Құрбан Айт

Қасиетті Құрбан айт мерекесі туралы деректер

578
(Жаңартылды 12:06 16.07.2019)
Құрбан сөзі араб тілінде "жақындау" деген мағынаны білдіреді. Яғни мұсылман қауым сауап істері арқылы жүректерін тазартып, Аллаға жақындай түседі

Ораза айттан кейін 70 күн өткен соң Құрбан айт мерекесі басталады. Биыл мейрам 11-13 тамыз күндеріне түсіп тұр.

Мереке кезінде мұсылмандар Жаратушыға арнап құрбандық шалады. Бұл — мұсылмандардың негізгі міндеттерінің бірі.

2005 жылы 28 желтоқсанда мәжілістің жалпы отырысында депутаттар "Қазақстан Республикасындағы еңбек туралы" Қазақстан Республикасының Заңына толықтырулар енгізу туралы" заң жобасын қабылдап, Құрбан айт пен Рождество мерекесінің бірінші күні елімізде демалыс күндері болып жарияланды.

Осы орайда, тарихи құжаттарға сүйенсек, 1926 жылға дейін Наурыз 1 күн, Ораза айт 3 күн, Құрбан айт 3 күн ресми мереке ретінде аталып келген.

Құрбан сөзі араб тілінде "жақындау" деген мағынаны білдіреді. Яғни мұсылман қауым сауап істері арқылы жүректерін тазартып, Аллаға жақындай түседі. Ал шариғатта мұны "шарттарға сай құлшылық ниетімен мал бауыздау" деп түсіндіреді.

Тағы оқыңыз: Бас мүфти Құрбан айт мерекесімен құттықтады

Үш күнге созылатын құрбан айт күндері шалынатын мал "ұдһия" деп аталады. Аталған мереке кезінде қажылық өтеушілер қағбаға жүзін қаратып, Арафатта жалбарынып дұға оқиды. Осылайша олар бір-бірін дінге беріктік танытуға шақырады.

Құрбан шалу — Алла Тағаланың арнайы айтқан әмірі, Ибраһим (а.с) пайғамбарымыздан жалғасын тауып келе жатқан сүннет. Ибраһим пайғамбар (с.ғ.с.) Алла Тағалаға берген уәдесінде тұру үшін бауыр еті баласын Ұлы Жаратушының жолында құрбан ете алатындығын көрсетіп, ауыр сыннан өткелі құрбан шалу да мұсылман үшін дәстүрге айналды.

Адамзат осылайша Ұлы Жаратушысының өзіне берген сансыз нығметтеріне шүкірлік етіп, күнәлары үшін кешірім сұрайды.

Мұхитдин Исаұлы мен Қайрат Жолдыбайдың "Ислам ғылымхалы" кітабында "Құрбандыққа қандай малдар шалуға болады" деген сұраққа "Тек қой, ешкі, сиыр және түйе малдарын ғана құрбандыққа шалуға болады. Құрбан ретінде шалынатын қой және ешкі кем дегенде бір жасар, сиыр екі жасар, түйе бес жасар болуы керек.

Алты-жеті айлық кепе қозы бір жасар қой сияқты семіз, етті болса, құрбандыққа шалуға жарайды. Қой мен ешкінің еркегін, сиырдың ұрғашысын шалған абзал. Елік, арқар сияқты аңдар мен тауық, қораз, қаз, үйрек сияқты құстар құрбан ретінде сойылмайды" деп жауап жазылған.

Құрбандық шалу мұсылман, ақылды әрі балиғат жасына толған, Құрбан айт кезінде жолаушы емес және қажеттен тыс нисап мөлшеріндегі қаржыға ие жандарға міндеттеледі.

Тағы оқыңыз: Елордада құрбандық шалатын жерлер белгілі болды

Барша мұсылман қауымға Құрбан айт мерекесі құтты болсын, тілек-ниеттеріңіз қабыл болсын дейміз!

