Әлеуметтік желі

ІІМ Денис Теннің өліміне қатысты: әлеуметтік желіде тарап жатқан ақпараттар жалған

834
(Жаңартылды 14:00 25.07.2018)
Мәнерлеп сырғанаушы 19 шілде күні Алматыда автоұрылардың қолынан қаза тапқан еді

АСТАНА, 24 шілде – Sputnik. ҚР ішкі істер министрінің орынбасары Рашид Жақыпов полиция бірінші кезіккен адамдарды ұстап алды деген ақпарат шындыққа жанаспайтынын мәлімдеді, деп хабарлайды Sputnik Қазақстан тілшісі.

"Іс бойынша жедел тергеу тобы құрылды, қылмыстық іс өндіріске алынды. Қылмыстың мән-жайын анықтауға бағытталған жедел тергеу шаралары жүргізіліп жатыр. Сараптамалар белгіленді", — деді министрдің орынбасары журналистермен кездесу кезінде. 

Жақыпов әлеуметтік желілер мен БАҚ-та ұсталған күдіктілерге қатысты тарап жатқан ақпарат шындыққа жанаспайтынын айтты.

Халық Қасымовтың отставкаға кетуін талап етіп жатыр  

"Шын айтсам, біз әлеуметтік желі мен БАҚ-та тараған ақпараттарды оқып отырамыз. Бірден айтқым келеді, полиция бірінші кезіккен адамды ұстап алды деген мәліметтер шындыққа жанаспайды. Аталған қылмысты өз қолымен жасағандар ұсталды. Олардың қылмысқа қатысы барын дәлелдейтін айғақтар бар", — деді ол. 

Еске сала кетсек, қазақстандық мәнерлеп сырғанаушы, Сочи Олимпиадасының қола жүлдегері Денис Тен 19 шілде күні автокөлік ұрыларының қолынан қаза тапты. Спортшы тұрақта тұрған көлігінің айнасын ұрламақ болған қаскөйлердің үстінен түскен. Арада жанжал шығып, салдарынан күдіктілер Денис Тенге пышақ сұғып алады.

Спортшы 3 литр қан жоғалтқан. Дәрігерлер 2,5 сағат бойы оның өмірі үшін күрескенмен, ажалдан арашалап қала алмады. 17:30-да ауруханада жан тапсырды.

Денис Теннің өлім аузынан қалуы мүмкін бе еді?

Аталған фактіге қатысты қылмыстық іс қозғалды. ҚР президенті Нұрсұлтан Назарбаев бас прокурор мен ішкі істер министріне істің жіті және объективті тергелуін қамтамасыз етуді тапсырды.

20 шілде күні таңертең мәнерлеп сырғанаушының өліміне күдікті Нұралы Қиясов ұсталды. Ол Жамбыл облысының тумасы, 24 жаста. Сол күні кешке екінші күдікті Қызылорда облысының тумасы Арман Құдайбергенов ұсталды.

Денис Теннің қазасы: Бекболат Тілеухан құзырлы органдарға жүгінді

Ал бүгін Денис Теннің өліміне қатысты тың деректер шықты. Алматы ІІД ақпаратынша, оқиғаны көзбен көрген адамдар табылған. Бетпе-бет кездесу барысында Нұралы Қиясов Денис Тенге пышақ сұққанын мойындады. Бұған дейін Арман Құдайбергенов пышақ жарақатын салғанын айтқан еді. Екі күдікті де бұрын заңды бұзған.

Денис Тенге шабуыл жасаған күдікті бұрын сотталған болып шықты

Денис Тен қаза тапқан күні күдікті Астанада сотқа келуі тиіс болған

834
Кілт сөздер:
пышақтау, әлеуметтік желілер, жалған ақпарат, тергеу амалдары, БАҚ, күдіктілер, полиция, Ішкі істер министрлігі, Денис Тен, Астана, Алматы
Тақырып:
Денис Теннің қазасы (101)
Тақырып бойынша
Денис Тенді өлтіргендерді жақтап сөйлеген мұғалім мектептен кетуге дайын
Денис Тенді өлтіргендерді жақтаған мұғалім жұмыстан қуыла ма?
Токио халқы Денис Тенді еске алу үшін кезекке тұрды
Қазақстандық спортшы турнирдегі жеңісін Денис Тенге арнады
Алматы халқы Денис Тенді ақтық сапарға шығарып салды (фото)
"Кешір, Денис!" Астана жұртшылығы спортшымен қоштасты
Денис Теннің өлімі: Күдікті сотта не айтты?
Желіде Денис Теннің әні жарияланды
Ахмет Байтұрсыновтың 1926 жылы шыққан Әліп-биі

