Ота

Шымкентте жүкті келіншектің ішінен 50 шақты тас шықты

790
(Жаңартылды 18:20 08.09.2018)
34 жастағы Феруза Құлабдуллаева екінші сәбиін 12 жыл күткен

АСТАНА, 5 қыркүйек — Sputnik. Шымкенттік дәрігерлер сәбиін 12 жыл күткен Феруза Құлабдуллаеваның ішінен 50 шақты тас алып шықты. Аяғы ауыр әйелдің осыншама артық затты қайдан жинап алғаны белгісіз. Ауруханаға өте қиын жағдайда жеткізілген оған дәрігерлер шұғыл ота жасап, сәбиін өлімнен аман алып қалды, деп хабарлайды "Еуразия" бірінші арнасы.

Феруза Құлабдуллаева дертінен енді айықты. Келіншек жақын туыстарымен бүгін ғана жүздесіп тұр. Барлығы жас ананы сәбилі болғанымен құттықтап жатыр. Екінші сәбиін 12 жыл күтіпті. Бірақ жүкті болғаны сол екен, денсаулығы нашарлай бастаған.

"Жедел жәрдеммен ауруханаға бірнеше рет түстім. Бірақ он екі жылда көрген балам ғой, уақытына дейін жеткізейін деп ойладым. 36 апта болды, тағы екі апта шыдасам, 38 аптаға жетеді ғой деп шыдауға тырыстым", — дейді келіншек.

34 жастағы Ферузаның бар арманы сәбиін аман-есен босану болатын. Бірақ денсаулығы қайта-қайта сыр бере бастапты. Ең соңында жағдайы нашарлап, төсек тартып жатып қалған. Ауруханаға жеткенде, дәрігерлер оның өн-бойында бірнеше тастың жинақталып қалғанын анықтапты. Сөйтіп шұғыл ота жасаған.

Ең алдымен, кесарь тілігі арқылы іштегі баланы алып шыққан. Мұнан кейін өттегі тасты алыпты. Санағанда бір емес, 50 тас шыққан. Дәрігерлер сәл кешіккенде, сәби түгілі жас ананың өзінен де айырылып қалар едік дейді.

"Бірінші кесарь тілігі арқылы баласын алып, екінші кезеңде өт жолдарын ашып, өттің жүруін қамтамасыз еттік. Сондай шешімге келіп, науқастың өзіне, туыстарына айтып, бірлескен ота жасадық", — дейді қалалық жедел жәрдем ауруханасы бас дәрігерінің орынбасары Талғат Шәуенов.

Астанада босанып жатып бесінші әйел қайтыс болды

Дәрігердің сөзінше, науқастың өт жолы мен өт қапшығында пайда болған тастардан жүкті әйел уланып, денесінің барлығы сарғайып кеткен көрінеді. Ота кезінде оның барлығы алынып тасталған.

"Баланы түсіріп аламын ба деп қорықтым. Құдайға шүкір, аман-есен босандым. Дәрігерлерге рақмет. Мені де, баламды да аман алып қалды", — дейді әйел.

Жаңа туған сәбиге Біләл деген ат қойылыпты. Қазір ана мен нәрестенің денсаулығы жақсы. Туыстары да біліктілігі жоғары дәрігерлерге алғыстан басқа айтарымыз жоқ деп отыр.

790
Кілт сөздер:
аурухана, науқас, ота, келіншек, дәрігер
Тақырып бойынша
"Сіз секілді тас жүректер басшы болмауы керек". ШҚО әкімі неге ашуланды?
Дәрігерлер сушиден уланған ер адамның қолын кесуге мәжбүр болды
Астанада дәрігерлер қателесіп әйелдің омырауын кесіп тастаған
Дәрігерлер жөтеле берген қыздың өкпесінен шам алып шықты
Қателік жіберген дәрігерлер қылмыстық жауапкершілікке тартылмауы мүмкін
Дәрігерлер әйелдің көзінен 14 құрт алып шықты
Дәрігерлер трамвай астына түскен баланың хәлі туралы айтты
Дәрігерлер Сәтпаевта зорланған қызға ота жасады
Астаналық "қарт балаға" пластикалық ота жасалды
Резеңкені қолынан бірнеше ай бойы шешпеген қызға ота жасауға тура келді
Германиядағы қазақ миға 4 мыңнан астам күрделі ота жасаған
Көк Жайлау

Көк Жайлауда сауық кешін ұйымдастырғандарға қатаң шаралар қолданылады

22
Қала әкімі полиция департаментінің басшысына тиісті тергеу жүргізіп, кінәлі тұлғаларды жазалауды тапсырды

АЛМАТЫ, 25 мамыр – Sputnik. Алматы әкімінің орынбасары Ерлан Қожағапанов карантин кезінде Көк Жайлауда өткен жаппай сауық кешіне қатысты түсініктеме берді.

