Қоғам

Депутат министрге: беделіңіздің түскені соншалық, өмір бойы қалпына келтіре алмайсыз

© Sputnik / Болат ШайхиновВладислав Косарев
Владислав Косарев - Sputnik Қазақстан
Жазылу
Депутаттың айтуынша, Ақмола облысындағы оңалту орталығының қызметкерлері желтоқсан айынан бері еңбекақысын ала алмай жүр

АСТАНА, 18 сәуір – Sputnik. Мәжіліс депутаты Владислав Косарев оңалту орталығы қызметкерлерінің үш-төрт айдан бері жалақы ала алмай отырғанын айтып, денсаулық сақтау министрін сынға алды, деп хабарлайды Sputnik Қазақстан тілшісі.

Елжан Біртанов - Sputnik Қазақстан
Қоғам
Министр Біртанов үкімет отырысында Сағынтаевтан сөз естіді

Депутаттың айтуынша, Ақмола облысындағы есірткіге тәуелділер емделіп жатқан оңалту орталығының қызметкерлері өткен жылдан бері жалақы алмаған. 

"Мен орталықта өзім болдым. 70 адам емделіп жатыр, 40 адам жұмыс істейді. Өткен жылдың желтоқсанынан бері бір тиын да ақша алмаған, қарызбен күн көріп жүр. Көмір, солярка, азық-түлік – бәрін қарызға алады. Бұл қалай сонда? Мен мәселені шешуге тырыстым, алайда қолымнан ештеңе келмеді", — деді Косарев мәжілістің жалпы отырысында. 

Депутат мұның өте үлкен қателік екенін және бұған тек министр ғана емес, басқалары да кінәлі болуы мүмкін екенін айтты. 

"Министрдің денсаулық сақтау қызметкерлері алдындағы беделінің төмендегені соншалық, Елжан Амантайұлы (денсаулық сақтау министрі – автор ескертп.) мұны өмір бойы тоқтата алмайсыз деп ойлаймын. Бұл үлкен қателік, менің ойымша, сіз мұны жалғыз өзіңіз жасаған жоқсыз. Сізге біреу көмектескен, мүмкін сізді қолданған шығар", — деді Косарев денсаулық сақтау министріне. 

Оның айтуынша, оңалту орталығы жұмысшыларының алдындағы берешек 65 миллион теңгені құрайды.

Жаңалықтар
0