Қалмұханбет Қасымов

Халық министрдің отставкаға кетуін талап етуде: Қасымов неге сеніп отыр?

1993
(Жаңартылды 08:52 24.07.2018)
Қалмұханбет Қасымов 2011 жылдың сәуірінен бастап ҚР ішкі істер министрі қызметін атқарып келеді

АЛМАТЫ, 23 шілде — Sputnik, Айгерім Таубай. Бүгін Алматы қаласы қоғамдық кеңесінің отырысы өтті. Қала тұрғындары мен қонақтарының қауіпсіздігін қамтамасыз ету мәселелері қаралған жиынның қорытындысы бойынша ішкі істер министрі Қалмұханбет Қасымов пен  Алматы қалалық ішкі істер департаментінің басшысы Серік Күдебаевтың отставкаға кетуі талап етілді, деп хабарлайды Sputnik тілшісі.

"Қызметке сәйкестігі туралы мәселені қарау керек. Қала тұрғындары Алматы қаласы ІІД басшылығы мен ішкі істер министрі Қалмұханбет Қасымовты отставкаға жіберу мәселесін көтеріп отыр", — деді отырыста Алматы қаласының қоғамдық кеңесінің төрағасы Рахман Алшанов. 

Бұл ұсынысқа бақылау органының басқа өкілдері де қолдау білдірді. 

"2016 жылы 18 шілдеде Күлекбаев (Алматыдағы теракт үшін сотталған — Sputnik) бүкіл қаланы тік тұрғызса, екі жылдан кейін 2018 жылы 19 шілдеде қылмыскерлер бүкіл елді жылатты. Біз қандай қорытынды шығардық? Біз халықтан алшақтап кеттік… Жаңа келетін адам жұмысты дұрыс жолға қояды деген үміттеміз", — деді өз кезегінде қоғамдық кеңестің заңдылықты сақтау және құқықтық тәртіп комитетінің төрағасы Кәкімжан Бишманов. 

Оның айтуынша, бұл салада жақсы мамандар мен жетекшілер  бар. 

"Қоғамдық комиссия құрсын, сосын біз кімді тағайындау қажет екенін шешеміз", — деді ол. 

Айта кетсек, қазақстандық мәнерлеп сырғанаушы Денис Теннің мезгілсіз қазасынан кейін қоғамда министр Қасымовтың отставкаға кетуін талап еткендер көбейді.

Сонымен, биыл Қалмұханбет Қасымовтың Ішкі істер министрлігіндегі жылы орнын суытпай отырғанына – жетінші жыл. Қазақстан тәуелсіздік алған 27 жылдың ішінде ішкі істер министрі 8 рет ауысты. Осы ауыс-түйіс арасында ең көп қызметте болған – Қайырбек Сүлейменов (1995-2003 жж), одан кейін бүгінде елдің ішкі қауіпсіздігін күзетіп жүрген де –Қасымов. 

Тәуелсіз Қазақстанның ішкі істер министрі болып Қалмұханбет Қасымов 2011 жылы Елбасының жарлығымен 11 сәуірде тағайындалған. 2015 жылы Қасымовқа полиция генерал-полковнигі атағы берілді. 

ҚАСЫМОВ КІМ?

Қалмұханбет Қасымов – Алматыдағы С.М. Киров атындағы Қазақ мемлекеттік университетінің (қазіргі ҚазҰУ) заң факультетін заңгер мамандығы бойынша бітірген. Бүгінде 61 жаста. Үш бала, жеті немере тәрбиелеп отыр. 

Қасымов еңбек жолын тергеуші, аға тергеуші, тергеу бөлімінің бастығы болып бастаған. 

1992 жылы Алматы облыстық Ішкі істер басқармасы Криминалдық милиция басқармасының бастығы, Алматы облыстық Ішкі істер басқармасы бастығының бірінші орынбасары қызметін атқарған.

1997 жылы ҚР Ішкі істер министрлігінің Криминалдық полиция департаментінің бастығы болған. Бұл қызметте екі ай отырған Қасымов сол жылы Алматы қалалық Ішкі істер басқармасының бастығы қызметіне кіріскен.

Тағы оқыңыз: Министр Қасымовты тұрғындар әбден састырды

2003 жылдан бастап  Алматы облыстық Ішкі істер департаментінің Ішкі істер бас басқармасының  бастығы;

2005 жылдан бастап ҚР Ішкі істер министрлігінің бірінші вице-министрі, вице-министрі;

2009 жылдан бастап Шығыс Қазақстан облыстық Ішкі істер департаментінің бастығы;

2011 жылғы сәуірден бастап  Қазақстан Республикасының ішкі істер министрі.