"Бұл жол беруге болмайтын жағдай. Қандай да бір шара өткізуден бұрын ол жерге кіруге де тыйым салынған. Ол жерде болған адамдар өздерінің ғана емес, жан-жағындағылардың да өмірін өлімге тікті. Сондай-ақ, олар тауда қоқыстарын қалдырып кетті. Ол шараға рұқсат берілмеген, санитарлық норма сақталмаған", - деді ол брифинг барысында. 

Сонымен қатар Қожағапанов Алматы қаласының бас санитар дәрігерінің коронавирус инфекциясының таралуына жол бермеу үшін жаппай іс-шаралар өткізуге тыйым салатын қаулысы бар екенін атап өтті.

"Аталған адамдарға қатысты қала әкімі полиция департаментінің басшысына тиісті тергеу жүргізуге нақты тапсырма берді. Олардың барлығын анықтап, әкімшілік жаза, қажет болса, қылмыстық жаза қолдану керек", - деді ол.

Сонымен қатар қала прокуроры табиғатты қорғау прокурорына осы жағдайды шешу жөнінде тапсырма берді.

Бұған дейін экология министрлігі Алматыдағы Көк Жайлау тауында сауық кешін өткізгендерге 100 АЕК немесе 277 800 теңге айыппұл салынғанын хабарлады. Айыппұл салынған ер адам автокөлік жанында түскен фотосын әлеуметтік желіге жүктеген болатын.

Карантин кезінде Алматы тауларындағы сауық кеші

24 мамырда Алматы қаласында енгізілген карантинге қарамастан, ерекше қорғалатын аумақта азаматтар ойын-сауық кеші мен түнгі кино көрсетілім ұйымдастырған. Қазіргі кезде "Көк Жайлаудағы кино түнін" ұйымдастырушылар іздестіріліп жатыр.

 

О

22
Кілт сөздер:
карантин, "Көк Жайлау" курорты
Тақырып бойынша
Полиция Көк Жайлаудағы отырыс ұйымдастырушыларын іздестіріп жатыр
Алматыда маскасыз жүргендерге айыппұл салынуы мүмкін
Жұмысқа шыққандар арасында вирус жұқтырғандар көбеюде – министрлік
Сұлтанғазиев қай облыстарда коронавирус жұқтырғандар саны артқанын айтты 
Алматыда кинотеатрлар мен балаларды дамыту орталығы қашан ашылады?
Ақылы жол

1 маусымнан бастап курорттар мен шипажайлар ашылады

88
(Жаңартылды 21:05 25.05.2020)
Қонақүй, шипажай-сауықтыру кешендері санитарлық нормаларды қатаң сақтай отыра жұмысқа кірісетіні хабарланды

НҰР-СҰЛТАН, 25 мамыр —Sputnik. Қазақстанда 1 маусымнан бастап курорттық, емдеу-сауықтыру нысандары ашылады. 

Шешім премьер-министр орынбасары Ералы Тоғжановтың төрағалығымен өткен ведомствоаралық комиссия отырысында қабылданды.

"2020 жылғы 1 маусымнан бастап қатаң санитарлық нормаларды сақтай отырып, кәсіподақтар федерациясының қонақүйлері мен сауықтыру санаторийлері және өңірлердегі курорттық, емдеу-сауықтыру нысандары қызметін қайта бастайды", - деп жазылған премьер-министрдің ресми ақпарат ресурсында.

25 мамырдан бастап Атырау қаласымен ішкі әуе қатынасы жанданады.

Сондай-ақ, 1 маусымнан бастап кезең-кезеңмен ішкі теміржол қатынасын іске қосуға байланысты теміржол вокзалдарының қызметі санитарлық нормаларға сәйкес ұйымдастырылады.

Қазақстан азаматтарын шет елдерден қайтару жұмысы жалғасады.

88
Кілт сөздер:
карантин, курорт, маусым
Тақырып бойынша
Алматыда маскасыз жүргендерге айыппұл салынуы мүмкін
Полиция Көк Жайлаудағы отырыс ұйымдастырушыларын іздестіріп жатыр
Жұмысқа шыққандар арасында вирус жұқтырғандар көбеюде – министрлік
Сұлтанғазиев қай облыстарда коронавирус жұқтырғандар саны артқанын айтты 
Алматыда кинотеатрлар мен балаларды дамыту орталығы қашан ашылады?
Сағадат Нұрмағамбетов

Нұр-Сұлтанда Қазақстанның бірінші қорғаныс министрі Нұрмағамбетовті еске алды

0
Еске алу рәсімі дүйсенбі, 25 мамыр күні астанадағы "Жас ұлан" республикалық әскери мектебінде өтті

НҰР-СҰЛТАН, 25 мамыр – Sputnik. Әскери қызметшілер Кеңес Одағының Батыры, Халық Қаһарманы, Қазақстанның бірінші Қорғаныс министрі, армия генералы Сағадат Нұрмағамбетовті еске алды.

