Денис Теннің жанкүйерлері

"Өмірді шын сүйемін". Денис Теннің арманы қандай еді?

3191
(Жаңартылды 14:17 21.07.2018)
Мәнерлеп сырғанаушы шағын шоу-бағдарлама әзірлеп, бүкіл Қазақстан халқының назарына ұсынуды армандаған

АСТАНА, 19 шілде — Sputnik. Танымал қазақстандық мәнерлеп сырғанаушы қазасы барша қазақстандықтың қабырғасын қайыстырды. Еліміздің көгінде құйрықты жұлдыздай жарқ етіп өте шыққан Олимпиада ойындарының қола жүлдегері небәрі 25 жас 36 күн ғұмыр кешкен.

Болашақ чемпион Алматыда дүниеге келіп, өмірінің басым бөлігін мұз айдынында өткізді. Мәнерлеп сырғанаумен денсаулық тобында айналыса бастаған.

"Биыл Астана жиырма жылдығын тойлап жатыр, біз құрдаспыз, мен де биыл мұз айдынындағы 20 жылдығымды атап өтемін", – деген еді Денис Астанада 9 маусымда "Барыс Арена" мұз айдынында өткен "Денис және достары" атты кешінде.

Денис сонау Корей империясы генералы Мин Гын Хоның ұрпағы, ақсүйектер әулетінен шыққаны үнемі сезіліп тұратын. "Сыпайы әрі кішіпейіл" —  қазақстандық спортшыға әріптестері, БАҚ өкілдері мен жанкүйерлері дәл осындай мінездеме беретін еді.

Денис Тен 2018 жылғы Пхенчхандағы олимпиадада
© REUTERS / Lucy Nicholson
Денис Тен 2018 жылғы Пхенчхандағы олимпиадада
 Алғашқы ірі жеңісіне Денис Тен 12 жасында қол жеткізді: 2006 жылы Қазақстанның чемпионы атанды. Он үш жасында Голландияда жасөспірімдер арасындағы гран-приде үздік ондық қатарына кірді. Мәнерлеп сырғанаушының қоржынында жоғары деңгейлі халықаралық жарыстарда ұтқан жүлдедер бар — Haabersti Cup және Dragon Trophy.

Денис Тен өмірінің соңғы күні немен айналысты

Екі жыл өткен соң Мәскеуде Ресей кубогында бірінші орын иеленеді. Сол маусымда Денис төрт құрлық чемпионатында алғаш рет өнер көрсетіп, тоғызыншы орынға табан тіреді. Бір жылдан соң, 2009  жылы Лос-Анджелестегі әлем чемпионатында биік шыңнан көрініп, спортшы тәуелсіз Қазақстанның тарихында алғаш рет Ванкувердегі Олимпиада ойындарына жолдама алған.

2010 жылғы Қысқы Олимпиадада ерлер арасындағы біріншіліктің ең жас қатысушысы бола тұра, 11-орынға ие болды. Сол жылы жаңа бапкері Фрэнк Кэроллдың жетекшілігімен жаттығу үшін Лос-Анджелес қаласына көшті.

2011 жылы ақпанда Алматыда өткен Азиадада Денис алтын жүлдегер атанды. Сол жылы Франциядағы әлем чемпионатында екі бағдарлама қорытындысы бойынша өз рекордын жаңартып 229,70 балл жинап, жетінші орын алды. 2013 жылы Канададағы әлем чемпионатында Тен Қазақстан қоржынына күміс жүлде салып, әлем біріншілігінде мәнерлеп сырғанаудан медаль ұтқан алғашқы спортшы болды.

Теннің еңбекқорлығы, дарыны мен шеберлігін шыңдауға деген ұмтылысына КСРО-ның еңбек сіңірген бапкері Татьяна Тарасова да тәнті болатын. Осы қасиетінің арқасында Денис 2013 жылы Сочидегі Олимпиадада қола жүлде иеленді. Сол кезде 20 жасар Тенге Қазақстан Республикасының еңбек сіңірген спорт шебері атағы берілген.

