Жүргізуші куәлігі

"Жүргізуші куәлігі үшін 20 мың теңге?" ІІМ жауап берді

2979
(Жаңартылды 09:40 10.07.2018)
Мессенджерлерде жүргізуші куәлігін айырбастау үшін мемлекеттік баждың көтерілгені туралы мәлімет тараған болатын

АСТАНА, 9 шілде — Sputnik. Жүргізуші куәлігін алу үшін мемлекеттік баж көлемінің артқаны туралы жалған ақпаратты полиция теріске шығарды.

Бұдан бұрын WhatsApp мессенджерінде жүргізуші куәлігі үшін мемлекеттік баж сомасының артқаны туралы ақпарат тараған болатын. Хабарламада айтылғандай, бұл мемлекеттік қызмет үшін салық көлемі 20 мың теңгеге жетіпті-міс.

Әкімшілік полиция комитеті бұл ақпаратты жалған деп атап, мемлекеттік баждың өзгермегенін мәлімдеді.

"Мемлекеттік баж айлық есептік көрсеткіштің (2018 жылы 1 АЕК = 2 405 теңге) 125 пайызын құрайды, яғни 3006,25 теңге", — делінген ведомство хабарламасында.

Сонымен бірге аталып өткендей, жүргізуші куәлігін алмастыру үшін арнайы ХҚКО-ға кез келген уақытта баруға болады. Құжат мерзімі өтіп кетсе, қосымша медициналық тексеруден өту керек. Бірақ жол жүру ережесі туралы білімін тексеретін сынақты қайта тапсырудың қажеті жоқ.

Министр Қасымов жүргізуші куәлігінен сотсыз айыруға қатысты пікір білдірді

Енді ауылдық ХҚО-да көлікті тіркеп, жүргізуші куәлігін ауыстыруға болады

2979
Кілт сөздер:
мемлекеттік баж, жалған ақпарат, жүргізуші куәлігі
Тақырып бойынша
Қазақстанда енді жүргізуші куәлігін онлайн ауыстыруға болады
Енді кез келген Халыққа қызмет көрсету орталығынан жүргізуші куәлігін алуға болады
Дәрі-дәрмек

Денсаулық министрі дәрілік шөптерді ішуге кеңес берді

25
Министрдің айтуынша, жоғары температурада антибиотиктерді қабылдағанда вирустар мен бактериялар қатты дәріге тез үйренеді. Салдарынан ауру асқынғанда антибиотиктер көмектеспеуі де мүмкін

НҰР-СҰЛТАН, 9 шілде – Sputnik. Денсаулық сақтау министрі Алексей Цой антибиотиктерді алдын ала қабылдамау қажеттігін ескертті, деп хабарлайды Sputnik Қазақстан тілшісі.

"Қазіргі кезде үйде емделетіндердің көбісі бірден антибиотик ішуді бастайды. Бұл – үлкен қателік. Олай істеген дұрыс емес. Егер дене қызуы 38 градусқа дейін көтеріліп немесе үш күн бойы жоғары температура түспесе, қызуды басатын дәрілерді қабылдаған дұрыс, сан алуан шөптерді ішуге болады. Суды көбірек ішіңіз", – деді Цой бүгінгі онлайн брифингте.

Министрдің айтуынша, антибиотиктердің кері әсері қатты. Ал ең бастысы, дүрбелеңге салынбау қажет.

"Қызуды басатын дәрілерді де тек 38 градустық температура болса ғана ішу керек. Оған дейін адамның ағзасы вирустармен және бактериялармен өзі күреседі, Негізі, жоғары температура болмаса, иммунитет ауруды өзі жеңе алады. Ал антибиотиктерді тек дәрігерлердің нұсқауымен ғана қабылдау қажет", – деп атап көрсетті Цой.

Осы орайда министр антибиотиктердің кері әсеріне тоқталды. Оның сөзіне қарағанда, адамдар жоғары температура болмаса да, антибиотиктерді қабылдауды бастайды. Ондайда вирустар мен бактериялар қатты дәріге тез үйреніп қалады. Соның салдарынан ауру асқынғанда антибиотиктер көмектеспеуі де мүмкін.

Оқи отырыңыз: Президент дәрі-дәрмек тапшылығы мәселесі қай кезде шешілетінін айтты

"Бүгінде біз арнайы нұсқаулықтарды әзірледік. Оны министрліктің ресми сайтынан табуға болады. Сол жерде амбулаториялық деңгейде, яғни үйде емделу тәртібі жазылған. Міне, осы ақпаратты пайдалану қажет", – деді Цой.