578
Кілт сөздер:
Алла, пайғамбар, қағба, құрбан айт, ораза
Тақырып:
Құрбан айт 2019 (29)
Тақырып бойынша
Құрбан айт күндеріне арналған ауа райы болжамы
Діни басқарма Қазақстандағы Құрбан айт намазының уақытын жариялады
Құрбан айт 2019: мереке жайлы не білуіміз керек?
Құрбан айт - мал сою мерекесі емес
Елбасы: Құрбан айт – ізгілік пен мейірбандықтың мейрамы
Қазақстанда Құрбан айт мерекесін қалай атап өтеді
Құрбан айт: "Қуанса, бала қуансын"
Ешім Саваш пен әкесі Махмұт Саваш

"Қазақша сөйлемеймін": Францияда мэрдің орынбасары болған қазақ қызы сұхбат берді

196
(Жаңартылды 18:01 02.07.2020)
Таяуда қазақстандық БАҚ беттерінде қазақ қызының Францияда қала басшысының орынбасары қызметіне сайланғаны жайлы ақпарат тарады. Sputnik Қазақстан тілшісі 29 жастағы Ешім Савашпен байланысқа шығып, бойжеткеннің жаңа қызметі, Франциядағы өмірі жайлы сұрады

АЛМАТЫ, 2 шілде – Sputnik. Ешім Саваш (Yeşim Savaş) – 19 ғасырда Алтай өңірінде тұрған Қытайдағы ұлт-азаттық көтерілістің басшысы болған Зуқа батырдың ұрпағы. Ол 1991 жылы Парижде дүниеге келген. Алайда кейін әкесі Махмұт Саваштың жұмыс бабы бойынша отбасы Францияның солтүстігіндегі Крей қаласына қоныс аударады. Ешім осы жерде өсіп, 28 маусымда қала мэрінің орынбасары болып сайланды.

Пандемия кезіндегі сайлау

Ешім Саваш 2012 жылдан бастап қоғамдық жұмыстарға белсенді араласа бастайды. Ол осы жылы халықаралық деңгейде өткен жастардың кездесуіне қатысқан. Біраз уақыт өткен соң Крей қаласы жастарының кеңесіне мүше болып қабылданады. Айтуынша кеңес құрамына өту үшін де сайлау өтеді. Крей жастар кеңесі қала бойынша түрлі жобаны жүзеге асыру үшін 15-21 жас аралығындағы жастарға арнап форумдар өткізеді.

Ешім Саваш 2012 жылдан бастап қоғамдық жұмыстарға белсенді араласа бастайды
© Photo : Ешім Саваштың жеке архивінен
Ешім Саваш 2012 жылдан бастап қоғамдық жұмыстарға белсенді араласа бастайды

"Біздің кеңес жол қозғалысы кезіндегі қауіпсіздік, денсаулық сақтау және аурудың алдын алу секілді жастарға арналған түрлі іс-шара өткізді", - дейді ол.

2014 жылы Ешім Крей жастар кеңесінің ішінен халықаралық қатынастар кеңесінің мүшесі болды, ал 2020 жылы қала мэрінің орынбасары болып сайланды.

"2014 жылы сайлауда жастар кеңесі кандидаттар арасында жеңіп шықты. Ал мен 2014-2020 жылдар арасында халықаралық қатынасқа жауапты болып сайландым. Сол алты жылды артта тастап, 2020 жылы кезекті сайлау өтті. Ол да оңай өткен жоқ, тіпті ұзақ уақытқа созылды. Себебі сайлаудың бірінші кезеңі коронавирустың өршіп тұрған кезі 15 наурызға тура келді. Бірінші кезеңнен кейін біз бірден оқшаулануға кетіп қалдық", - дейді Саваш.

Осылайша, Ешім Саваш мүше кеңес екінші кезеңде 51%-тен астам дауыс жинап, қалалық кеңесте мәжіліс өткізу мүмкіндігіне қайтадан ие болды.

