Қазақстан президенті үкімет басшысын қабылдады

Назарбаев Сағынтаевқа: медициналық қызмет нашарлап, білім алу қымбаттап барады

513
(Жаңартылды 16:44 24.07.2018)
Қазақстан президенті үкімет басшысын қабылдады

Астана, 19 шілде — Sputnik. Кездесуде үкіметтің 2018 жылғы бірінші жартыжылдықта атқарған жұмыстарының қорытындылары, мемлекеттік және салалық бағдарламалардың іске асырылу барысы талқыланды, деп хабарлайды Ақорда. 

Нұрсұлтан Назарбаев еліміздің әлеуметтік-экономикалық даму көрсеткіштері артып келе жатқанына қарамастан, мемлекет тарапынан қабылданған бағдарламалар тұрғындарды толық қамтымай отырғанын айтты.

"Бірінші жартыжылдық аяқталды. Көрсеткіштер өсіп келеді. Жалпы, халықтың әл-ауқаты жақсы. Біз индустриялық, инфрақұрылымдық және әлеуметтік бағдарламалар қабылдадық. Алайда, жергілікті атқарушы органдар мен министрліктер оларды толық орындамай отыр, бекітілген бағдарламалар өңірлерге жетпей жатыр", – деді мемлекет басшысы.

Елбасы коммуналдық қызмет көрсету тарифтерінің өскеніне және еліміздегі жоғары оқу орындарындағы оқу ақысының қымбаттағанына тоқталып, медициналық қызмет пен білім сапасының төмендеп бара жатқанын атап өтті. 

"Коммуналдық қызметтердің бағасы өсті. Медициналық қызмет көрсету нашарлады. Білім алу қымбаттап барады. Жастар біздің университеттердегі білім сапасының төмендігіне байланысты Ресейдің жоғары оқу орындарын таңдайтын болды. Біздің қоғамда осындай проблемалар жиі көтерілуде", – деді мемлекет басшысы. 

Қазақстан президенті ел экономикасындағы шағын және орта бизнестің рөлін арттыру, сондай-ақ кәсіби мемлекеттік аппарат қалыптастыру мәселелеріне тоқталды.      

Нұрсұлтан Назарбаев "Бес әлеуметтік бастаманы" және инфрақұрылымдық даму бағдарламасын сапалы жүзеге асырудың маңыздылығын атап өтті. Сонымен қатар, мемлекет басшысы өңірлерде жол салу мәселесіне де назар аударды. 

Соңында Қазақстан президенті үкімет пен жергілікті атқарушы органдар тарапынан қабылданған мемлекеттік және салалық бағдарламалардың сапалы  орындалуын қамтамасыз етуді және олардың жүзеге асырылуына мұқият бақылау жасауды тапсырды.

513
Тақырып бойынша
Көпбалалы өрт сөндірушіні Назарбаев берген пәтерден қуып жатыр
Назарбаев Түркістан облысының әкімі Түймебаевқа қандай хат жазды?
Назарбаев Астанадағы ең сүйікті жерін атады
Назарбаев қазақстандықтардың жалақысын көбейтетін заңға қол қойды
ҰБТ-дағы 140 балл: Назарбаев университеті түлекті неге қабылдамайтынын түсіндірді
Назарбаев жарлыққа қол қойды: Қазақстанда жаңа облыс құрылды
Назарбаев жұмыс күнін қалай дұрыс бастау керек екенін айтты
Назарбаев парламентке үндеу жолдады
Загрузка...