Наурыз

Bayan sulu–2018: байқаудың ақтық кезеңінде сайысатын 5 қыз анықталды

155
(Жаңартылды 20:12 16.05.2018)
"BAYAN SULU-2018" халықтық бейне – халық таңдауы" байқауының бірінші кезеңі аяқталды

АСТАНА, 15 мамыр – Sputnik. Халықтық дауыс беру нәтижесінде "Bayan sulu–2018" байқауының ақтық сынында сайысатын 5 арудың есімі белгілі болды, деп хабарлайды Sputnik Қазақстан. 

Баян Алагөзова түсірген ұлттық арнадағы "Қозы Көрпеш-Баян сұлу" телехикаясы көрерменнің көңілінен шықпай, қоғамда қызу пікірталас тудырған еді. Әсіресе, сыни пікірлер басты кейіпкердің образына бағытталды. Қалың қауым жырдағы бейнемен ұштасатын Баян сұлуды кинодан көре алмағанын айтты. Осы тұста "Баян сұлу" кондитерлік фабрикасы халыққа өз Баянын таңдауға мүмкіндік беру керек деп шешіп, "Bayan sulu–2018" байқауын жариялайды. 

Әуелі байқау қорытындысы 15 сәуір – ғашықтар күні қарсаңында белгілі болуы керек еді, бірақ кейін ұйымдастырушылар оны 19 мамырға дейін ұзартты. 

13 мамырда дауыс беру тоқтатылып, ақтық сында бақ таластыратын бес арудың есімі белгілі болды. Олар — Әдинай Римхаш, Жанар Сәкенова, Әйгерим Қалиева, Мәдина Лепесбай және Қорлан  Мұрат.

Бес қыздың ішінен жеңімпазды әділқазылар алқасы таңдайды. Қазылар құрамына мәдениет және қоғам қайраткерлері, БАҚ өкілдері кіреді. Бас жүлде – жеңіл автокөлік. Бұдан бөлек, жеңімпаз ару жыл бойы "Баян сұлу" кондитерлік маркасының ресми бейнесі болып танылмақ.

Екінші орынға Таиландқа екі адамға жолдама, үшіншіге iPhone X телефоны, төртінші және бесінші орындарға 150 мың теңгеден белгіленіп отыр. 

Айта кетейік, байқауға қатысу үшін 18 бен 35 жас аралығындағы қыз-келіншектер halykbayansulu.kz сайтындағы анкетаны толты¬рып, фотосы мен видеоролик жүктеуі керек болды. Оларға өзі туралы және неліктен халықтың Баян сұлуы болуға лайық екенін әңгімелеп беру талабы қойылды. 

Әділ жолмен емес, түрлі айла-амалмен дауыс жинаған кейбір қыздар байқаудан шеттетілді. 


155
Кілт сөздер:
Bayan sulu–2018, ару, байқау, Баян сұлу
Ұшақ, аспан

Қазақстан мен Ресей арасындағы әуе қатынасы жанданады

22
Бұған дейін екі ел арасында репатриациялық рейстер ғана жүзеге асырылды. Ол үшін құзырлы органдардың келісімін алу керек болатын

НҰР-СҰЛТАН, 20 қыркүйек — Sputnik. Ресей өз аумағына Қазақстан азаматтарының кіруіне рұқсат берді. Шектеу коронавирустың таралуына байланысты енгізілген болатын.

"Қазақстан, Қырғызстан, Беларусь және Корея елдерінің азаматтарына және осы елдерде тұруға ықтиярхаты барларға Ресейге әуе өткізу пунктері арқылы кіруге рұқсат етіледі. Ресейліктер де бұл елдерге емін-еркін бара алады", - делінген Ресей үкіметінің сайтында жарияланған ақпаратта. 

Бұған дейін екі ел арасында репатриациялық рейстер ғана болды. Ол үшін құзырлы органдардың келісімін алу керек еді.

Рейстер аптасына бір рет жүзеге асырылады.

Қазақстан мен Ресей арасындағы әуе қатынасы 21 қыркүйекте жанданады.

22
Роза Рымбаева мен Бақытжан Сағынтаев

Роза Рымбаева Алматының құрметті азаматы атанды

105
"Алматының құрметті азаматы" атағы тоғыз тұрғынға берілді. Сағынтаев олар қаланың қалыптасуы мен дамуына ерекше үлес қосқанын атап өтті

НҰР-СҰЛТАН, 20 қыркүйек – Sputnik. Қала күнінде Қазақстанның халық әртісі Роза Рымбаева "Алматының құрметті азаматы" атағына ие болды.

Алматы әкімі Бақытжан Сағынтаев қаланың қалыптасуы мен дамуына ерекше үлес қосқан қала тұрғындарының еңбегін атап өтілгенін айтты. 

"Белгілі қоғам мен саяси қайраткерлер, ғылым мен білім, медицина мен мәдениет, кино мен әдебиет саласының қызметкерлері қоғамға қызмет етіп қана қоймай, ұрпақтар сабақтастығын қамтамасыз етіп, өскелең ұрпақ үшін үлгі болуда", - деп жазды Сағынтаев.

"Алматының құрметті азаматы" атағы Роза Рымбаевамен қатар экономика ғылымдарының докторы  Рахман Алшанов, мемлекеттік және қоғам қайраткері Тұрарбек Асанов, білім саласының ең сіңірген қайраткері Шамша Беркімбаева, Алматы ардагерлер кеңесінің төрағасы Ахан Бижанов, Қазақстанның халық әртісі, актер, кинорежиссер Досхан Жолжақсынов, Қазақстанның халық жазушысы Қабдеш Жұмаділов, медицина ғылымдарының докторы Нина Каюпова және Алматының басты реаниматологы Тілеуберді Қуандықовқа берілді. 

105
Кілт сөздер:
құрметті азаматтар, Алматы, Роза Рымбаева
Тақырып бойынша
"Бәрін Тасқынмен салыстырдым": Роза Рымбаева туралы қызықты деректер
"Әлем елдеріне үлгі боларлық дүние": Тоқаев Роза Рымбаеваға алғыс айтты
"Бала-шағамды зейнетақымен асырап отырмын": Роза Рымбаева карантиндегі өмірі жайлы
"7500 теңге таратамыз": Роза Рымбаеваның ұлы желіде тараған ақпарат туралы жазды  
Роза Рымбаеваның ұлы үйленді: қызын ұзатқан отбасыға айыппұл салынды