Мектеп

Еңбек өтілі көп мұғалімдер зейнетке ерте шыға ала ма?

6093
(Жаңартылды 12:03 20.04.2018)
Бүгін білім және ғылым министрі "Нұр Отан" партиясының республикалық қоғамдық қабылдау бөлмесінде азаматтарды қабылдады

АСТАНА, 18 сәуір – Sputnik. Білім саласында ұзақ жыл істеген ұстаздар зейнетке ерте шығып жатса, министрлік оған тек қуанады. Бұл туралы білім және ғылым министрі Ерлан Сағадиев айтты, деп хабарлайды Sputnik Қазақстан тілшісі. 

"Нұр Отан" партиясында өткен қоғамдық қабылдаудан кейін журналистер білім министрі Сағадиевтен "бар ғұмырын білім саласына арнаған ұстаздарға зейнетке ерте шығуға мүмкіндік беретін норма енгізілуі мүмкін бе?" деп сұрады. 

"Бұрын мұндай жүйе болған. Бірақ мұнда тек мұғалімдер ғана емес, дәрігерлер, өрт сөндірушілер, шекарашылар, тағы басқалар бар ғой. Біз министрлік ішінде бұл мәселені қарастыра алмаймыз. Ол еңбек және халықты әлеуметтік қорғау министрлігінің белсенді араласуымен үкімет деңгейінде қаралатын дүние. Қаралған кезде де, тек мұғалімдер ғана емес, барлық категория назарға алынады. Егер осындай норма енгізілсе, біз тек қуанамыз", — деді Сағадиев.


6093
Тақырып:
Зейнетақы мөлшері қалай өзгерді (66)
Загрузка...