АСТАНА, 19 ақпан — Sputnik. Нұрсұлтан Назарбаев Иран Ислам Республикасының Президенті Хасан Руханиге көңіл айту жеделхатын жолдады, деп хабарлайды Ақорда.
Мемлекет басшысы Ирандағы жолаушылар ұшағы апатының салдарынан көптеген адамның қаза болғаны туралы хабарды зор күйзеліспен қабылдады.
"Қазақстан халқының және жеке өзімнің атымнан қаза болғандардың туыстары мен жақындарына көңіл айтып, қайғыларына ортақтастығымды білдіремін", – делінген жеделхатта.
Естеріңізге сала кетейік, кеше Иранның Исфахан провинциясында бортында 66 адам болған ұшақ апатқа ұшыраған.