ҰЗАҚ ОТЫРҒАН ІШКІ ІСТЕР МИНИСТРІ

1991 жылы желтоқсанда тәуелсіздігін жариялаған Қазақстанның алғашқы ішкі істер министрі Михаил Берсенев болды. Екі  жылдан кейін бұл қызметке Владимир Шумов келді. Тағы екі жылдан кейін Болат Байекенов елдегі қауіпсіздікті бақылады. Бір жыл қызметінен кейін орнына Қайырбек Сүлейменов отырды. Сүлейменов 8 жыл Қазақстанның ішкі істер министрі болды. 

Одан кейін екі жыл ішкі істер министрі қызметін Зауытбек Тұрысбеков атқарды. 2005-09 жылдары ішкі істер министрлігіне Бауыржан Мұхамеджанов келді. 2009 жылы бұл қызметке Серік Баймағамбетов  тағайындалды. Ал 2011 жылдан бері Қалмұханбет Қасымов ҚР ішкі істер министрі қызметін атқарып келеді. 

ҚАСЫМОВ НЕСІМЕН ЕЛ ЕСІНДЕ

2011 жылы Қасымов қызметіне кірісті. Осы жылы Жаңаөзен оқиғасы болды. Маңғыстау облысының Жаңаөзен қаласында ереуілге шыққан жұмысшылар мен құқық қорғау органдары қызметкерлері арасында қақтығыс болды. 

2016 жылы Қазақстан бойынша жер митингілері өтті. Алматыда өткен митингте алаң маңында жүрген тұрғындар да, өз қызметімен айналысып жүрген журналистер де ұсталған еді. 

Қасымовтың қазақ тіліне деген "құрметі" бөлек әңгіме. Ол қазақ тіліне бей-жай, жүрдім-бардым қарайтын қолында билігі бар шенділердің тізімінде. 

Тағы оқыңыз: Шенеунік пен депутаттың елді шулатқан сөздері қандай?

Ал өткен аптада Алматы қаласының қақ ортасында тапа тал түсте ұрылар қолынан пышақталып қаза тапқан спортшы Денис Теннің өлімі халықтың құқық қорғаушыларға деген сеніміне тағы селкеу түсірді. 

Желіде журналистің сауалына Қасымовтың "қылмыстарға мен жауап бермеймін" деген "жұлдызды сөзімен" видео тарап жүр. Бұл да сөзімізді нақтылай түскендей. 

ҚАСЫМОВ ЖАЙЛЫ ҚАУЫМ НЕ ДЕЙДІ?

"Қасымов жұмыстан қуылғанын қолдаймын-ау. Тек оның орнына Сасымов келіп түк өзгермесе ше? Оң саясаттың, Халықшыл биліктің, айналып келгенде Қоғам жеңісінің ауылы осылайша жақын болғанын мен де қалаймын. Бірақ шынайы өміріміз басқаша. Жағдай оңға басу үшін жүйе өзгеру керек. Ал ол үшін міндетті бірлік пен ұйымшылдықтың көлеңкесі де білінбейді. Ең болмаса жаңа Ішкі істер министрі (ескісі кетсе) және басқа министр-әкімдер тағайындалғанда оларды неге бір ғана адам ешкіммен ақылдаспай шешу керек? Неге Қоғам емес? Неліктен Конституцияға сәйкес "Жалғыз билік көзі" болып табылатын, біз, Халықпен шенділер ешқашан санаспайды? Қалайша төзе береміз айналадағы сұмдыққа?", — деп жазды саясаттанушы Расул Жұмалы өзінің Facebook парақшасында.

Саясаттанудың айтуынша, тығырықтан шығудың жолын осындай қарапайым сұрақтардан бастау керек. 

Ал тәуелсіз журналист Дина Елгезек  өз парақшасында "Денистың өлімі — бүгінгі жүйенің іріп-шірігендігін көрсетті" деп атап өтті.  

"Неге криминал көбейіп кетті? Жұмысы болса, алған білімі болса, қазақтың жігіттерінің ұрлықпен күн көріп несі бар? Халықтың әлеуметтік жағдайы мығым болса, қылмыс көбейе ме? Заң мен тәртіп нық болса, тапа талтүсте қарақшы топ xалықты басынады ма? Денсаулық саласы мықты болса, санға тығылған пышақтан адам өледі ме? Әділет іздеп алаңға шыққан елдің ізінде бір машина полицейлер жүреді. Ал шын көмекке мұқтаж жандарға бұл елдің полициясы да, жедел жәрдемі де кешігіп жетеді…", — деп жанайқайын жазды Дина Елгезек. 