"Ол қазақ қызына тән қайсарлығымен көзге түсті": Әшімбаев Рәбиға Сыздықтың қазасы туралы

27
(Жаңартылды 15:16 04.07.2020)
Оның Кеңес дәуірінде Ахмет Байтұрсынұлының тіл ғылымына сіңірген еңбегін ашық айтып, мол мұрасын жаңғыртуға талпыныс жасауы ерен ерлікпен тең болатын

НҰР-СҰЛТАН, 4 шілде – Sputnik. Қазақ тілінің абыз анасы атанған, ұлылардың көзі болған ғалым, академик, филология ғылымдарының докторы, мемлекеттік сыйлықтың иегері Рәбиға Сыздықтың қазасы – ұлтымыз үшін орны толмас қайғы, деп жазды парламент сенатының төрағасы Мәулен Әшімбаев өзінің Facebook-тегі парақшасында.

Рәбиға Сәтіғалиқызы отандық ғылымның, соның ішінде қазақ тіл ғылымының өркендеуіне өлшеусіз үлес қосқан бірегей тұлға екенін еске алған Әшімбаев оның ғұмыры ана тіліміздің тарихы, қалыптасуы мен дамуын терең зерделеуге арналғанын атап өтті.

"Соңында "Қазақ әдеби тілінің тарихы", "Сөздер сөйлейді", "Сөз құдіреті", "Абай шығармаларының тілі", "Абайдың сөз өрнегі" сияқты ұрпаққа өнеге болар өшпес мұра, іргелі еңбектер қалдырды", - деп жазды ол.

"Сонымен қатар, Рәбиға апай тіл білімін жан-жақты зерттеу арқылы ұлтымыздың тарихи, мәдени, танымдық кеңістігіне, ұлы тұлғалардың өнегелі ғұмырнамасына жаңаша үңілді. Ұлтымыздың біртуар ұлдарының есімдерін жаңғыртып, тарихи әділеттілік орнатуда қазақ қызына тән қайсарлығымен көзге түсті. Кеңес дәуірінде Ахмет Байтұрсынұлының тіл ғылымына сіңірген еңбегін ашық айтып, оның мол мұрасын жаңғыртуға талпыныс жасауы ерен ерлікпен тең болатын", - деген сенат спикері Рәбиға апайымыз бәріміз үшін ғылымға адалдықтың және ұлтқа аянбай қызмет етудің озық үлгісі бола білгенін атап өткен.

Оқи отырыңыз: Тоқаев майдангер әкесі туралы: Соғыс жайлы айтқысы келмейтін

"Сондықтан апамыздың қазақ руханиятына қосқан үлесі ешқашан ұмытылмайды және жарқын бейнесі мәңгі жадымызда сақталады. Марқұмның жаны жәннатта, иманы саламат болсын", - деп жазды Әшімбаев.

Айта кетейік, 4 шілде күні Ұлттық ғылым академиясының академигі, филология ғылымдарының докторы, профессор Рәбиға Сыздық 96 жасында дүниеден озғаны хабарланған болатын.

27
Кілт сөздер:
тіл, ана тілі, Мәулен Әшімбаев
Тақырып бойынша
Әшімбаев: Дүтбаевты ұстауға ҰҚК өз бетімен шешім қабылдай алмаған
Әшімбаев: ауыл жастарына ағылшын тілін үйрету үшін шетелден еріктілер тартамыз
"Мемлекеттің ресурсы шектеулі": Әшімбаев халыққа бос отырмай, жұмыс істеуге кеңес берді
Әшімбаев президент Атамбаевтың сөзі туралы: сыртқы саяси күштердің ықпалы жоқ
Тоқаевтың сенімді өкілі болған Әшімбаев туралы қызықты деректер
Ирина Смирнова

