Денис Тен, архив суреті

Денис Теннің өліміне кім кінәлі? Қасымовтың отставкаға кетуімен мәселе шешіле ме?

557
(Жаңартылды 16:44 24.07.2018)
Денис Теннің мезгілсіз қазасына байланысты желіде ішкі істер министрінің отставкаға кетуін талап етіп жатқандар бар

АЛМАТЫ, 20 шілде — Sputnik. Кеше Алматынның қақ ортасында қазақстандық мәнерлеп сырғанаушы Денис Тен ұрылар қолынан пышақталып, ауруханада көз жұмған еді. 

Әлеуметтік желіде қоғам белсенділері мен әнші, әртістер жас спортшы жайында естеліктер жазып, жақындарына көңіл айтып жатыр. Арасында ҚР ішкі істер министрі Қалмұханбет Қасымовтың отставкаға кетуін талап еткендер де бар. 

Саясаттанушы Расул Жұмалының айтуынша, қоғамдағы заңның тапталуы бір министрдің отсавкаға кетуімен өз шешімін таппайды. 

"Денис Теннің халықтың сүйіктісі болғанын ескерсек, оның қазасы қалың қазаққа ауыр тиді. Әлеуметтік желіде айтылып жатқан сан түрлі пікірді де түсінуге болады. Бірақ бұл тек бір министрдің қызметінен кетуімен шешіле қоятын мәселе емес. Қоғамды осындай күйге жеткізген барлық шенділер  жазалануы керек. Денис Тенмен болған оқиға жай ғана кездейсоқтық емес. Бұл құқық қорғау органдарының кәсібилігінің төмен екенін, заңның аяққа тапталып жатқанын көрсетіп отыр. Жастардың жұмыссыздығы, құқық қорғау органдары мен қылмыскерлердің ауыз жаласқандығы тағы бар", – деді Расул Жұмалы.

Ал министрдің отставкаға кетуін талап еткендердің  қатарында саясаттанушы Айдос Сарым да бар. 

"Маңыздысы Қасымовтың кетуімен мәселенің шешіліп-шешілмеуі емес, бұл – саяси сигнал. Қазіргі таңда полицияның кәсіби деңгейде жұмыс істемейтінінің бірден–бір нақты дәлелі. Егер іс насырға шаппағанын қаласа, осындай шешім қабылдануы керек",– дейді Сарым. 

Расул Жұмалының айтуынша, құқық қорғау органдарының ел алдында, халық алдында беделі төмендеп кетті. Себебі, оларға деген сенім жоқ. Желілерде жазылған пікірлердің арасынан құқық қорғаушыларды қорғап жазылған бірде–бір пікірдің жоқ екені соның бірден–бір бұлтартпас айғағы. 

"Болған оқиға тек құқық қорғау органдарына ғана қатысты деп есептеу қателік. Жастар саясатының жүргізілмеуі, әлеуметтік проблемалардың шешілмеуі – осының бәрі көшеде қару ұстап, ұрлық жасап, қылмыс жасауға жеткізіп отыр", – деді Жұмалы.

"Осы уақытқа дейін де елімізде спортшылардың қаза табуы болған еді. Қылмысты жасағандар құрықталмайды немесе босап шығады. Осы жерде заңның әлсіз екені байқалады", – деп түйді сөзін саясаттанушы.

Қайғылы оқиға 19 шілдеде күндіз қала орталығында болды. Денис Тен тұрақта тұрған автокөлігіне келе жатып, көліктің айнасын ұрламақ болған қаскөйлерді көреді. Ұрылардың соңынан қуып, тоқтатпақ болғанда, пышақ жарақатын алған. Көп қан жоғалтқан спортшы ауруханаға түскеннен кейін екі сағаттан соң көз жұмды. 

