Қоғам

Министр елімізге Қытай мен Түркиядан қанша мигрант келгенін айтты

© Sputnik / Алексей ФилипповМигрант
Мигрант - Sputnik Қазақстан
Жазылу
Елімізге алыс шетелден келетін мигранттардың саны көбейіп келеді

АСТАНА, 16 сәуір — Sputnik. Соңғы үш жылда алыс шетелден келген мигранттардың көпшілігі Қытай мен Түркия азаматтары болып отыр. Бұл туралы мәжілістегі үкімет сағатында ҚР Ішкі істер министрі Қалмұханбет Қасымов айтты, деп хабарлайды Sputnik Қазақстан тілшісі.

Бейжің тұрғындары - Sputnik Қазақстан
Қоғам
Қытай еліміздің кей өңірлерін өз жері дей ме? Министрлік түсініктеме берді

"Еліміздегі көші-қон процесі өте ауқымды. Болашақта ол тек арта түседі. Соңғы үш жылда ресми статистика бойынша біздің елімізге 5 миллион 600 мыңнан астам шетелдік азамат келген. Олардың тоқсан пайыздан астамы ТМД елдерінің азаматтары, негізінен Өзбекстан, Ресей, Қырғызстаннан келгендер", — деп баяндады Қасымов мәжілісте өтіп жатқан отырыста. 

Сондай-ақ, министрдің айтуынша, алыс шетелден келетін мигранттардың қатары да көбейіп отыр.

"Осы уақытта олардың саны 620 мың адамға дейін жетті. Олардың көбі Қытай және Түркия азаматтары", — деді ол. 

Қасымов заңсыз көші-қонмен күресу министрліктің алдында тұрған басты міндет екенін атап өтті. 

"Себебі бұл еліміздегі қоғамдық тәртіп үшін қауіпті фактор. Өйткені, миграция ағымы есепті бизнес, адам саудасы, экстремизм және терроризммен байланысты болған кездер аз емес. Бұл салада бақылау мен реттеуді тиімді ұйымдастырмасақ, еліміздің әлеуметтік-экономикалық дамуына зиян келуі мүмкін", — деді министр.

Жаңалықтар
0