Мәжіліс депутаты ерікті атанды: Смирнова жаңа қызметі туралы айтты

34
(Жаңартылды 14:32 04.07.2020)
Ерікті депутаттың атсалысуымен өткен келіссөзден кейін Қызыл жарты ай ұйымы "Халық Арена" медициналық орталығына 300-ге жуық қорғаныс костюмін бөлді

НҰР-СҰЛТАН, 4 шілде – Sputnik. Алматыда әскери далалық госпиталь құрылып, "Халық Аренада" жұмыс істеуге медицина қызметкерлерін қабылдауда. Бұл туралы парламент мәжілісінің депутаты Ирина Смирнова айтты, деп хабарлайды Sputnik Қазақстан.

Депутат ел парламенті демалысқа шыққан соң, Алматы қалалық денсаулық сақтау басқармасына ерікті ретінде тіркелген.

Алматыда жаңа ауруханалар құрылуда

Коронавируспен күреске Алматыдағы "Қазақстан", "Көктем" шипажайы мен теміржол ауруханасы да жұмылдырылды.

"Қазіргі кезде "Халық Аренада" 1 000 төсек-орын дайындалып жатыр. Бірақ медициналық қызметкерлер жоқ. Ал қалалық денсаулық сақтау басқармасына көмек сұраған 700 медициналық қызметкердің резюмесі түскен. Солардың ішінен жаңа медициналық мекеме ұжымы құрылады", - деді Смирнова.

Оның айтуынша, азаматтар науқастарды емдеп, оларға көмектескісі келеді.

Сонымен қатар жабдықтар сатып алынып, жаңа аурухана керек-жарақпен қамтамасыз етілуде.

"Жақын жерде әскери дала ауруханасы да болады. Денсаулық сақтау басқармасы жедел жәрдем машиналарын сатып алуда", - дейді Смирнова.

Дәріханадағы кезек пен дәрі-дәрмек тапшылығы туралы

Дәрілердің жетіспеушілігі туралы мәселе пысықталуда. Қоймаларда дәрі-дәрмектер бар екендігі белгілі болды, бірақ олар дәріханаларға уақытылы жіберілмейді.

"Мәселені сыбайлас жемқорлыққа қарсы іс-қимыл агенттігі зерттеп жатыр. Меніңше, егер осындай жағдайды пайдаланып байып қалғысы келгендер болса, азаматтардың өмірін аямайтын ондай кәсіпкерлерді айдап салу керек. Ондайлар сөзсіз жазалануы керек", - деді депутат.

Ерікті депутат Смирнова немен айналысады

Ирина Смирнова өзінің еріктілік қызметі туралы да айтты.

"Мен өзімнің достарым және құрбыларыммен бірге жұмысқа барғысы келетін еріктілердің тізіміне жауап беремін. Олардың бәріне қоңырау шалып, сөйлесіп, шақыру керек. Қай учаскеге баратынын түсіндіру қажет", - деп түсіндірді ол.

Оқи отырыңыз: "Тест нәтижесін көрсету керек": алматылық ерікті сұхбат берді

Демеушілер іздестіру жұмыстары да жалғасуда.

"Мәселен, кешегі келіссөздерден кейін Қызыл жарты ай ұйымы "Халық Арена" медициналық орталығына 300-ге жуық қорғаныс костюмін бөлді. Бұл денсаулық сақтауды қолдау үшін жасайтын жұмыстарының аз ғана бөлігі", - деп атап өтті Смирнова.

34
Кілт сөздер:
Ирина Смирнова, коронавирус
Тақырып:
Коронавирус эпидемиясы
Тақырып бойынша
Министрліктің індетке қарсы әрекетін сынға алған депутат ұсыныс білдірді
Смирнова: миллиондаған қазақстандық банктердің кесірінен зардап шекті
Ерікті әйел кәріз құдығына құлап кетіп, жоғалған баланы тауып алды
Қазақтың шахматшы қызы ЮНИСЕФ-тің ерікті елшісі болады
Министрлік ерікті студенттерге сағатына 1000 теңге төлеуді жоспарлап отыр