Білім күні

Биыл мектептерде сабақ 3 қыркүйектен басталады

5451
(Жаңартылды 16:28 17.08.2018)
2018 жылы білім күні сенбіге түседі, алайда мектептерде сабақ дүйсенбіден басталады

АСТАНА, 15 тамыз — Sputnik. Бірінші қыркүйек күні Қазақстанның барлық мектебінде салтанатты сап түзеу шарасы өтеді. Жаңа оқу жылының Білім күніндегі сынып сағаттары оқушыларды патриотизмге тәрбиелеуге арналады, деп хабарлады  Sputnik-ке білім және ғылым министрлігінен.   

Сабақ қашан басталады?  

Білім күні сенбіге түскеніне қарамастан, оқу жылының басталуы 1 қыркүйек болып бекітілді. Салтанатты сап түзеуден кейін оқушылар тағы бір күн демалады. Сабақ дүйсенбі, 3 қыркүйектен басталады.  

Қазақстанда қанша бала бірінші сыныпқа барады? 

Білім және ғылым министрлігінің алдын ала мәліметінше, 1 тамыздағы жағдай бойынша бірінші сыныпқа 342 мың бала барады. Дегенмен бұл сан әлі де артуы мүмкін, өйткені құжат қабылдау 30 тамызда аяқталады.   

Биыл ата-аналар баласы үшін кез келген мектепті таңдай алады – өзі тұратын аумақтағы мектепке ғана барады деген талапты алып тастады. Дегенмен педагогтар жақын маңдағы білім мекемесін таңдауды ұсынып отыр.    

Оқу процесінде өзгеріс бола ма?  

Мектептерде бір жыл бұрын енгізілген бес күндік оқу аптасы сақталады.   

Мектеп формасына талап өзгерген жоқ: ол қара көк жиынтық, форманы ата-аналар кез келген өндірушіден сатып ала алады. 

Мектеп формасына қойылатын талаптар
© Sputnik /
Мектеп формасына қойылатын талаптар

2018-2019 оқу жылында жаңа пән енгізілмейді. Барлық білім ұйымы оқулықпен қамтамасыз етеді. Бұл мәселе министрліктің күн сайынғы бақылауында.

2018/19 оқу жылының кестесі

Оқу жылының ұзақтығы 32-34 оқу аптасын құрайды.  

мектеп алды сыныптарда — 32 апта

бірінші сыныптарда – 33 апта

екінші сыныптан 11-12 сыныпқа дейін  — 34 апта

Күзгі каникул – 2018 жылдың 29 қазанынан 4 қарашасына (қоса алғанда) дейін, қысқы каникул – 2018 жылдың 31 желтоқсанынан 2019 жылдың 9 қаңтарына (қоса алғанда) дейін. 

Ең ұзақ үшінші тоқсаннан кейін оқушылар 13 күн демалады — 2019 жылдың 21 наурызы мен 2 сәуірі (қоса алғанда) аралығы.

Мектеп жасына дейінгі балалар мен бірінші сынып оқушылары қосымша демалыс алады: 2019 жылдың 4-10 қаңтары (қоса алғанда) аралығы.

 


5451
Кілт сөздер:
оқу жылы, каникул, мектеп формасы, оқушылар, мектеп, Қазақстан
Тақырып бойынша
Қандай мектептерде «бескүндік» болмайды? Жаңа оқу жылы жайында
Астанада ЭКСПО-ға байланысты студенттер үшін оқу жылы кешірек басталады
Назарбаев Сағынтаевқа: медициналық қызмет нашарлап, білім алу қымбаттап барады
Білім министрлігі оқушылардың сөмкесiн қалай жеңiлдетіп жатыр?
Білім министрі күйіп қалған мұғалімге қатысты пікір білдірді
Нығматулин "түсініксіз" зерттеулерге миллиардтаған теңге сұраған білім министрін сынады
Загрузка...