Денис Тен
© Sputnik / Владимир Песня
Денис Тен

Полиция спортшыны өлтірді деген күдікпен 24 жастағы Нұралы Қиясовты ұстаған болатын. Ол кінәсін мойындады. Қазіргі уақытта екінші күдікті – Қызылорда облысының 24 жастағы тумасы Арман Құдайбергенов іздестіріліп жатыр. 

Денис Тен – Сочиде өткен қысқы Олимпиада ойындарының қола жүлдегері, көптеген халықаралық жарыстарда топ жарды. Мәнерлеп сырғанаушы 25 жасында өмірден өтті.

Денис Теннің мұз айдынындағы соңғы шоуы — видео

557
Кілт сөздер:
спортшы, мәнерлеп сырғанаушы, Қалмұханбет Қасымов, Айдос Сарым, Расул Жұмалы, Денис Тен, Алматы
Тақырып:
Денис Теннің қазасы (101)
Тақырып бойынша
Денис Тенді өлтірді деген күдікті оқиғаның қалай болғанын көрсетті - видео
Денис Тенді өлтірді деген екінші күдіктінің суреті жарияланды
Денис Тенді неге жақын маңдағы ауруханаға жеткізбеген?
Денис Тенді соңғы сапарға шығарып салу уақыты мен орны белгілі болды
Дәрігерлер Денис Тенді неге аман алып қала алмады?
Денис Тенді жерлеу рәсімін билік ұйымдастырады
Денис Тенді кім пышақтағаны белгілі болды
Алматыда Денис Тенді пышақтап кетті, ол ауыр хәлде жатыр
Алматыдағы Шәмші Қалдаяқов ескерткіші

"Ұлттың баға жетпес байлығы": Тоқаев желіде жазба жариялады

3268
(Жаңартылды 14:34 15.08.2020)
Он бесінші тамызда Қазақстанның халық әртісі, ұлы композитор Шәмші Қалдаяқовтың туғанына тоқсан жыл толды

НҰР-СҰЛТАН, 15 тамыз – Sputnik. Шәмші Қалдаяқовтың шығармашылығы - ұлттың баға жетпес байлығы, дейді президент Қасым-Жомарт Тоқаев.

"Бүгін еліміздің Әнұраны "Менің Қазақстаным" әнінің авторы, ұлт руханиятына талай сырлы саз бен әсем әуен сыйлаған композитор Шәмші Қалдаяқовтың туғанына 90 жыл толды. Шәмші шығармашылығы – ұлттың баға жетпес байлығы. Оның туындыларын кеңінен насихаттау – бүгінгі ұрпақтың парызы", - деп жазды Тоқаев әлеуметтік желідегі парақшасында.

Шәмші Қалдаяқовтың өмірбаяны

Шәмші Қалдаяқов 1930 жылдың 15 тамызында Оңтүстік Қазақстан облысы Отырар ауданы Шәуілдір ауылында дүниеге келген. Ол бірден өнер жолына түскен жоқ. Әуелі Қапланбектегі ветеринарлық техникумды бітірсе, кейін Сахалиндегі әскери училищені, елге келген соң Ташкент қаласындағы Хамза Ниязи атындағы музыка училищесін, содан соң Құрманғазы атындағы консерваториясының композиторлар дайындайтын факультетінде оқыған.

Шәмші Қалдаяқовтың көптеген әні Роза Бағланова, Ришад Абдуллин, Бибігүл Төлегенова, Рашид Мұсабаев, Зейнеп Қойшыбаева сынды әншілердің репертуарынан берік орын алды. Халық арасында "Менің Қазақстаным" туындысы айрықша мәшһүр болды. Қазақтың музыка өнерінде Шәмшінің орны ерекше 300-ге жуық әні бар. 

Артына музыкалық мол мұра қалдырған Шәмші Қалдаяқов 1992 жылы 62-ге қараған шағында Алматы қаласында қайтыс болды.

1991 жылы Шәмші Қалдаяқов жайлы "Жылдарым менің, жырларым менің" атты ғұмырнамалық деректі фильм түсірілді. Осы жылы композитор Қазақстанның халық әртісі атағын алды.