"Бүгінгі күні қарулы күштердің әскери қызметшілері мен республикалық әскери мектеп тәрбиеленушілері – болашақ Отан қорғаушылар үшін Сағадат Нұрмағамбетовтің өмір жолы отанға деген батылдық пен төзімділіктің үлгісі болып табылады. Біз ұлы батырлардың мұрагерлері олардың даңқты дәстүрлерін сақтап, әрі қарай жалғастырамыз деген сенімдемін", – деді орғаныс министрінің орынбасары генерал-лейтенант Тимур Дәндібаев.

 

В Нур-Султане почтили память Сагадата Нурмагамбетова
© Photo : Минобороны Казахстана
Армия генералы Сағадат Нұрмағамбетов 2013 жылы 89 жасында өмірден озды

 

Сағадат Нұрмағамбетов 1924 жылы 25 мамырда Ақмола облысы Алексеевка ауданы Еңбек ауылында дүниеге келген. Ол алғашқы Түркістан пулемет әскери училищесін, М.Фрунзе атындағы әскери академияны, КСРО қарулы күштері бас штабының әскери академиясы жанындағы жоғары академиялық курстарды бітірген.

1942 жылы әскер қатарына шақырылды, 1945 жылдың мамыр айына дейін соғыс даласында пулемет взводы командирі ретінде, содан кейін пулемет ротасын, атқыштар батальонын  басқарды. Краснодар өлкесін, Украина, Молдавияны, Батыс Белоруссияны, Польшаны азат етуге қатысқан.

1945-1946 жылдары Степной әскери округінің жоғары оқу орындары бөлімінің инспекторы болды. Содан кейін әскери академияда оқыды. 1950 жылдан 1984 жылға дейін Түркістан әскери округі жедел бөлімінің аға офицері, мотоатқыштар полкінің командирі, 201-ші мотоатқыштар дивизиясы штабының бастығы, Қазақ КСР азаматтық қорғаныс штабының бастығы, Орта Азия әскери округі әскерлері қолбасшысының орынбасары, Оңтүстік әскер тобы (Венгрия) қолбасшысының бірінші орынбасары болды.

1990-1992 жылдары соғыс, еңбек және Қарулы Күштер ардагерлері Қазақ республикалық кеңесінің төрағасы, ардагерлер, мүгедектер және әскери қызметшілер істері жөніндегі ҚР жоғарғы кеңесі комитетінің төрағасы, Мемлекеттік қорғаныс комитетінің төрағасы болды.

Тағы оқыңыз: Сағадат Нұрмағамбетовтің ұлы қайтыс болды

Тәуелсіз Қазақстанның Қарулы күштері құрыла бастаған жылдары, 1992-1995 жылдар аралығында Сағадат Нұрмағамбетов қорғаныс министрі болды. Дәл осы уақытта Қазақстан армиясында маңызды реформалар қабылданған, маңызды кез болды. 1993 жылдың мамыр айында оған "армия генералы" әскери атағы берілді. Бір жылдан кейін президент жарлығымен Нұрмағамбетовке "Алтын жұлдыз" сыйлығымен Халық Қаһарманы атағы берілді.

1995 жылдың қарашасында генерал отставкаға шықты, содан кейін президент кеңесшісі болып, бірнеше рет Жоғарғы кеңестің депутаты болып сайланды.

Армия генералы Сағадат Нұрмағамбетов 2013 жылы 89 жасында өмірден озды.

0
Кілт сөздер:
Сағадат Нұрмағамбетов, Нұр-Сұлтан
Тақырып бойынша
21 жасында Кеңес одағының батыры: Сағадат Нұрмағамбетов туралы не білеміз?
Назарбаев тәуелсіздік алған кезде әскер басқаратын жалғыз генерал тапқанын еске алды
"Не екенін де білмедік" Мұхтар Алтынбаев Қазақстан армиясының қалай құрылғанын еске алды
"Оның оралмайтынын білмедік". Депутат қазақ сарбазының ерлігін еске алды
Әйелінің хаты оқтан құтқарды - әнші атасының майдандағы оқиғасын еске алды