Жасөспірімнің архивтегі фотосы

Президент ОҚО-да зорланған баланың ісі неге ұзаққа созылып кеткенін айтты

674
(Жаңартылды 10:37 02.06.2018)
Назарбаевтың пікірінше, жоғары органдарда іске қатысы барлардың туыстары жұмыс істейтіндіктен, тергеу ілгерілемей отыр

АСТАНА, 1 маусым — Sputnik. Қазақстан президенті Нұрсұлтан Назарбаев Оңтүстік Қазақстан облысында зорланған оқушының ісі туралы айтты, деп хабарлайды Sputnik Қазақстан тілшісі.

Мемлекет басшысы мемлекеттік қызметшілер мен шенеуніктердің жұмысына тоқталып, ОҚО-да зорланған баланың оқиғасын мысалға келтірді.

"Қауіпсіздік кеңесінің отырысында да мемлекеттік органдардағы проблемаларды ашық айттым. Мәселен, ОҚО-дағы жоғары сынып оқушылары зорлаған баланың оқиғасы. Іс ұзаққа созылып, туған-туысқандарын әуре-сарсаңға салды. Бәрібір де ештеңе таба алмай, дәлелдей алмадық. Неге екенін білесіздер ме? Барлық жерде туысқандары отырған. Бұл іспен айналысқан полицейлер де – туыстары, жоғары органдарда да туыстар, одан жоғарыда да – туыстары, бәрі істі жабу үшін жасалған", — деді президент "Нұр Отан" партиясы саяси кеңесінің кеңейтілген отырысында. 

Назарбаев бұлай болмауы тиіс екенін атап өтті. 

"Заңда бұлай болмауы керектігі жазылған. Сонда заң неге бұзылады, неге оны бақыламаймыз? Сондықтан цифрлық партия, цифрлық Қазақстан, цифрлық экономика – бұл біздің жолымыз", — деп түйіндеді Назарбаев. 

Еске салып өтсек, ОҚО-дағы Абай ауылында зорланған бірінші сынып оқушысының оқиғасы қоғамдық резонанс тудырған еді. Баланың әжесі немересін ұзақ уақыт бойы жоғары сынып оқушыларының ұрып, зорлап келгенін мәлімдеген болатын. 

Сарыағаш ауданының білім басқармасы сот-медициналық сараптама барысында баланың зорланғаны дәлелденген жоқ деп сендірді, алайда еріктілер мен белсенділер сараптама нәтижесіне күмән келтіріп отыр. Олардың ойынша, отбасына жоғарыдан қысым жасалуда. 

Аталған фактіні тергеу ісіне қазақстандық және шетелдік сарапшылар да тартылды. Қазір зорланған бала мен оның анасы, сондай-ақ әжесі мен әпкесі мемлекет қамқорлығында.


674
WhatsApp мессенджері

Жеке бас араздығы үшін желіде жалған ақпарат таратқан әйел анықталды

2
(Жаңартылды 19:32 05.08.2020)
Полицейлердің айтуынша, өзара араздасқан тараптар медиация тәсілі арқылы татуласуға келіскен

АЛМАТЫ, 5 тамыз – Sputnik. Солтүстік Қазақстан облысының Мамлют ауданында әйел WhatsApp желісінде танысының фотосын жариялап, оның маньяк екенін айтқан. Polisia.kz порталының хабарлауынша, 27 жастағы тұрғын фотодағы азаматпен араздасып қалған соң, осындай әрекетке барған.

Автор желіде жариялаған фотосының жанына: "Сақ болыңыздар! Мамлют қаласындағы жұмысшы кентінде маньяк пайда болды. Кешкісін құрбандарын іздейді. 30.07.20 жылы ол жас қыздың соңынан жүгірді, қуанышқа қарай бойжеткен қашып үлгерді. Бұрын қылмыстық жауапкершілікке тартылған" деп жазып, хабарламаны мессенждерлерде таратқан.

Аудандық полиция бөлімінің қызметкерлері жалған ақпарат таратушыны мониторинг жүргізу арқылы тапты.

"Тәртіп сақшылары аудан орталығының 27 жастағы тұрғынын анықтады. Ол өзінің танысымен арада туындаған кикілжіңге байланысты фотосын жариялап, жалған ақпарат таратқанын мойындады", - делінген ақпаратта.

3 тамызда Әкімшілік құқық бұзушылық туралы кодекстің 73-3-бабының 2-бөлігі "жала жабу" бойынша әкімшілік сот отырысы өтті. Медиация нәтижесінде жәбірленуші шағымдардан бас тартып, жерлесімен татуласуға келісті.

"Егер бұл жерде медиация тәсілі қолданылмағанда тәртіп бұзушыға 180 айлық есептік көрсеткішке дейін айыппұл салу (500 040 теңге) немесе 20 тәулікке әкімшілік қамауға алу түріндегі жауапкершілік жүктелетін еді. Заңда жеке тұлғаларға жала жапқаны үшін, яғни басқа адамның ар-намысы мен қадір-қасиетіне, беделіне нұқсан келтіретін көрінеу жалған ақпарат таратқаны үшін дәл осындай жаза қарастырылған", - деді Мамлют аудандық полиция бөлімінің бастығы Серік Әлжанов.

2
Қасым-Жомарт Тоқаев пен Асхат Аймағамбетов

Тоқаев білім министріне ұстаздарға қатысты екі маңызды тапсырма берді

2587
(Жаңартылды 17:58 05.08.2020)
Президент жаңа оқу жылын дұрыс ұйымдастырудың маңызды екенін ескертіп, қашықтан оқыту кезінде тұрмысы төмен отбасылардан шыққан балаларға қолдау көрсетуге көңіл бөлуді тапсырды

НҰР-СҰЛТАН, 5 тамыз – Sputnik. Білім және ғылым министрі Асхат Аймағамбетов президент Қасым-Жомарт Тоқаевқа министрліктің жаңа оқу жылына дайындығы және бұған дейін берілген тапсырмалардың орындалу барысы жайында есеп берді, деп хабарлады Ақорда сайты.

Президент жаңа оқу жылын дұрыс ұйымдастырудың маңызды екенін ескертті. Әсіресе, қашықтан оқыту кезінде әлеуметтік аз қамтылған отбасылардан шыққан балаларға қолдау көрсету қажеттігіне баса назар аударды.

"Мемлекет басшысы білім және ғылым министріне педагогтердің мәртебесін көтеру жөніндегі жұмысты жалғастыруды, ұстаздарды негізгі қызметінен бөлек жұмысқа жұмылдырмауды және 2021 жылғы қаңтар айына жоспарланған мұғалімдердің жалақысын 25%-ға арттыруды қамтамасыз етуді тапсырды, – делінген хабарламада.

Сондай-ақ, Қасым-Жомарт Тоқаев жоғары оқу орындарының академиялық дербестігін одан әрі кеңейту, жоғары білімнің сапасын арттыру және ЖОО-дағы ғылымды дамыту туралы тапсырма берді.

Оқи отырыңыз: "Ашық айтуымыз керек": білім министрі үкіметте маңызды мәселені көтерді

2587
Кілт сөздер:
ұстаздар, білім
Тақырып бойынша
Білім министрі Аймағамбетов сүйінші жаңалығын бөлісті
Депутат білім министріне ата-аналарды мазалаған мәселені жеткізді
Білім күні қалай өтеді – министр жауап берді 
Аймағамбетов жаңа оқу жылында білім алудың ерекшеліктерін атады
Білім министрлігі карантинге байланысты қандай өзгеріс болғанын хабарлады