасыз етіп, өскелең ұрпақ үшін үлгі болуда", - деп жазды Сағынтаев.

"Алматының құрметті азаматы" атағы Роза Рымбаевамен қатар экономика ғылымдарының докторы  Рахман Алшанов, мемлекеттік және қоғам қайраткері Тұрарбек Асанов, білім саласының ең сіңірген қайраткері Шамша Беркімбаева, Алматы ардагерлер кеңесінің төрағасы Ахан Бижанов, Қазақстанның халық әртісі, актер, кинорежиссер Досхан Жолжақсынов, Қазақстанның халық жазушысы Қабдеш Жұмаділов, медицина ғылымдарының докторы Нина Каюпова және Алматының басты реаниматологы Тілеуберді Қуандықовқа берілді. 

368
Кілт сөздер:
құрметті азаматтар, Алматы, Роза Рымбаева
Тақырып бойынша
"Бәрін Тасқынмен салыстырдым": Роза Рымбаева туралы қызықты деректер
"Әлем елдеріне үлгі боларлық дүние": Тоқаев Роза Рымбаеваға алғыс айтты
"Бала-шағамды зейнетақымен асырап отырмын": Роза Рымбаева карантиндегі өмірі жайлы
"7500 теңге таратамыз": Роза Рымбаеваның ұлы желіде тараған ақпарат туралы жазды  
Роза Рымбаеваның ұлы үйленді: қызын ұзатқан отбасыға айыппұл салынды