Адамдар

Министр қай облыстарда статусы нақтыланбаған адамдар көп екенін айтты

93
(Жаңартылды 10:41 04.09.2018)
Заңдастырылмаған адамдардың көпшілігі Қазақстанның бес облысында тұрады

АСТАНА, 28 тамыз – Sputnik. Еңбек және халықты әлеуметтік қорғау министрлігі жыл басынан бері 1 миллион 385 мың адамның статусын анықтады. Бұл туралы бүгін ведомство басшысы Мадина Әбілқасымова мәлімдеді, деп хабарлайды Sputnik Қазақстан тілшісі.

Осы жылдың 1 қаңтарында мемлекеттік дерекқорларда мәртебесі  анықталмаған 2 миллион 700 мың адам болса, жеті ай ішінде жүргізілген шаралар нәтижесінде 1 миллион 385 мың адам заңдастырылған.

Облыстар мен республикалық маңызы бар қалаларда өңірлік штабтар белсенді жұмыс істеп, өңірлік жол карталарын іске асыруда. 

"Еліміздің барлық өңірі жоғары нәтиже көрсетіп келеді. Алдыңғы қатардағы Қарағанды, Павлодар, Қостанай және Ақмола облыстарында жыл басында статусы болмаған адамдардың 60 проценті заңдастырылды. Орта есептен төмен көрсеткіштер Шығыс Қазақстан (41%), Батыс Қазақстан (41%), Атырау (41%) облыстары мен Астана (37%) қаласында байқалады", — деді министр үкімет отырысында.

Әбілқасымова мәртебесі нақтыланбаған адамдардың көпшілігі бес өңірде тұратынын атап өтті. 

"Олар: Түркістан облысы (15%), Алматы облысы (15%), Алматы қаласы (9%), Шығыс Қазақстан және Жамбыл облыстары (8%)", — деді ол.

Оның айтуынша, Нәтижелі жұмыспен қамту және жаппай кәсіпкерлікті дамыту бағдарламасына жұмыссыз жүрген және бейресми жұмыспен қамтылған азаматтар тобынан 92 700 адам тартылған. Бұл бағытта Қарағанды, Павлодар және Ақтөбе облыстарында белсенді жұмыс жүргізіліп жатыр.

 

 

93
Кілт сөздер:
мәртебе, жұмыссыздық, Еңбек және халықты әлеуметтік қорғау министрлігі, Мадина Әбілқасымова, Қазақстан
Тақырып бойынша
Елімізде жұмыссыздық деңгейі қандай?
Еңбек өтілі көп мұғалімдер зейнетке ерте шыға ала ма?
Қазақстанда еңбек шартын қалай жасау керек?
Студенттер мен оқушылардың оқудан бос уақытта еңбек ету мүмкіндігі кеңейтілмек
Түркістан облысында тұтастай бір ауыл халқы "гипер еңбекқор" атанып отыр - фото
Загрузка...