Қоғам

Мәтінді латын әліпбиіне аударудың ІТ қосымшасы әзірленеді

© Sputnik / Айгюзель КадирЛатын әліпбиімен шығарылған кітап
Латын әліпбиімен шығарылған кітап - Sputnik Қазақстан
Жазылу
Мәдениет және спорт министрлігінің жанынан жұмысты үйлестіру мақсатында "Тіл – қазына" орталығы құрылуда

АСТАНА, 13 ақпан – Sputnik. Мәдениет және спорт вице-министрі Ерлан Қожағапанов латын әліпбиіне кезеңдеп көшу жоспарын түсіндірді, деп хабарлайды Sputnik Қазақстан тілшісі.

Латын әліпбиі - Sputnik Қазақстан
Қоғам
Мәдениет министрлігі блогерлер мен латын әліпбиіне қатысты пікір білдірді

"Бірінші кезең – 2018-2020 жылдар аралығы. Нормативтік-құқықтық базаны жетілдіру бойынша дайындық жұмыстары мен іс-шаралар жүргізіледі. Латын графикасы негізінде дұрыс жазу қағидалары, мәтінді латын әліпбиіне аударудың ІТ қосымшалары әзірленетін болады. Екінші кезең – 2021-2023 жылдар. Қазақстан Республикасы азаматының төлқұжатын, жеке куәлігін және басқа да құжаттарды латын графикасы негізінде мемлекеттік тілде беруді қамтамасыз ету көзделіп отыр. Филологтар, ғалымдар мен лингвистерді тарта отырып, халықты үйрету үшін семинарлар, курстар ұйымдастырылады. Үшінші кезең – 2024-2025 жылдар аралығы. Мемлекеттік органдардың, білім беру ұйымдары мен мемлекеттік БАҚ және баспа басылымдардың айналымын латын графикасына кезеңдеп көшіру жоспарланған", — деді вице-министр үкімет отырысында.

Оның айтуынша, министрлік жанынан жұмысты үйлестіру мақсатында "Тіл – қазына" орталығы құрылып жатыр.

Жаңалықтар
0