Бала

Атышулы Абай ауылында зорланған баланың ісі: кімдер жазаланғаны белгілі болды

909
(Жаңартылды 14:29 31.08.2018)
№74 орта мектебінің директоры жұмысынан шеттетілген

АСТАНА, 29 тамыз – Sputnik. Атышулы Абай ауылында зорланған баланың оқиғасынан кейін Түркістан облысының мектептерінде тексеріс жүргізіліп, бірқатар тұлғалар жауапқа тартылды. Бұл туралы бүгін ОКҚ-де өткен баспасөз мәслихатында білім және ғылым министрлігінің өкілі мәлімдеді, деп хабарлайды Sputnik Қазақстан тілшісі. 

Белгілі болғандай, №74 орта мектебінің директоры Б.Селтанова жұмысынан шығарылмаған, тек шеттетілген.

"Аталған ақпаратты Түркістан облысы әкімдігі қызметінің нәтижесі бойынша алдық. Аталған мәселеде соңғы нүкте қойылған жоқ", — деп сендірді  балалардың құқықтарын қорғау комитетінің төрағасы Нұрбек Оршубеков. 

Сондай-ақ, оның айтуынша,  қазіргі таңда Сарыағаш ауданы әкімінің орынбасары К.Қыстаубаев, Абай полиция бөлімінің басшысы Ибрагимов, Сарығаш ауданы жергілікті полиция қызметінің басшысы Оразгелдиев, №73 мектеп директоры У.Қожагелдиева, №74 мектеп директорының тәрбие жұмысы жөніндегі орынбасары қызметінен босатылды.

Абай ауылы тұрғыны жасөспірім кезінде зорланғанын айтты

Сарыағаш ауданы білім бөлімінің басшысы Б.Мейрихов және №74 орта мектебінің директоры Б.Селтанова қызметінен шеттетілді.

Сондай-ақ, ювеналды полиция инспекторы Жұмабаев пен анықтаушы Рахматиллаға қатысты ҚР ҚК 433-бабы 3-тармағы бойынша (қылмыстық құқық бұзушылықты жасыру) сотқа дейінгі тергеу жүргізіліп жатыр.

Сарыағашта зорланған 7 жасар баланың ісіне қатысты тың дерек шықты

Бұған қоса, Сарыағаш ауданының әкімі мен мектеп директорларының орынбасарларына, педагог-психологтарға "қатаң сөгіс" жарияланды.

Еске сала кетсек, осы жылдың наурызында отандық БАҚ бетінде Абай ауылында 7 жасар баланы жоғары сынып оқушылары бірнеше рет зорлаған деген ақпарат тараған еді. Жәбір көрдім деген бала бұл туралы туыстарына былтыр тамыз айында айтқан екен. Содан бері полицейлерге неше мәрте барғанымен тәртіп сақшылары шағымды тек қаңтар айында қабылдапты. Тексеріс барысында баланың зорланғаны расталды. 

Тергеу барысында жоғары сыныпта оқитын төрт күдікті анықталды. Алайда қылмысты жасау кезінде жасы 14-ке толмағандықтан, үшеуі қылмыстық жауапкершіліктен босатылды. Іс сотқа жолданды.

909
Кілт сөздер:
жаза, зорланған бала, мектеп, Абай ауылы, Түркістан облысы
Тақырып:
Абай ауылында "зорланған" бала ісі (18)
Тақырып бойынша
Баланы зорлап, өлтірген үш педофилді жұрттың көз алдында жазаға тартты
"Қыз әдемі емес" Зорланған әйел туралы осылай деген шенеунік жұрттың ашуына тиді
Президент ОҚО-да зорланған баланың ісі неге ұзаққа созылып кеткенін айтты
Ақтөбе облысында зорланған келіншек оқиғаның қалай болғанын айтып берді
Ақша, архивтегі сурет

