Астана

Ғалымдар ірі қалаларда тұру неге қауіпті екенін айтты

453
(Жаңартылды 13:53 13.03.2018)
Адамның терісінде ұсақ ағза көп болған сайын, тері ауруларына шалдығу қатері төмендейді

АСТАНА, 9 наурыз — Sputnik. Ауылда өмір сүретіндерге қарағанда ірі қалалар халқы тері ауруларымен жиі ауырады. Оңтүстік Кореядағы бірнеше ғылыми зертхананың ғалымдары осындай қорытындыға келді, деп жазады РИА Новости

Бұған дейін ғалымдар тері ауруларына ауаның ластануы себеп болуы мүмкін деген болжам жасаған еді.

 

Зерттеушілер адам терісін мекен еткен ұсақ ағзалардың "өміріне" талдау жасады. Ол үшін Қытайдың бес қаласында тұратын 231 әйелден анализ алған. Үшеуі үлкен қала саналса, қалған екеуі – мегаполис. 

Зерттеу барысында үлкен қалаларда тұратындарға қарағанда мегаполис тұрғындарының терісінде микроорганизм анағұрлым аз екені анықталды. Тиісінше, ұсақ ағза теріде көп болған сайын, дерматитпен ауыру қатері де төмен болады. 

Айта кетсек, бұған дейін АҚШ дерматологтары қымбат косметика мен пластикалық хирургтердің көмегінсіз бетті жасартудың әдісін тапқан болатын. Ол үшін күніне жарты сағат мимикалық гимнастикамен айналысу жеткілікті. Мамандар "бетке арналған жаттығудың" 20 апталық бағдарламасын әзірледі.

453
Кілт сөздер:
қауіп-қатер, мегаполис, ірі қалалар, ғалымдар
Ұшақ, аспан

Қазақстан мен Ресей арасындағы әуе қатынасы жанданады

11
Бұған дейін екі ел арасында репатриациялық рейстер ғана жүзеге асырылды. Ол үшін құзырлы органдардың келісімін алу керек болатын

НҰР-СҰЛТАН, 20 қыркүйек — Sputnik. Ресей өз аумағына Қазақстан азаматтарының кіруіне рұқсат берді. Шектеу коронавирустың таралуына байланысты енгізілген болатын.

"Қазақстан, Қырғызстан, Беларусь және Корея елдерінің азаматтарына және осы елдерде тұруға ықтиярхаты барларға Ресейге әуе өткізу пунктері арқылы кіруге рұқсат етіледі. Ресейліктер де бұл елдерге емін-еркін бара алады", - делінген Ресей үкіметінің сайтында жарияланған ақпаратта. 

Бұған дейін екі ел арасында репатриациялық рейстер ғана болды. Ол үшін құзырлы органдардың келісімін алу керек еді.

Рейстер аптасына бір рет жүзеге асырылады.

Қазақстан мен Ресей арасындағы әуе қатынасы 21 қыркүйекте жанданады.

11
Роза Рымбаева мен Бақытжан Сағынтаев

Роза Рымбаева Алматының құрметті азаматы атанды

82
"Алматының құрметті азаматы" атағы тоғыз тұрғынға берілді. Сағынтаев олар қаланың қалыптасуы мен дамуына ерекше үлес қосқанын атап өтті

НҰР-СҰЛТАН, 20 қыркүйек – Sputnik. Қала күнінде Қазақстанның халық әртісі Роза Рымбаева "Алматының құрметті азаматы" атағына ие болды.

Алматы әкімі Бақытжан Сағынтаев қаланың қалыптасуы мен дамуына ерекше үлес қосқан қала тұрғындарының еңбегін атап өтілгенін айтты. 

"Белгілі қоғам мен саяси қайраткерлер, ғылым мен білім, медицина мен мәдениет, кино мен әдебиет саласының қызметкерлері қоғамға қызмет етіп қана қоймай, ұрпақтар сабақтастығын қамтамасыз етіп, өскелең ұрпақ үшін үлгі болуда", - деп жазды Сағынтаев.

"Алматының құрметті азаматы" атағы Роза Рымбаевамен қатар экономика ғылымдарының докторы  Рахман Алшанов, мемлекеттік және қоғам қайраткері Тұрарбек Асанов, білім саласының ең сіңірген қайраткері Шамша Беркімбаева, Алматы ардагерлер кеңесінің төрағасы Ахан Бижанов, Қазақстанның халық әртісі, актер, кинорежиссер Досхан Жолжақсынов, Қазақстанның халық жазушысы Қабдеш Жұмаділов, медицина ғылымдарының докторы Нина Каюпова және Алматының басты реаниматологы Тілеуберді Қуандықовқа берілді. 

82
Кілт сөздер:
құрметті азаматтар, Алматы, Роза Рымбаева
Тақырып бойынша
"Бәрін Тасқынмен салыстырдым": Роза Рымбаева туралы қызықты деректер
"Әлем елдеріне үлгі боларлық дүние": Тоқаев Роза Рымбаеваға алғыс айтты
"Бала-шағамды зейнетақымен асырап отырмын": Роза Рымбаева карантиндегі өмірі жайлы
"7500 теңге таратамыз": Роза Рымбаеваның ұлы желіде тараған ақпарат туралы жазды  
Роза Рымбаеваның ұлы үйленді: қызын ұзатқан отбасыға айыппұл салынды