Ауғанстан

Ауғанстанның 49 азаматы елімізде оралман қазақтың мәртебесін алмақ болған

558
(Жаңартылды 09:03 17.04.2018)
Бұдан бөлек, Бангладеш пен Ауғанстан азаматтары біздің еліміздің аумағын Еуропаға өту үшін пайдаланғысы келеді

АСТАНА, 16 сәуір — Sputnik. Ауғанстанның 49 азаматы елімізде оралман қазақтардың мәртебесін алмақ болған. Бұл туралы мәжілістегі үкімет сағатында мәжіліс төрағасының орынбасары Владимир Божко айтты, деп хабарлайды Sputnik Қазақстан тілшісі.

Вице-спикердің айтуынша, халықаралық жағдай мен көші-қон ағынының өсуі, ішкі миграция жағдайы күш құрылымдары мен ішкі істер министрлігіне қосымша жауапкершілік жүктейді. Божко сырттан төнетін  қауіп-қатер туралы айта келе, ішкі жағдайы күрделі мемлекеттерден болатын ретсіз эмиграция мәселесіне тоқталды. 

"Бұл мигранттар келетін елдегі жағдайдың тұрақсыздануына, террористік және қылмыстық қауіп-қатердің артуына, әлеуметтік-экономикалық мәселелердің күрт шиеленісуіне, жергілікті халықтың қалыпты өміріне қысым жасалуына алып келуі мүмкін. Елімізге мигранттардың ішінде террористердің кіріп кету мүмкіндігі ерекше қауіп тудырады", — деді төраға орынбасары. 

Оның айтуынша, заңсыз көші-қонды ұйымдастыратын фирмалар мен адамдардың қылмыстық әрекеті мен миграциялық тәртіпті бұзушыларды анықтау керек. 

"Ал сандар алаңдаушылығымызды тудырады. Мәселен, 49 Ауғанстан азаматы оралман қазақтардың мәртебесін алмақ болған. Олардың көпшілігі қазір іздеуде жүр. Бангладеш республикасы мен Ауғанстан азаматтары біздің еліміздің аумағын Еуропаға өтіп, ол жақта тұрақтап қалу үшін пайдаланғысы келеді. Екі трансұлттық қылмыстық топ 85 тіркелген қазақстандық компания арқылы Қытайдан Қазақстанға жаппай заңсыз кіру жолын ұйымдастырған", — деп атап өтті Божко.

558
Кілт сөздер:
босқындар, Ауғанстан
Телефонмен сөйлесіп тұрған медицина қызметкері

Медициналық көмек көрсететін 18 ұйымның бір жарым мыңнан астам кемшілігі анықталды

97
Мамандар анықталған кемшіліктердің басым көпшілігі жеке төленетін консультациялық-диагностикалық қызметтерді көрсетумен байланысты екенін айтады

НҰР-СҰЛТАН, 27 қыркүйек – Sputnik. Тұрғындарға көрсетілген медициналық қызметтердің сапасына тексеріс жүргізу нәтижесінде, Түркістан облысында 18 жеткізушінің көрсеткен қызметінен 1 167 түрлі кемшілік анықталды. Бұл туралы "Әлеуметтік медициналық сақтандыру қоры" АҚ Түркістан облысы бойынша филиалының сарапшылары мәлімдеді.

Қор филиалының медициналық сапасын мониторингтеу бөлімінің басшысы Галима Төреханованың айтуынша, осы күндері мемлекеттік тегін медициналық көмек кепілдігі шеңберінде және МӘМС пакеті бойынша жеткізушілер көрсеткен қызметтердің сапасы мен көлеміне мониторинг жүргізіліп жатыр.

"Маусым-шілде айының қортындысы бойынша тұрғындарға медициналық көмек көрсету кезінде 18 жеткізушінің көрсеткен қызметі тексеріліп, нәтижесінде 1 167 түрлі кемшілік анықталды. Жалпы, медициналық ұйымдарға салынған айыппұл сомасы 9,6 миллион теңгені құрады", – делінген хабарламада.