"28 маусымда бізде қайтадан сайлау болып, жеңіп шықтық. Мұның бәрі Крей қаласының тұрғындары мен олардың сенімінің арқасында. Мен мэрдің орынбасары болдым, енді қала мәдениетіне ерекше көңіл бөлемін деп ойлаймын. Неге Қазақстан қалалары немесе қауымдастықтарымен бірігіп жобалар жасамасқа?!", - деген ойын айтты ол.

Францияда сайлау әр алты жыл сайын өтіп тұрады, тұрғындар кандидаттарға дауыс береді. Қалалық кеңесте кандидаттар арасынан таңдап алынғандар қала мэрі мен орынбасарларына дауыс береді.

Ұстаз әрі мэрдің орынбасары

Ешім университет қабырғасында аймақтық мекемені басқару саласында бакалавр дәрежесін алған. Ал магистратураны білім беру саласы бойынша бітірген. Ол 2017 жылдан бері мектепте мұғалім болып жұмыс істейді.

Ешім Саваш ұстаздық қызметін жалғастыра бермек
© Photo : Ешім Саваштың жеке архивінен
Ешім Саваш ұстаздық қызметін жалғастыра бермек

"Францияда сайлауға түсетіндер басқа жерде де жұмыс істей береді. Соған қарамастан қызметке сайлана алады. Сондай мүмкіндік бар болғандықтан, мектептегі жұмысымды, ұстаздық қызметімді жалғастыра беремін. Мэрдің орынбасары қызметін де атқарамын. Яғни, екі жерде жұмыс істеймін", - дейді Ешім Саваш.

3 шілдеде Францияның Крей қаласында алғашқы ашық қалалық кеңес өтеді. Сол күні қала мэрі ресми түрде сайланады. Оның орынбасарларына да арнайы мойынорағыш (deputy-mayorscarf) тағылады. Содан бастап ресми түрде қызметіне кіріседі.

Ата-баба тарихын білгісі келеді

"Ата-әжем Алтайда тұрып, менің арғы атам Зуқа батыр қаза тапқан соң 1940-1945 жылдары Пәкістан мен Түркияға көшіп кеткен. Сол кезеңде ел ішінде бас көтеріп, көпшілікке көмек қолын созған Зуқа батырдың шөбересімін. Ол мен үшін үлкен тұлға. Ата-анам біздің арғы атамыздың ілім сүйген, оқыған кісі болғанын жиі айтып отырады. Мен өз атаммен мақтанамын", - дейді Ешім бабасы жайлы.

Ешім Саваш Крей қаласы мэрінің орынбасары болып сайланды
© Photo : Ешім Саваштың жеке архивінен
Ешім Саваш Крей қаласы мэрінің орынбасары болып сайланды

Сонымен қатар қойнауы тарихқа толы Алтай өлкесінде болып, ата-бабасының басынан өткен оқиғалармен танысқысы келетінін айтты. Түпкі тегі қазақ бойжеткен Қазақстанға келгісі келеді. Атамекенге бару мен үшін үлкен мәртебе болар еді, дейді ол.

"Қазақ тілінде сөйлей алмаймын, алайда кей сөзді түсінемін. Себебі менің ата-әжем қазақша сөйлейді, олардың әңгімесіне бірден араласып кете алмасам да, әңгіменің не жайлы екенін шама-шарқым жеткенше түсініп отырамын. Мен қандай да бір тілді тез меңгеріп аламын, егер қазақ тілін үйрену үшін сабақ алар болсам, үйреніп алатыныма сенімдімін", - дейді бойжеткен.

"Қиындықтарға төтеп бердік"

Крей – Францияның солтүстігіндегі қала. 2017 жылдағы мәлімет бойынша, ол жерде 36 мыңға жуық адам тұрады.