3268
Кілт сөздер:
Шәмші Қалдаяқов, Қасым-Жомарт Тоқаев
дәмхана

Бекшин Алматыда карантин қалай жеңілдетілетінін айтты

454
(Жаңартылды 14:42 15.08.2020)
Он жетінші тамыздан бастап республика бойынша карантин жеңілдетіледі, дегенмен демалыс күндері қатаң шаралар сақталады

АЛМАТЫ, 15 тамыз –Sputnik. Алматы қаласының бас мемлекеттік санитар дәрігері Жандарбек Бекшин карантин қалай жеңілдетілетінін айтты, деп хабарлайды Sputnik Қазақстан тілшісі.

"Коронавирус екі айдың ішінде бітпейді. Сондықтан кәсіпорындар мен ұйымдар, қызмет көрсететін ұйымдардың жұмысын тоқтатпай, олардың жұмысын реттеп, коронавирусқа қарсы ісшараларды енгізу керек. Алматы – еліміздегі ерекше, ең ірі қала. Еліміздің түкпір-түкпірінен шағын бизнеспен айналысатын адамдар келеді, сауда жүріп жатыр. Ең ірі базарлар Алматыда орналасқан. Осыны ескеріп, індетке қарсы бірнеше іс-шара жоспарланды",- деді қаланың бас санитар дәрігері.

Айтуынша, күзде аурудың өршуіне дайындық жасалып жатыр.

"Күзде суық кезеңде көрсеткіш өсуі мүмкін. Бұл тек Қазақстанда ғана емес, айналамыздағы басқа елдерде де солай. Сондықтан осы жағдайға дайындық жасап жатырмыз. Ең алдымен кенет өршу болмау үшін эпидемиологиялық шараларды енгізіп жатырмыз. Себебі ондай жағдайда салмақ медицин ақызметкерлеріне түседі", - деді ол.

Бұрынғыша ойын-сауық, спорт, отбасылық, еске алу салтанаты және басқа да бұқаралық шараларды өткізуге, сонымен қатар жиындарды үйде өткізуге тыйым салынады. 

"Барлардың, түнгі және ойын клубтарының, караоке, фудкорттардың, кинотеатрлардың және балалар мен ересектерге арналған басқа да ойын-сауық орындарының жұмысына, мәдениет нысандарының, музейлердің қызметіне, конференциялар, көрмелер, форумдар өткізуге тыйым салынады", - деді Жандарбек Бекшин.

Жұмыс күндері қаладағы қоғамдық тамақтану орындары таңғы сағат 9.00-ден 22.00-ге дейін жұмыс істейді. Ал демалыс және мейрам күндері сағат 10.00-23.00 арасында ашық болады.

"Көптеген қоғамдық тамақтану орындары көпқабатты үйлердің бірінші қабатында орналасқан. Жеке орналасқан тамақтану орындарының халыққа ешқандай зияны тимесе, жұмыс уақытын бір сағатқа көтеруге мүмкіндік бар. Осыны қарастырып, бір шешімге келеміз", - деді Жандарбек Бекшин.

Қаланың бас санитары кәсіпорындардың жұмысы тоқтамауы қажет екенін, соған сәйкес санитарлық нормалар қабылданғанын айтты.

"Қоғамдық тамақтану нысандарының күндіз келушілерді қабылдау ережесі бар. Олар толымдылығы 50%-ке дейін қабылдай алады. Үстелдердің арасында екі метр арақашықтық болуы керек, ал енді орындықтар арасы 60 сантиметрден кем болмауы керек. Тамақтану орындарының қызметкерлері бетперде мен қолғап киіп жүруі керек. Сондай-ақ, қоғамдық экрандар қойылады", - деді Алматының бас санитар дәрігері.

