тұрғын үй

7-20-25: кім, қалай және қандай бағамен пәтер алады?

18476
(Жаңартылды 11:17 18.07.2018)
Қазақстанда "7-20-25" бағдарламасы іске қосылды, жеті адам осы бағдарлама бойынша несие алып үлгерген

АСТАНА, 8 шілде — Sputnik, Кенжекей Тоқтамұрат. Осы аптада Алматыда брифинг өткізген Ұлттық банк төрағасы Данияр Ақышев "7-20-25" бағдарламасының бас қаржы операторын таныстыра отырып, қандай банктермен келісімшарт жасалғанын хабарлады. 

Жеңілдетілген ипотеканы кімдер ала алады?

Жаңа ипотекалық бағдарламаға Қазақстанның кез келген қаласындағы тұрақты жұмысы немесе бизнесі бар адам қатыса алады. Бірақ, атына тіркелген баспанасы болмауы шарт. Және де несие тарихы барынша "таза" болу керек. Ал, балаларыңыз немесе әйеліңіздің атындағы баспана ипотека алуға кедергі келтірмейді екен.  

"Қарыз алуға өтініш берген адамның жеке басының мәліметтеріне ғана қараймыз. Өз атына тіркелген жылжымайтын мүлігі жоқ болса жеткілікті. Ал, жақын туыстарының, балаларының, әйелінің немесе күйеуінің, ата-анасының атындағы баспана бағдарламаға қатысуға кедергі бола алмайды", — дейді ҚР Ұлттық банк төрағасы Данияр Ақышев. 

Данияр Ақышев бағдарлама аясында бірнеше қалаларды мысалға ала отырып, ипотеканың орташа құнын есептеп берді. 

"Мәселен, азамат Алматы қаласынан максималды 25 жылға 20 миллион теңгенің пәтерін алды делік. Бұл үйдің алғашқы 20 пайыз жарнасы — 5 млн теңге, ал ай сайынғы төлем 140 мың теңгеден сәл асады. Ақтөбені мысалға алайық. Бұл қалада 15 млн теңгеге екі бөлмелі пәтер аламын деген адам 3 млн теңге алғашқы жарна салып, ай сайын 85 мың теңге төлейді" — деп түсіндірді Ақышев.

Ипотеканы ерте жауып тастауға бола ма?

Ия, азаматтарға осы бағдарлама арқылы алған ипотекасын 25 жылға созбай, ерте жауып тастауға мүмкіндік беріледі. Және де несиеңізді ерте төлеп тастағаныңыз үшін ешқандай айыппұл салынбайды. 

Бағдарлама арқылы Астана, Алматы, Ақтау және Атырау қалаларында тұратын азаматтар 25 млн теңгеден аспайтын, ал, қалған қалалардағы халық 15 млн теңгеден аспайтын баспана ала алады.

Тағы оқыңыз: Дариға Назарбаева мұғалімдер мен дәрігерлерді баспанамен қамтамасыз етудің жолын ұсынды

Данияр Ақышевтің айтуынша, бұл бағдарлама "мемлекеттің арқасында күн көруге" емес, азаматтарды жеңіл несиеге қол жеткізу мақсатында әзірленгенін. 

"Бұны Елбасы бірнеше рет айтқан. Біздің мақсатымыз — азаматтар жеңілдікпен үй алып, оның қарызын мемлекетке жүктеп қою емес, керісінше ары қарай несиелерін төлей алуы" — дейді Ұлттық банк төрағасы. 

Ипотека алу үшін қандай банктерге бару керек? 

Жаңа тұрғын үй бағдарламасының операторы ретінде жаңадан ұлттық компания құрылды. Ол Ұлттық банктің еншілес "Баспана" деп аталатын компаниясы. "Баспана" операторы "7-20-25" бағдарламасы арқылы ипотека беретін 7 банкпен келісімшартқа қол қойған. 

Олар: Центркредит, Евразия банкі, АТФ банк, RBK, Халық банк, Цесна банк және Тұрғын үй құрылыс жинақ банкі. Енді аталған банктердің бөлімшелеріне барып, жаңа ипотекалық бағдарламаға құжат тапсыра берсеңіз болады. Жыл соңына дейін бұлардың қатарына Сбербанк пен Форте банк қосылады. 