Димаш Құдайберген Денис Теннің отбасына көңіл айтты

Денис мәнерлеп сырғанаудан бөлек басқа да спорт түрлері — теннис, акробатика, тхэквондо, карате, жүзумен айналысып, би және бейнелеу өнері мектептеріне барған.

Тен шығармашылық бастауының арқасында Қазақстанға әлемге әйгілі спортшыларды шақырып, жоғары деңгейде мәнерлеп сырғанау шоуын ұйымдастыра білді. Денистің Алматы мен Астанада өткен әр кешінде ине шаншар орын қалмайтын.

"Шағын шоу-бағдарлама әзірлеп, Қазақстанның бүкіл тұрғындарына көрсетуді армандаймын. Барша қазақстандық мәнерлеп сырғанаудың көркемдігін тамашаласа деймін", – деп Денис Астанадағы кештен соң арманымен бөліскен еді.

Астананың жиырма жылдығына арналған "Денис және достары" атты соңғы шоуында Тен мұз айдынының басты жұлдызы ғана емес, қоюшы режиссері, музыкалық композицияның авторы әрі видеографы болды.

Тен фотография өнеріне де қызығушылық танытатын. Танымал актрисалар, спортшылар мен әншілер Денис түсірген фотосессияларда модель болған.

Спорт жұлдызы қоғамдық өмірге де белсенді араласты. Әлемнің түпкір-түпкірінде табынушылар көп Тен дарынымен барша халықтарды біріктіре білді. 2015 жылы Жапония мен Қазақстан достығының символы атанған.

Отбасының сүйіспеншілігіне, жанкүйерлерінің ыстық ықыласына, әріптестерінің сый-құрметіне бөленген Денис Тен өзін бақытты жанмын деп атайтын.

"Өмірді шын сүйем. Ата-анамды жақсы көремін. Адамдарды жақсы көремін. Сүйгенді жақсы көремін. Сонымен бөліскім келеді. Яғни, өзім емес, сомдаған кейіпкерім арқылы бөліссем деймін. Жиырма бес жаста әлемге басқаша қарайды екенсің", – деп жазды қазақстандық мәнерлеп сырғанаушы 13 маусымдағы соңғы туған күнінде.

3191
Кілт сөздер:
спортшы, пышақтау, тонаушылар, қайғылы оқиға, мәнерлеп сырғанау, Денис Тен, Қазақстан
Тақырып:
Денис Теннің қазасы (101)
Тақырып бойынша
Денис Тенге шабуыл жасалған жерден видео жарияланды
Денис Тенді жерлеу рәсімін билік ұйымдастырады
Денис Тенге шабуыл жасалған жерден фото жарияланды
Денис Тен әлеуметтік желіде соңғы рет не жариялады?
Денис Тен ауруханада көз жұмды
Денис Тенді кім пышақтағаны белгілі болды
Көк Жайлау

Көк Жайлауда сауық кешін ұйымдастырғандарға қатаң шаралар қолданылады

29
Қала әкімі полиция департаментінің басшысына тиісті тергеу жүргізіп, кінәлі тұлғаларды жазалауды тапсырды

АЛМАТЫ, 25 мамыр – Sputnik. Алматы әкімінің орынбасары Ерлан Қожағапанов карантин кезінде Көк Жайлауда өткен жаппай сауық кешіне қатысты түсініктеме берді.

"Бұл жол беруге болмайтын жағдай. Қандай да бір шара өткізуден бұрын ол жерге кіруге де тыйым салынған. Ол жерде болған адамдар өздерінің ғана емес, жан-жағындағылардың да өмірін өлімге тікті. Сондай-ақ, олар тауда қоқыстарын қалдырып кетті. Ол шараға рұқсат берілмеген, санитарлық норма сақталмаған", - деді ол брифинг барысында. 

Сонымен қатар Қожағапанов Алматы қаласының бас санитар дәрігерінің коронавирус инфекциясының таралуына жол бермеу үшін жаппай іс-шаралар өткізуге тыйым салатын қаулысы бар екенін атап өтті.

