Қоғам

Қыдырәлі Болман қазақ қыздарының қытайға тұрмысқа шығуына қатысты пікір білдірді

© Sputnik / Болат ШайхиновҚыдырәлі Болманов
Қыдырәлі Болманов - Sputnik Қазақстан
Жазылу
Продюсер қазақ қыздарының өзге ұлт өкілдерімен отбасын құруына үзілді-кесілді қарсы

АСТАНА, 30 маусым – Sputnik. Белгілі продюсер, әнші Қыдырәлі Болман қазақ қыздарының Қытай азаматтарына тұрмысқа шығуына қатысты пікір білдірді, деп хабарлайды Sputnik Қазақстан тілшісі. 

"Жалпы әйел бұзылса, онда мемлекет, ұлт бұзылады дейді. Сондықтан мен қаракөз қарындастарымның, біріншіден иманы жоқ, екіншіден таза емес халыққа күйеуге тигенін еш қаламас едім. Жиендерімнің ол жақтан болғанын еш қаламас едім. Өйткені менің оған тәрбием де жібермейді. Біз мұсылман елміз, мұсылманның қызы мұсылманға тұрмысқа шығуы керек. Ата-бабаларымыз елімізді, жерімізді сүйіп, оны қорғап қалды. Ата-бабаның аманатын орындап өсуіміз керек. Сондықтан тисе, тие берсін дейтіндерге менің ешқандай сөзім жоқ", — дейді продюсер Sputnik тілшісіне. 

Әнші Қытай азаматына тұрмысқа шыққан қазақ қыздарына ештеңе айта алмаймын дейді.

Ұлттық киім киген қыз әуежайдан қонақтарды қарсы алуда, архив суреті - Sputnik Қазақстан
Қоғам
"Ұят қой!" Көшедегі адам өзге ұлтқа тұрмысқа шыққан қазақ қызына ұрысты

"Болары болып, бояуы сіңіп қойған дүние ғой. Ал егер бір қарындасым келіп, "қытайға күйеуге шығайын деп едім, қалай қарайсыз?" десе, қалай қарайтынымды түсіндіріп, айтып берер едім", — дейді ол. 

Айта кетейік, әлеуметтік желілерде Қытай азаматы мен қазақ қызының құдаласу рәсімінен видео тараған еді. Ұлт жанашырлары, шоу-бизнес өкілдері желіні шулатқан видеоға қатысты сан түрлі пікір білдірді. Олардың дені қазақ қызын "іштен шыққан жауға" теңеп, қатал сынға алған болатын.

Ал танымал продюсер Баян Алагөзова, керісінше, қазақ қызын жақтап, пікір білдірген еді.

Сауалнама. Қазақтар басқа ұлт өкілімен отбасын құруға қалай қарайды?>>

Жаңалықтар
0