Нұр-Сұлтанда басқарма басшысын ұстау сәтінің видеосы жарияланды

14
(Жаңартылды 12:39 04.06.2020)
Шенеунік Наурыз мейрамына арналған мерекелік шараларды өткізу үшін келісімшарт рәсімдеуге қамқорлық жасаған деп күдікке ілінді

НҰР-СҰЛТАН, 4 маусым – Sputnik. Елорданың мәдениет және спорт басқармасының басшысы пара алды деген күдікпен қамауға алынды. Бұл туралы Сыбайлас жемқорлыққа қарсы іс-қимыл агенттігі мәлімдеді, деп хабарлайды Sputnik Қазақстан тілшісі. 

"Агенттік Нұр-Сұлтан қалалық мәдениет және спорт басқармасының басшысына қатысты сотқа дейінгі тергеуді бастады. Ол Наурыз мейрамына арналған мерекелік шараларды өткізу бойынша мемлекеттік сатып алу келісімшартын рәсімдеуге қамқорлық жасағаны үшін 10 миллион теңге көлемінде пара алды деген күдікке ілініп отыр", – деді Биғайдаров бүгінгі онлайн брифингте.

Оның айтуынша, мемлекеттік сатып алулар аясында бюджеттен бөлінген қаржының жалпы сомасы 195 миллион теңге болған.

"Тергеу сотының шешімімен күдікті қамауға алынды. Тергеу жалғасуда", – деп атап көрсетті Биғайдаров.

Оқи отырыңыз: Ақтауда шенеуніктің көлігінен бума-бума ақша шықты – видео

14
Кілт сөздер:
пара, Нұр-Сұлтан
Тақырып бойынша
Блок-бекетте пара алған шенеуніктерге қатысты сот үкімі шықты
Шенеунік тергеушілердің көзінше дәлелдерді жеп қойды – видео
Аса ірі көлемде пара алған басқарма төрағасына қатысты тергеу басталды
Қазақстанда 11 шенеунік отставкаға кетуі мүмкін
"Ешбірі баланы ойламайды": Шенеунік жатып ішер басшылар жайлы ашық жазды
Кісен, архивтегі сурет

Ғылым ордасының басшысы қызметкерімен қоса ұсталды

25
(Жаңартылды 11:58 04.06.2020)
Олар мемлекетке тиесілі үй-жайды жалға бергені үшін тұрақты түрде заңсыз сыйақы алды деген күдікке ілінді

НҰР-СҰЛТАН, 4 маусым – Sputnik. Сыбайлас жемқорлыққа қарсы іс-қимыл агенттігі "Ғылым ордасы" РМК бас директорының ұсталғанын мәлімдеді, деп хабарлайды Sputnik Қазақстан тілшісі.

Тергеуші Данияр Биғайдаровтың айтуынша, мекеме басшысы қол астындағы қызметкерлермен бірге пара алғаны үшін айыпталып отыр.

"Алматы қаласы бойынша сыбайлас жемқорлыққа қарсы қызмет "Ғылым ордасы" РМК бас директоры мен осы мекеменің бас экономистіне қатысты сотқа дейінгі тергеуді бастады. Олар мемлекетке тиесілі үй-жайды жалға бергені үшін тұрақты түрде заңсыз сыйақы алды деген күдікке ілінді. Жалға беру кезінде тиісті келісімшарттар жасалмаған", – деді Биғайдаров бүгінгі онлайн брифингте.

Оның сөзіне қарағанда, мекеме директоры ұсталып, уақытша қамау абақтысына тоғытылды.

"Күдіктілер өз кінәсін мойындады. Тергеу шаралары жалғасуда. Соңғы шешімді сот шығарады", – деп атап көрсетті Биғайдаров.

Айта кетейік, білім және ғылым министрлігінің ғылым комитетіне қарасты "Ғылым ордасы" шаруашылық жүргізу құқығындағы республикалық мемлекеттік кәсіпорны Қазақстан республикасы үкіметінің 2010 жылғы 11 ақпандағы №84 қаулысымен құрылған болатын.