"Аталған адамдарға қатысты қала әкімі полиция департаментінің басшысына тиісті тергеу жүргізуге нақты тапсырма берді. Олардың барлығын анықтап, әкімшілік жаза, қажет болса, қылмыстық жаза қолдану керек", - деді ол.

Сонымен қатар қала прокуроры табиғатты қорғау прокурорына осы жағдайды шешу жөнінде тапсырма берді.

Бұған дейін экология министрлігі Алматыдағы Көк Жайлау тауында сауық кешін өткізгендерге 100 АЕК немесе 277 800 теңге айыппұл салынғанын хабарлады. Айыппұл салынған ер адам автокөлік жанында түскен фотосын әлеуметтік желіге жүктеген болатын.

Карантин кезінде Алматы тауларындағы сауық кеші

24 мамырда Алматы қаласында енгізілген карантинге қарамастан, ерекше қорғалатын аумақта азаматтар ойын-сауық кеші мен түнгі кино көрсетілім ұйымдастырған. Қазіргі кезде "Көк Жайлаудағы кино түнін" ұйымдастырушылар іздестіріліп жатыр.

 

О

29
Кілт сөздер:
карантин, "Көк Жайлау" курорты
Тақырып бойынша
Полиция Көк Жайлаудағы отырыс ұйымдастырушыларын іздестіріп жатыр
Алматыда маскасыз жүргендерге айыппұл салынуы мүмкін
Жұмысқа шыққандар арасында вирус жұқтырғандар көбеюде – министрлік
Сұлтанғазиев қай облыстарда коронавирус жұқтырғандар саны артқанын айтты 
Алматыда кинотеатрлар мен балаларды дамыту орталығы қашан ашылады?
Ақылы жол

1 маусымнан бастап курорттар мен шипажайлар ашылады

99
(Жаңартылды 21:05 25.05.2020)
Қонақүй, шипажай-сауықтыру кешендері санитарлық нормаларды қатаң сақтай отыра жұмысқа кірісетіні хабарланды

НҰР-СҰЛТАН, 25 мамыр —Sputnik. Қазақстанда 1 маусымнан бастап курорттық, емдеу-сауықтыру нысандары ашылады. 

Шешім премьер-министр орынбасары Ералы Тоғжановтың төрағалығымен өткен ведомствоаралық комиссия отырысында қабылданды.

"2020 жылғы 1 маусымнан бастап қатаң санитарлық нормаларды сақтай отырып, кәсіподақтар федерациясының қонақүйлері мен сауықтыру санаторийлері және өңірлердегі курорттық, емдеу-сауықтыру нысандары қызметін қайта бастайды", - деп жазылған премьер-министрдің ресми ақпарат ресурсында.

25 мамырдан бастап Атырау қаласымен ішкі әуе қатынасы жанданады.

Сондай-ақ, 1 маусымнан бастап кезең-кезеңмен ішкі теміржол қатынасын іске қосуға байланысты теміржол вокзалдарының қызметі санитарлық нормаларға сәйкес ұйымдастырылады.

Қазақстан азаматтарын шет елдерден қайтару жұмысы жалғасады.

99
Кілт сөздер:
карантин, курорт, маусым
Тақырып бойынша
Алматыда маскасыз жүргендерге айыппұл салынуы мүмкін
Полиция Көк Жайлаудағы отырыс ұйымдастырушыларын іздестіріп жатыр
Жұмысқа шыққандар арасында вирус жұқтырғандар көбеюде – министрлік
Сұлтанғазиев қай облыстарда коронавирус жұқтырғандар саны артқанын айтты 
Алматыда кинотеатрлар мен балаларды дамыту орталығы қашан ашылады?
Сағадат Нұрмағамбетов

Нұр-Сұлтанда Қазақстанның бірінші қорғаныс министрі Нұрмағамбетовті еске алды

0
Еске алу рәсімі дүйсенбі, 25 мамыр күні астанадағы "Жас ұлан" республикалық әскери мектебінде өтті

НҰР-СҰЛТАН, 25 мамыр – Sputnik. Әскери қызметшілер Кеңес Одағының Батыры, Халық Қаһарманы, Қазақстанның бірінші Қорғаныс министрі, армия генералы Сағадат Нұрмағамбетовті еске алды.