"Сайлау коронавирустың қызып тұрған шағымен тұспа-тұс келді. Біз бір жыл бойы үгіт-насихат жұмыстарын жүргіздік. Бұл тым ұзақ уақыт болып көрінгенімен, барлығы жоспарланғандай, дайындықпен өтті. Осы уақыт арасында топ болып жұмыс істеп, бір-бірімізге қолдау көрсетуге үйрендік", - дейді Саваш.

Бұл пандемия кезінде де сынақтан бірігіп өтіп, қиындықтарды жеңу үшін жақсы мүмкіндік болды, деп толықтырды ол.

Францияда қала мәрінің орынбасары болған қазақ қызы Ешім Саваш
© Photo : Ешім Саваштың жеке архивінен
Францияда қала мәрінің орынбасары болған қазақ қызы Ешім Саваш

Франция үкіметі коронавирус кезінде медицина қызметкерлері мен мұғалімдерге 1000 еуро көлемінде сыйақы берген. Жұмысқа баруға мүмкіндігі жоқ адамдарға да ақшалай көмек көрсеткен.

"Крей қаласының әкімі де жағдайды бақылауда ұстап, пандемияға байланысты туған қиындықтарды уақытында шешіп отырды. Жастар да өз ассоциациясы арқылы қарт кісілерге азық-түлік жеткізіп көмектесті. Муниципалитет көмекке мұқтаж жандарға маска мен азық-түлік таратты. Біз қиындықтарға төтеп бере алдық, оған халық та қуанды", - дейді ол.

Крейде қазақтар тұра ма?

Бойжеткеннің айтуынша, Саваш отбасы Францияның Крей қаласында тұратын жалғыз отбасы. Оның 27 жастағы Ясин есімді інісі мен 23 жастағы Дильяра деген сіңілісі бар.

"Крей қаласында жалғыз ғана қазақ отбасы тұрады. Ол – біз. Қазақтар мен қазақ қауымының мүшелері Париж бен оның маңында тұрады. Ал Крей қаласын әкем жұмыс бабымен таңдаған", - дейді Саваш.

Ал Ешімнің әкесі Махмұт Саваш Франциядағы қазақтар қауымдастығының төрағасы болып қызмет етеді.

196
Кілт сөздер:
сұхбат, қазақ қызы
Тақырып бойынша
"Бұл адамзат үшін бір белгі": Қазақ қызы Түркияда не болып жатқанын айтып берді
"Менің кінәм емес...": Қытайдағы туыстарына барған қазақ қызы қиындыққа тап болды
Сталиннен қаймықпаған қазақ қызы жайлы шындық ашылды
Қазақ қызы АҚШ пен Гонконг университеттерінің 11 грантын жеңіп алды
Апалы-сіңлілі қазақ қызы күтпеген жерден желіде танымал болды – видео
Қазақ қызы туралы дау тудырған кітап авторы тағы бір мәселені көтерді
Дәріхана, кезек

Дәрі-дәрмекті қымбатқа сатқандар жазаланады 

12
Министр вирусқа қарсы терапия аурудың орташа ауыр және ауыр түрінде ғана қажет болатынын атап өтті

НҰР-СҰЛТАН, 2 шілде – Sputnik. Дәрі-дәрмекті шекті бағасынан қымбатқа сататын дәріханалардың лицензиясы тоқтатылуы мүмкін. Бұл туралы денсаулық сақтау министрі Алексей Цой мәлімдеді, деп хабарлайды Sputnik Қазақстан тілшісі. 

"Дәрі-дәрмекті шекті бағасынан қымбатқа сатқаны үшін айыппұл түрінде әкімшілік жауапкершілік қарастырылған. Ал екінші рет заңды бұзғандардың лицензиясы тоқтатылады", - деді Цой баспасөз мәслихатында. 

Бұдан бөлек, ол дәрі-дәрмекті рецептісіз сатқаны үшін де жауапкершілік барын атап өтті. 