"Бір адам 7 жыл басқару деген, бұл сұмдық қой. Билік жоғарыдағы резонанс тудырған дүниелерді ғана көріп отыр. Ал астының іріп-шіріп жатқанын көрмейді. Іріңдеген сыздауық та бір күні жарылады. Біз міне, жарылдық. Енді өзегін шығарып тастауымыз керек", — деп жазды әлеуметтік желідегі парақшасында заңгер Айгүл Орынбек. 

Айгүл Орынбектің айтуынша, Денис Теннің қазасы – қоғамның айнасы. Сол үшін де Қасымов отставкаға кетуі керек.

1993
Кілт сөздер:
отставка, Ішкі істер министрлігі, Қалмұханбет Қасымов, Денис Тен, Алматы
Тақырып:
Денис Теннің қазасы (101)
Тақырып бойынша
Денис Тенді өлтіргендерді жақтаған мұғалім жұмыстан қуыла ма?
Денис Тен қаза тапқан күні күдікті Астанада сотқа келуі тиіс болған
Алматы халқы Денис Тенді ақтық сапарға шығарып салды (фото)
Денис Теннің өлімі: Күдікті сотта не айтты?
Желіде Денис Теннің әні жарияланды
Денис Тенді өлтірді деген күдікті оқиғаның қалай болғанын көрсетті - видео
Денис Теннің қазасы: ұсталған күдікті бұған дейін заң бұзған болып шықты
Денис Тен ажал аузынан қалуы мүмкін бе еді?
Денис Тенге шабуыл жасалған жерден видео жарияланды
ҰБТ, архивтегі фото

Грант иегерлерінің тізімі қашан жарияланатыны белгілі болды

488
(Жаңартылды 17:25 15.08.2020)
2020 жылғы грант иегерлерінің тізімі 15 тамыз күні сағат 18:00-де testcenterkz парақшасында жарияланады

НҰР-СҰЛТАН, 15 тамыз – Sputnik. 2020 жылғы білім гранты иегерлерінің тізімі 15 тамызда жарияланады, деп хабарлайды Sputnik Қазақстан.

"Грант иегерлерінің тізімі бүгін сағат 18:00-де testcenterkz парақшасында жарияланады", - деп жазды Ұлттық тестілеу орталығының басшысы Дидар Смағұлов Instagram-да.

Оның айтуынша, комиссия отырысы аяқталып, шешім қабылданған.

Грант қалай тағайындалады?

"Бакалавр" дәрежесі бойынша білім гранттары ұлттық бірыңғай тестілеудің немесе кешенді тестілеудің нәтижесіне қарай конкурстық негізде беріледі. Конкурс кезінде Қазақстан тарихы, математика, оқу сауаттылығы (қазақ немесе орыс тілі) және екі бейіндік пәннің ұпай саны ескеріледі. Ал шығармашылық пәндер болса, емтихандардың нәтижесі есепке алынады.

Оқытудың қысқартылған мерзімін көздейтін және жоғары білімнің ұқсас білім беру бағдарламалары бойынша оқуға түсемін деушілердің кәсіптік пәннен және арнайы пәннен жинаған ұпайы ескеріледі. Сол сияқты шығармашылық даярлық бойынша арнайы пән мен шығармашылық емтиханның бағасына қарайды.

Қанша балл жинау керек?

Жоғары білімнің білім беру гранттарын тағайындауға арналған конкурсқа қатысу үшін шығармашылық даярлықты талап ететін жоғары білімнің білім беру бағдарламаларына түсушілерді қоспағанда, ұлттық университеттерге түсу үшін ҰБТ нәтижесі бойынша кемінде 65 балл жинау керек.

  • "Педагогикалық ғылымдар" бойынша кем дегенде 70 балл;
  • "Ауыл шаруашылығы және биоресурстар" және "Ветеринария" бойынша кемінде 60 балл.

Басқа жоғары оқу орындарына түсуі үшін кемінде 50 балл жинау қажет. Педагогика бойынша ұпай саны 70 болса, медицина мамандықтарына түсу үшін кем дегенде 65 балл алу керек.

Ал шығармашылық даярлықты талап ететін жоғары білімнің білім беру бағдарламаларына түсушілерді қоспағанда, оқытудың қысқартылған мерзімін көздейтін жоғары білімнің ұқсас білім беру бағдарламаларының тобы бойынша білім беру бағдарламалары топтарына түсушілерге ҰБТ нәтижесі бойынша – кемінде 25 ұпай жинау керек.  

Кімге басымдық беріледі?

