Қоғам

Эскалаторға қысылып қалған қыздың әжесі оқиғаның мән-жайын айтты

CC0 / Ecco / Эскалатор
Эскалатор - Sputnik Қазақстан
Жазылу
Әжесінің айтуынша, эскалатормен түсіп келе жатқанда, бала қолынан шығып, баспалдаққа отыра қалған

АСТАНА, 23 мамыр — Sputnik. Астана полициясы орталық базарда эскалатормен түсіп келе жатып, зардап шеккен екі жасар қыздың оқиғасына қатысты тергеу жұмыстарын бастады.

Жарақат алған қыз туралы хабар 22 мамырда түстен кейін балалар ауруханасынан келді, деп хабарлайды елордалық ішкі істер департаменті.

Баланың әжесі айтып бергендей, қызы және немересімен эскалатормен түсіп келе жатады. Сол кезде кішкентай қыз қолдан шығып, баспалдаққа отырады. Ал эскалатор сәбидің саусақтарын қысып қалыпты.

Дәрігерлердің мәліметіне сүйенсек, қыздың оң қолының шынашағы сынып, сол қолының шынашағы да қатты жарақат алған.

ҚР ҚК 306-бабы 1-тармағы бойынша сотқа дейінгі тергеу басталды (Қауіпсіздік талаптарына сай емес қызмет көрсету).

Оқиғаның мән-жайы анықталып жатыр.

Жаңалықтар
0