Қор өкілдері бүгінгі таңда алдымен жеткізушілер тұрғындарға тиісті   медициналық қызметтерді көрсететінін айтады.

"Көрсетілген қызмет сапасы мен көлеміне қарай қор сарапшылары тарапынан мониторинг жүргізіледі. Егер кемшіліктер анықталмаса, ақысы төленеді, ал кемшіліктері болса тиісті ережелерге сәйкес айыппұл салынады", – дейді Төреханова.

Қандай кемшіліктер жиі кездеседі

Анықталған кемшіліктердің басым көпшілігі жан басына шаққандағы нормативке кірмейтін, жеке төленетін консультациялық-диагностикалық қызметтерді көрсетумен байланысты. Яғни, шілде айында пациенттер қызметтің осы түрін алғандығы ақпараттық жүйелерге енгізілген.

Жалпы, өңірлер арасында кемшілік фактілері Қостанай, Алматы облысы мен Алматы қаласында жиі кездеседі. Ал Павлодар, Жамбыл, Ақмола облысында кемшілік аз анықталған.

Оқи отырыңыз: Нұр-Сұлтанда медициналық көмек қалай көрсетіледі – дәрігер жағдайды түсіндірді

Айта кетейік, медициналық сақтандыру қорының ұйымдастырған кері байланысы қоғамдық бақылау жүргізіп, пациенттің құқығын қорғауда және медициналық ұйымдарды тәртіпке келтіруде септігін тигізіп жатыр. Шағым немесе өтініш беру үшін 1406 телефонына немесе Qoldau 24/7 мобильді қосымшасы арқылы хабарласуға болады.

97
Кілт сөздер:
кепілдендірілген тегін медициналық көмек, медициналық сақтандыру
Тақырып бойынша
Сағынтаев: халық әлі сапалы медициналық көмек ала алмай отыр
Сенат Байқоңыр тұрғындарына медициналық көмек көрсету туралы келісімді қабылдады
Тегін медициналық көмек пакеті қайта қаралады
Қазақстандықтар 1 сәуірден МӘСҚ аясында медициналық көмек алады
Назарбаев Сағынтаевқа: медициналық қызмет нашарлап, білім алу қымбаттап барады
коронавирус

Денсаулық министрлігі екі тәулікте қанша адам қайтыс болғанын жариялады

1010
Қазіргі уақытта коронавирустық инфекциядан 3 335 адам ем қабылдауды жалғастырып жатыр, олардың арасында 45 бала бар

НҰР-СҰЛТАН, 27 қыркүйек — Sputnik. Қазақстанда соңғы екі тәулікте коронавирус пен пневмониядан тоғыз адам қайтыс болды, деп хабарлады денсаулық сақтау министрлігі.

Министрлік таратқан ақпаратқа сәйкес, соңғы екі тәулікте коронавирустан жеті адам, ал пневмониядан екі адам қайтыс болған.

Қазіргі уақытта коронавирустық инфекциядан 3 335 адам ем қабылдауды жалғастырып жатыр. Олардың арасында 45 бала бар. Стационарларда 1 808 науқас, 1 527 адам амбулаториялық жағдайда емделуде.

"Жалпы, науқастардың арасында 91 адамның ахуалы нашар. Соның ішінде 15 адамның жағдайы аса ауыр деп бағалануда. 22 науқас жасанды тыныс алдыру аппаратына қосылған", - делінген хабарламада.

Өткен тәулікте  64 адамнан коронавирус анықталса, 229 адам пневмонияға шалдыққан.

Жалпы, наурыздан бері 107 723 адам коронавирустық инфекция жұқтырып, 1 722 адам қайтыс болды.

Ал 1 тамыздан бері коронавирус белгілері бар пневмонияға 32 452 адам шалдығып, 349 науқас көз жұмды.

1010
Кілт сөздер:
коронавирус
Тақырып:
Коронавирус эпидемиясы