Алматы қаласы кәсіпкерлік және инвестициялар басқармасының басшысы Еркебұлан Оразалин сауда және ойын-сауық орталықтары, аумағы 2000 шаршы метрден асатын сауда орталықтары, таза ауада орналасқан аттракциондар аудиттен өтетінін хабарлады.

"Басқарма аудандармен бірге аудитті жылдам түрде өткізуге дайын. Қазір республиканың бас санитар дәрігерінің қаулысын күтіп отырмыз. Демалыс күндеріне қарамай жұмыс жүргізіледі. Жандарбек Бекшиннің қаулысына қосымша ереже енгізіліп жатыр. Ең алдымен, жұмыскерлерді тестілеу. Кәсіпкерлер қызметкерлерін тестілеуден өткізу үшін infokazakhstan.kz сайтына тіркеліп, қаладағы 12 лабораторияда тестілеуден өткізуге өтініш бере алады",- деді Оразалин.

Айтуынша, қаланың бас санитар дәрігерінің қаулысында кәсіпкерлік нысандарға, кәсіпкерлік компанияларға видеобақылау орнату пилоттық жобасы қабылданып жатыр.

"Жұмыскерлер мен келушілер бойынша медициналық бетпердені қалай таққаны, арақашықтықты қалай сақтап жатқанын бақылау үшін видеобақылау орнату қабылданып жатыр", - деді басқарма басшысы.

Айта кетейік, мемлекеттік комиссия карантинді жеңілдетуге байланысты жұмысын қайта бастайтын қызмет түрлерінің тізімін бекітті:

  • сауда ойын-сауық орталығы, сауда үйлері, сауда желілері, жабық базарлар (бір келушіге төрт шаршы метр). 
  • сұлулық салондары, шаштараз, СПА орталықтары, косметологиялық қызмет көрсететін нысандар (алдын ала жазылу бойынша 1 келушіге 4 ш.м.); 
  • бассейні жоқ фитнес орталықтары (толымдылығы 50%-тен аспауы тиіс, 1 келушіге 5 ш.м.), бассейні жоқ моншалар мен сауналар (толымдылығы 50%-дан аспауы тиіс, 1 келушіге 4ш.м.); 
  • балаларға арналған түзету кабинеттері, балалар және ересектерге білім беру орталықтары (топта 5 адамнан артық болмайды, жазылу бойынша қабылдайды); 
  • мектепке дейінгі балалар мекемелерінің кезекші топтары (5 адамнан артық болмауы керек);
  • ашық ауадағы аттракциондарар ақашықтықты сақтау, маска тағу және адамдар ағынын реттеу арқылы жұмыс істейді.
454
Кілт сөздер:
карантин
Нұр-Сұлтан, қала келбеті

Қазақстанда 16 тамызда қандай маңызды оқиғалар болады

0
Sputnik Қазақстан 16-20 тамыз аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

16 ТАМЫЗҒА ЖОСПАРЛАНҒАН ШАРАЛАР

12.00 – "Классика детям" - "Музыка рисует и показывает" концерті, "Астана Опера" театры (Трансляция tengri.tv-да).

19.00 – "Салтанат" мемлекеттік би ансамблі ұжымының жазып алынған қойылымдары көрсетіледі (Мәдениет және спорт министрлігінің Youtube каналында трансляцияланады).

17 ТАМЫЗҒА ЖОСПАРЛАНҒАН ШАРАЛАР

15.00 - экологиялық білім беру тақырыбында тікелей эфирде пікірталас өтеді. Іс-шараға Қазақстанның экология, геология және табиғи ресурстар министрі Мағзұм Мырзағалиев; ақпарат және қоғамдық даму министрі Аида Балаева; білім және ғылым министрі Асхат Аймағамбетов, сондай-ақ білім беру және экология саласындағы сарапшылар мен халықаралық ұйымдардың өкілдері қатысады.  

20 ТАМЫЗҒА ЖОСПАРЛАНҒАН ШАРАЛАР
19.00 - "Тоска" операсы, "Астана Опера" театры (трансляция tengri.tv-да)

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0