25
Кілт сөздер:
емделу, дәрі
Тақырып:
Коронавирус эпидемиясы
Тақырып бойынша
Тоқаев дәрі-дәрмек туралы: импортқа тым тәуелдіміз
Нұр-Сұлтанда қарт адамдарға дәрі-дәрмек үйге жеткізіліп жатыр
Ресейлік дәрі-дәрмек пен медтехника қазақстандықтарға аурудан айығуға көмектеседі
Нұр-Сұлтан дәріханаларында дәрі-дәрмек сатуға лимит қойылады
Шымкент әкімі дәрі-дәрмек сатып алуға қатысты кеңес берді 
Ақша, теңге

Қазақстанда қарызы бар адамдарға қатысты ереже өзгерді

1311
Енді борышкерлер өз қарызы туралы басқа елге ұшар алдында емес, бес жұмыс күні бұрын білетін болады

НҰР-СҰЛТАН, 9 шілде – Sputnik. Қазақстанда шетелге шығуға тыйым салынған борышкерлерді берешегі туралы әуежайда емес, одан ерте – ұшуға бес жұмыс күні қалғанда хабардар етеді. Бұл туралы әділет министрлігінің баспасөз қызметі хабарлады.

Қазақстан президенті 27 маусымда "Қазақстан Республикасының кейбір заңнамалық актілеріне атқарушылық іс жүргізуді және қылмыстық заңнаманы жетілдіру мәселелері бойынша өзгерістер мен толықтырулар енгізу туралы" заңға қол қойды.

Бұл заң елден шығуға тыйым салу бойынша шектеу шараларын жеңілдетеді, ол 8 шілдеде күшіне енді.

Заңға сәйкес, берешек шегі ұлғайтылды, одан асып кеткен жағдайда, елден шығуға тыйым салынады. Бұған дейін ол 20 АЕК-ті құраған еді, енді екі есеге артып отыр – 40 АЕК немесе 111 120 теңге.

Тағы оқыңыз: 42 500 теңге алғандарға кредит берілмей ме – қаржы министрлігі жауап берді

Сот орындаушысының өз қалауы бойынша әрекет ету өкілеттігін қысқарту үшін елден шығуға тыйым салар алдында бес жұмыс күні бұрын борышкерге хабарлау туралы норма енгізілді.

Елден шығуға уақытша шектеу қою мерзімі, тәртібі мен негіздері, соның ішінде оның күшін жою мерзімі мен негіздері қайта қаралды.

Қазір сот орындаушылары уақытша шектеулердің күшін үш жұмыс күні ішінде емес, бір күн ішінде жояды.

1311
Кілт сөздер:
тыйым, қарыз
Тақырып бойынша
Вице-министр Қазақстанның берешегі туралы: әлі де қарыз алуға мүмкіндік бар
Алматы әкімі: 13 миллион теңгеге дейінгі қарыз жылдық 5% жеңілдікпен беріледі
Қазақстандықтар коммуналдық қызметтерге 13 млрд теңге қарыз болып қалды
Алматылық келіншек банкке 45 миллиард теңге қарыз екенін білді
Әнші Сейфуллин Жолбарыс

Танымал актер Сейфуллин Жолбарысқа араша түсті

0
Сақатов әлеуметтік желіде тараған шулы видеоны көргеннен кейін халықтан өнер жұлдызының қылығына кешіріммен қарауды сұрады

НҰР-СҰЛТАН, 9 шілде – Sputnik. Белгілі қазақстандық актер, сатирик Алмат Сақатов басы дауға қалған әнші Сейфуллин Жолбарысқа араша түсті.

Әртіс Facebook-тен Сейфуллин Жолбарыстың дүкенші жігітпен сөзге келіп қалған видеосын көрген.

"Баяғыда бір ақсақал ақ қағаздың бетіне кішкене қара нүкте салып,  оқушыларынан не көріп тұрсыңдар деп сұрапты. Оқушылардың бәрі қара нүкте көріп тұрмыз депті. Сонда ақсақал: "өмірде үйреніңдер, сендер мына жерден қара нүктені көреміз деп, үлкен ақ қағазды көрмей тұрсыңдар" деген екен. Жаңылмайтын жақ, сүрінбейтін тұяқ жоқ. Сондықтан сәл бір сүрінген екен деп жерден алып, жерге салу қажет емес", - деді өнер адамы Instagram-да видео жариялап.

Посмотреть эту публикацию в Instagram

Публикация от Сақатов Алмат (@sakatovalmat)

Ол әншінің дүкендегі әрекеті қателік екенін мойындады.

"Әрине, қателік, бірақ жігітті демейтін қасындағы елі, достары ғой. Аман болыңыздар", - деді Сақатов.

Әншінің даулы видеосы

Жуырда әлеуметтік желіде Сейфуллин Жолбарыстың дүкенші жігітпен жанжалдасып қалған видеосы тарады. Әнші сатушыға боғауыз сөздер айтқан. Дүкенші жігітті сыртқа шығып, жігітше сөйлесуге шақырған.

Sputnik Қазақстан өнер жұлдызына хабарласып, істің мән-жайын білді.

Әнші дүкендегі әрекеті үшін заң жүзінде жауап беріп жатқанын, видеоны желіге салған адам оқиғаның қалай басталғанын көрсетпегенін мәлімдеді.

0
Кілт сөздер:
видео, әнші, актер
Тақырып бойынша
Танымал қазақстандық әнші коронавирус жұқтырды
Тойда ерсі қылық жасаған танымал әнші концерт қою құқығынан айырылды – видео
Әнші концертте болған жаппай төбелеске қатысты ойын айтты - видео
"Адамдар аштықтан өледі": Танымал әнші Тоқаевқа видео үндеу жолдады