"Бүгінгі күні қарулы күштердің әскери қызметшілері мен республикалық әскери мектеп тәрбиеленушілері – болашақ Отан қорғаушылар үшін Сағадат Нұрмағамбетовтің өмір жолы отанға деген батылдық пен төзімділіктің үлгісі болып табылады. Біз ұлы батырлардың мұрагерлері олардың даңқты дәстүрлерін сақтап, әрі қарай жалғастырамыз деген сенімдемін", – деді орғаныс министрінің орынбасары генерал-лейтенант Тимур Дәндібаев.

 

В Нур-Султане почтили память Сагадата Нурмагамбетова
© Photo : Минобороны Казахстана
Армия генералы Сағадат Нұрмағамбетов 2013 жылы 89 жасында өмірден озды

 

Сағадат Нұрмағамбетов 1924 жылы 25 мамырда Ақмола облысы Алексеевка ауданы Еңбек ауылында дүниеге келген. Ол алғашқы Түркістан пулемет әскери училищесін, М.Фрунзе атындағы әскери академияны, КСРО қарулы күштері бас штабының әскери академиясы жанындағы жоғары академиялық курстарды бітірген.

1942 жылы әскер қатарына шақырылды, 1945 жылдың мамыр айына дейін соғыс даласында пулемет взводы командирі ретінде, содан кейін пулемет ротасын, атқыштар батальонын  басқарды. Краснодар өлкесін, Украина, Молдавияны, Батыс Белоруссияны, Польшаны азат етуге қатысқан.

1945-1946 жылдары Степной әскери округінің жоғары оқу орындары бөлімінің инспекторы болды. Содан кейін әскери академияда оқыды. 1950 жылдан 1984 жылға дейін Түркістан әскери округі жедел бөлімінің аға офицері, мотоатқыштар полкінің командирі, 201-ші мотоатқыштар дивизиясы штабының бастығы, Қазақ КСР азаматтық қорғаныс штабының бастығы, Орта Азия әскери округі әскерлері қолбасшысының орынбасары, Оңтүстік әскер тобы (Венгрия) қолбасшысының бірінші орынбасары болды.

1990-1992 жылдары соғыс, еңбек және Қарулы Күштер ардагерлері Қазақ республикалық кеңесінің төрағасы, ардагерлер, мүгедектер және әскери қызметшілер істері жөніндегі ҚР жоғарғы кеңесі комитетінің төрағасы, Мемлекеттік қорғаныс комитетінің төрағасы болды.

Тағы оқыңыз: Сағадат Нұрмағамбетовтің ұлы қайтыс болды

Тәуелсіз Қазақстанның Қарулы күштері құрыла бастаған жылдары, 1992-1995 жылдар аралығында Сағадат Нұрмағамбетов қорғаныс министрі болды. Дәл осы уақытта Қазақстан армиясында маңызды реформалар қабылданған, маңызды кез болды. 1993 жылдың мамыр айында оған "армия генералы" әскери атағы берілді. Бір жылдан кейін президент жарлығымен Нұрмағамбетовке "Алтын жұлдыз" сыйлығымен Халық Қаһарманы атағы берілді.

1995 жылдың қарашасында генерал отставкаға шықты, содан кейін президент кеңесшісі болып, бірнеше рет Жоғарғы кеңестің депутаты болып сайланды.

Армия генералы Сағадат Нұрмағамбетов 2013 жылы 89 жасында өмірден озды.

0
Кілт сөздер:
Сағадат Нұрмағамбетов, Нұр-Сұлтан
Тақырып бойынша
21 жасында Кеңес одағының батыры: Сағадат Нұрмағамбетов туралы не білеміз?
Назарбаев тәуелсіздік алған кезде әскер басқаратын жалғыз генерал тапқанын еске алды
"Не екенін де білмедік" Мұхтар Алтынбаев Қазақстан армиясының қалай құрылғанын еске алды
"Оның оралмайтынын білмедік". Депутат қазақ сарбазының ерлігін еске алды
Әйелінің хаты оқтан құтқарды - әнші атасының майдандағы оқиғасын еске алды