Конкурс кезінде грантқа үміткерлердің ұпай саны тең болса, басымдық беру шарттары қарастырылған. Олар:

  • "Алтын белгi" белгiсімен марапатталған тұлғалар;
  • техникалық және кәсіптік білім алғаннан кейін мамандығы бойынша кемінде бір жыл жұмыс өтілі бар тұлғалар;
  • тiзбесiн бiлiм беру саласындағы уәкiлеттi орган айқындайтын жалпы бiлiм беретiн пәндер бойынша халықаралық олимпиадалар мен ғылыми жобалар конкурстарының (ғылыми жарыстардың) (бiрiншi, екiншi және үшiншi дәрежелi дипломдармен марапатталған), орындаушылардың халықаралық және республикалық конкурстарының және спорттық жарыстардың (бiрiншi, екiншi және үшiншi дәрежелi дипломдармен марапатталған) соңғы үш жылдағы жеңiмпаздарының, сондай-ақ өздерi таңдаған мамандықтар олимпиадалардың, конкурстың немесе спорттық жарыстың пәнiне сәйкес келген жағдайда, жалпы бiлiм беретiн пәндер бойынша ағымдағы оқу жылында президенттік, республикалық олимпиадалар мен ғылыми жобалар конкурстарының (бiрiншi, екiншi және үшiншi дәрежелi дипломдармен марапатталған) жеңiмпаздары;
  • жетiм балалар мен ата-анасының қамқорлығынсыз қалған балалар, сондай-ақ кәмелетке толғанға дейін ата-аналарынан айырылған немесе ата-анасының қамқорлығынсыз қалған жастар қатарындағы Қазақстан Республикасының азаматтары;
  • I және II топтағы мүгедектер, жеңілдіктері мен кепілдіктері бойынша Ұлы Отан соғысының қатысушылары мен мүгедектеріне теңестірілген тұлғалар, медициналық қорытындыға сәйкес тиісті білім беру ұйымдарында оқуға қарсы айғақтары жоқ бала кезінен мүгедектер, мүгедек балалар және үздік білімі туралы құжаттары (куәліктері, аттестаттары, дипломдары) бар тұлғалар.
  • Гранттардың 70 проценті жалпы конкурс тәртібімен беріледі, қалған 30 проценті тек ауыл жастары арасынан шыққандарға таратылады.

 

488
Кілт сөздер:
грант тізімі, грант
Алматыдағы Шәмші Қалдаяқов ескерткіші

"Ұлттың баға жетпес байлығы": Тоқаев желіде жазба жариялады

3485
(Жаңартылды 14:34 15.08.2020)
Он бесінші тамызда Қазақстанның халық әртісі, ұлы композитор Шәмші Қалдаяқовтың туғанына тоқсан жыл толды

НҰР-СҰЛТАН, 15 тамыз – Sputnik. Шәмші Қалдаяқовтың шығармашылығы - ұлттың баға жетпес байлығы, дейді президент Қасым-Жомарт Тоқаев.

"Бүгін еліміздің Әнұраны "Менің Қазақстаным" әнінің авторы, ұлт руханиятына талай сырлы саз бен әсем әуен сыйлаған композитор Шәмші Қалдаяқовтың туғанына 90 жыл толды. Шәмші шығармашылығы – ұлттың баға жетпес байлығы. Оның туындыларын кеңінен насихаттау – бүгінгі ұрпақтың парызы", - деп жазды Тоқаев әлеуметтік желідегі парақшасында.

Шәмші Қалдаяқовтың өмірбаяны

Шәмші Қалдаяқов 1930 жылдың 15 тамызында Оңтүстік Қазақстан облысы Отырар ауданы Шәуілдір ауылында дүниеге келген. Ол бірден өнер жолына түскен жоқ. Әуелі Қапланбектегі ветеринарлық техникумды бітірсе, кейін Сахалиндегі әскери училищені, елге келген соң Ташкент қаласындағы Хамза Ниязи атындағы музыка училищесін, содан соң Құрманғазы атындағы консерваториясының композиторлар дайындайтын факультетінде оқыған.

Шәмші Қалдаяқовтың көптеген әні Роза Бағланова, Ришад Абдуллин, Бибігүл Төлегенова, Рашид Мұсабаев, Зейнеп Қойшыбаева сынды әншілердің репертуарынан берік орын алды. Халық арасында "Менің Қазақстаным" туындысы айрықша мәшһүр болды. Қазақтың музыка өнерінде Шәмшінің орны ерекше 300-ге жуық әні бар. 

Артына музыкалық мол мұра қалдырған Шәмші Қалдаяқов 1992 жылы 62-ге қараған шағында Алматы қаласында қайтыс болды.

1991 жылы Шәмші Қалдаяқов жайлы "Жылдарым менің, жырларым менің" атты ғұмырнамалық деректі фильм түсірілді. Осы жылы композитор Қазақстанның халық әртісі атағын алды.

3485
Кілт сөздер:
Шәмші Қалдаяқов, Қасым-Жомарт Тоқаев