Брифинг өткен уақытта Алматы, Ақтау, Астана, Өскемен және Орал қалаларынан жеті  адамның "7-20-25" бағдарламасы бойынша несие алып үлгергені белгілі болды.  

Қандай үй іздеп, қандай құжаттар ұсыну қажет?

Ең басты жаңалық — бастапқыда бағдарлама арқылы тек жаңа үйлердегі пәтерлер ғана сатылады. Екінші деңгейлі пәтерлерді сатып алу бағыты кейін жүзеге асырылмақшы. 

Бұл жерде, әрине, үйлерін әлі ала алмай жүрген үлескерлер еске түседі (айтпақшы,бұл  бағдарлама бойынша үлескерлік арқылы да үй алуға болмайды). Бірақ, Ұлттық банк пен Үкімет құрылысы толық аяқталмаған және құжаты дайын емес үйлердегі пәтерлерге ипотека берілмейді дейді. Ипотека алу үшін банкке барғанда үйдің құжаты міндетті анықтама болып есептелген. Сондықтан, "7-20-25" арқылы үй аламын десеңіз, қалаңыздағы жаңа тұрғын үй кешендерінен пәтер іздеу керек. 

Үй құжатынан басқа, азаматтың кірісі туралы анықтама, басында басқа ипотека бойынша қарызы жоқ деген мәлімет және жазғанымыздай, баспанасы жоқ екендігін растайтын анықтама әкелу керек. 

Тағы оқыңыз: Мемлекеттік мекемелер өз қызметшілеріне баспана алуға көмектеседі

Жаңа бағдарлама тұрғын үй нарығын қымбаттатып жібермей ме?

Көптің алаңдап отырғаны да осы сұрақ. Яғни, жеңілдетілген ипотека бойынша халық жаппай үй ала бастаса, сұраныс артып, баға өсіп кетпей ме деп алаңдаған азаматтар өте көп. Ұлттық банк төрағасы тұрғын үйдің бағасы бұдан өзге де көптеген факторларға тәуелді дейді. 

"Тұрғын үйдің нарықтағы бағасы көп факторға байланысты қалыптасады. Біріншіден, ұсыныс пен сұранысқа байланысты. Біз сұранысты ынталандырып отырмыз, енді ойға қонымды ұсыныс табылып, осы екі баланс сақталса, баспана бағасы шарықтай қоймайды деп ойлаймын", — дейді Данияр Ақышев. 

Естеріңізге сала кетейік, президент Нұрсұлтан Назарбаев биыл наурыз айында өткен парламент палаталарының отырысында "7-20-25" жаңа тұрғын үй бағдарламасын ұсынған еді.  Бағдарлама шілдеден бастап іске қосылды. 

18476
Кілт сөздер:
тұрғын үй бағдарламалары, "7-20-25" бағдарламасы., баспана, Ұлттық банк, Данияр Ақышев
Тақырып:
"7-20-25" бағдарламасы (35)
Білім күні, архивтегі сурет

Білім күні қалай өтеді министр жауап берді 

1
(Жаңартылды 10:54 04.08.2020)
Жаңа оқу жылына дейін ата-аналар мен балаларға үйде білім алу мәселелері бойынша арнайы сабақтар ұйымдастырылады

НҰР-СҰЛТАН, 4 тамыз – Sputnik. Білім және ғылым министрі Асхат Аймағамбетов Білім күні қалай ұйымдастырылатынын айтты, деп хабарлайды Sputnik Қазақстан тілшісі. 

"1 қыркүйек - Білім күнін онлайн режимде өткізуді жоспарладық", - деді Аймағамбетов үкіметтің онлайн отырысында. 

Министрдің айтуынша, жаңа оқу жылына дейін ата-аналар мен балаларға үйде білім алу мәселелері бойынша арнайы сабақтар ұйымдастырылады. 