Кәсіпорын қызметінің негізгі бағыттарының бірі – мұражайларды дамыту, елдің тарихи-мәдени мұрасын зерделеу және танымал ету. Ғылым ордасы базасында Қазақстан ғылымының тарихы, табиғат, археология және сирек кездесетін кітаптар мұражайлары жұмыс істейді.

Оқи отырыңыз: Алматы қаласы ауданының судьясы парамен ұсталды - видео

2014 жылдан бастап ғылым мен білімді интеграциялау мақсатында Ғылым ордасының базасында ҚР БҒМ Ғылым комитеті ғылыми-зерттеу институттарының әл-Фараби атындағы ҚазҰУ-мен бірлескен ғылыми кадрларды даярлау орталығы құрылып, магистратура және PhD докторантура бағдарламалары бойынша кешенді жұмыстар атқарылуда.

25
Кілт сөздер:
пара, ғылым академиясы
Тақырып бойынша
Балабақша меңгерушісі өз кабинетінде парамен ұсталды – видео
Ұлттық компанияның өңірдегі басшысы 2 миллион теңге парамен ұсталды
Петропавлда әкімдікте істейтін жас жігіт парамен ұсталды – видео
СҚО-да карантинде кедергісіз жүру үшін полицей 1 миллион 300 мың пара алған
Ақмола облысында әкімнің орынбасары пара алды деген күдікпен ұсталды
Нұрсұлтан Назарбаев

Назарбаев Қауіпсіздік кеңесінде тағайындау жасады

125
(Жаңартылды 12:42 04.06.2020)
Қазақстанның тұңғыш президенті Нұрсұлтан Назарбаевтың шешімімен Қауіпсіздік кеңес хатшылығының меңгерушісі ауысты

НҰР-СҰЛТАН, 4 маусым — Sputnik. Қауіпсіздік кеңес хатшылығының меңгерушісі қызметіне Ерлан Байтұқбаев тағайындалды. 

Елбасының ресми сайтында Қазақстанның тұңғыш президенті, Кеңес төрағасының шешімімен Шоқан Елшібеков басқа жұмысқа ауысуына байланысты қызметінен босатылғаны жазылған.

Оның орнына бұған дейін Қауіпсіздік кеңестің құқық қорғау жүйесі бөлімі меңгерушісінің орынбасары болған Ерлан Байтұқбаев келді.

Ерлан Байтұқбаев туралы не білеміз

Ерлан Байтұқбаев 1969 жылы туған. Әл-Фараби атындағы қазақ мемлекеттік ұлттық университетін  тәмамдаған (мамандығы "құқықтану").

Еңбек жолы Алматыда Фрунзе ауданы прокурорының көмекші-стажері ретінде бастады. Түрлі жылдары прокурор, аға прокурор, Қостанай облысы прокурорының орынбасары, Орталық көлік прокуратурасы аппаратының жетекшісі қызметтерін атқарды.

Сондай-ақ, индустрия және жаңа технологиялар министрлігінің өнеркәсіп комитеті төрағасының орынбасары, инвестициялар және даму министрлігі комитеті басшысының орынбасары болған.

Тағайындауға дейін Қауіпсіздік Кеңесінің құқық қорғау жүйесі бөлімі меңгерушісінің орынбасары қызметін атқарған.

125
Кілт сөздер:
тағайындау, Қауіпсіздік кеңесі, Назарбаев
Тақырып бойынша
Назарбаев коронавирус пандемиясынан кейін не болатынын айтты 
Назарбаев елге қандай адамдар қажет екенін айтты 
Назарбаев "Самұрық-Қазына" басшылығын мақтады
Тоқаев Қытай басшысына хат жазды
Тоқаев Қытай төрағасы телефонмен сөйлескенде өзіне не дегенін айтты