"Қазақстанда лицензиясыз, интернет арқылы дәрі сату фактілері анықталды. Мұндай жағдайларға заңмен тыйым салынуы керек", - деді министр. 

Цой 2 маусымдағы жағдай бойынша өңірлік ауруханалар 28 мың пациент үшін вирусқа қарсы препараттармен қамтамасыз етілгенін айтты. Сонымен қатар, тағы 28 мың науқас үшін қосымша дәрілік препараттар сатып алу процедурасы жүріп жатыр. Дәрі-дәрмек 15 шілдеге дейін жеткізілуі тиіс. Соның арқасында дәрілермен қамтамасыз етілетін пациенттер саны 58 864 адамға жетеді. 

Министр вирусқа қарсы терапия аурудың орташа ауыр және ауыр түрінде ғана қажет екенін атап өтті. 

Тағы оқыңыз: "Хабар беруді өтінеміз": вице-премьер  қазақстандықтарға үндеу жасады

Қазақстанда 5 шілдеден жаңа карантин басталады. Ел ішінде әуе және теміржол қатынасы сақталады, бірақ бірқатар шектеу көзделген. Өңірлер арасында қалааралық автобустар уақытша тоқтатылады. 

Бұдан бөлек, қоғамдық көліктің жұмыс уақыты шектеледі. Сауда орталықтары мен базарлар, дәмханалар, қызмет көрсету орындары, басқа да нысандар жабылады. Қызметкерлердің басым бөлігі қашықтан жұмыс істейді. 

Шектеу шаралары әзірге екі аптаға енгізіліп отыр, одан кейін карантин ұзартылуы немесе қатаңдатылуы мүмкін.

 

12
Кілт сөздер:
коронавирус, дәрі-дәрмек
Тақырып:
Коронавирус эпидемиясы
Тақырып бойынша
Пневмония коронавирустан басым түсті – қайтыс болғандардың саны екі есе көп
Блок бекеттер қайта қойыла ма – үкімет жауап берді 
Карантин режимін бұзғандар жауапқа тартылады – Тоғжанов
Қазақстанда карантин қандай жағдайда қатаңдатылады
"Ұшақпен белгісіз зат шашады": министр желіде тараған ақпаратқа жауап берді 
Елорда көрінісі

Қазақстанда 3 шілдеде қандай маңызды оқиғалар болады

0
Sputnik Қазақстан 3-6 шілде аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

3 шілдеге жоспарланған шаралар

11.00 – "COVID – 19 жағдайында халыққа медициналық көмек көрсетуді ұйымдастыру туралы" баспасөз мәслихаты. Спикерлер: денсаулық сақтау вице-министрі Ажар Гиният, Қазақстанның бас мемлекеттік санитарлық дәрігері Айжан Есмағамбетова. Трансляцияны ОКҚ-нің Facebook пен Youtube каналынан көруге болады.

4 шілдеге жоспарланған шаралар

11.00 – Мемлекеттік туды көтеру салтанатты рәсімі өтеді. Сондай-ақ, курсанттарға офицерлік атақ беріледі. Жиынға Қазақстан президенті Қасым-Жомарт Тоқаев қатысады ("Атамекен" этно-мемориалдық кешені). Аккредитация: press@astana.kz).

5 шілдеге жоспарланған шаралар

19.00 – Астана күніне арналған мерекелік бағдарлама ("Нұрлы жол" бульвары).

6 шілдеге жоспарланған шаралар

18.00 – Астана күніне орай "Абай" операсы көрсетіледі. Басты партияны Қазақстанның еңбек сіңірген қайраткері, "Астана Опера" театрының жетекші солисі Талғат Мұсабаев орындайды. Трансляция театрдың Youtube-каналында болады.

19.00 – Мерекелік бағдарлама: би интерактивтері, әртістердің қатысуымен өтетін шоу ("Нұрлы жол" бульвары).

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0
Кілт сөздер:
шаралар