"Ата-аналар мен оқушылар үшін әдістемелік қолдау көрсету өте маңызды. Біз бұны төртінші тоқсанның нәтижесінде көрдік. Сондықтан тамыз айында балаларға және ата-аналарға үйде қалай оқу керек, гигиена негіздері, кибермәдениет, интернет арқылы қалай оқу керек және дене жаттығуларының маңызы туралы бірыңғай сынып сағаттары, сондай-ақ, ата-аналар жиналысын өткізуді жоспарлап отырмыз", - деп атап көрсетті Аймағамбетов.

Оның сөзіне қарағанда, алдын ала болжам бойынша биыл интернет мен теледидар арқылы 2,6 миллион оқушы, кезекші сыныптарда 530 мың бала және шалғай ауылдарда штаттық режимде 157 мыңнан астам оқушы білім алады.

1
Кілт сөздер:
министр, Асхат Аймағамбетов, білім күні
Тақырып бойынша
Білім министрі Аймағамбетов сүйінші жаңалығын бөлісті
Білім министрлігі карантинге байланысты қандай өзгеріс болғанын хабарлады
Депутат білім министріне ата-аналарды мазалаған мәселені жеткізді
Денсаулық сақтау министрі бетперде тағуға қатысты соңғы өзгерісті жариялады
Мамин коронавирус пандемиясының жаңа толқыны туралы айтты
Пандемия, коронавирус

Мамин коронавирус пандемиясының жаңа толқыны туралы айтты

170
(Жаңартылды 10:21 04.08.2020)
Үкімет басшысы әлем бойынша 126 мемлекетте коронавирус жұқтырғандардың жаңа өсімі тіркеліп отырғанын атап өтті

НҰР-СҰЛТАН, 4 тамыз – Sputnik. Үкімет басшысы Асқар Мамин коронавирустың таралу деңгейі төмендеген аймақтарды атады, деп хабарлайды Sputnik Қазақстан тілшісі. 

Премьер-министрдің айтуынша, бір аптаның ішінде бірқатар облыста инфекцияның репродуктивті көрсеткіші, яғни, вирустың бір адамнан таралу деңгейі 1-ден төмен түсті. Олар: Атырау, Ақтөбе, Маңғыстау, Қызылорда, Шығыс Қазақстан, Жамбыл, Түркістан мен Павлодар облыстары, Нұр-Сұлтан, Шымкент пен Алматы қалалары.

"Ал инфекцияның репродуктивтік деңгейі 1-ден жоғары өңірлер: Қостанай мен Ақмола облыстары. Бұл өңірлерде жағдай күрделі және аймақ әкімдерді эпидемияға қарсы шараларды күшейтуге аса назар аударуы қажет", - деді Мамин үкіметтің онлайн отырысында. 

Үкімет басшысы әлем бойынша 126 мемлекетте коронавирус жұқтырғандардың жаңа өсімі тіркеліп отырғанын да атап өтті. 

"Пандемияның жаңа толқыны күзде пайда болуы мүмкін және оған дайын болуымыз керек. Оның алдын алу үшін барлық белгіленген талаптардың сақталуын қамтамасыз етіп, жоспарланған іс-шаралар кешенін іске асыру қажет", - деп атап көрсетті Мамин.

Еске сала кетсек, кеше, 3 тамызда президент Қасым-Жомарт Тоқаев үкімет азаматтардың карантин режимін сақтау жөніндегі шараларды күшейтуге міндетті екенін айтты. Денсаулық сақтау министрлігі мен барлық медициналық мекемелердің басты міндеті – өлім-жітім деңгейін ең төменгі шекке дейін түсіру, деді президент.

Әрі қарай оқу: https://sputniknews.kz/society/20200803/14620398/Toqaev-ukimet.html

170
Кілт сөздер:
коронавирус, Асқар Мамин
Тақырып:
Коронавирус эпидемиясы
Тақырып бойынша
Денсаулық сақтау вице-министрі екі айға қамауға алынды
Қазақстанда коронавирустан қанша адам қайтыс болғаны айтылды
Денсаулық сақтау министрі бетперде тағуға қатысты соңғы өзгерісті жариялады
"Телефонмен көңіл айтыңыз": вице-министр қазақстандықтарға кеңес берді
Ақтауда болған жағдайдың видеосы тарады - жұрт нені талап етіп отыр