Анасы мен қызы лифт ішінде тұр

Лифтіде жаншылып өлген журналистің анасы кінәлілерді қатаң жазалауды сұрады

103
(Жаңартылды 19:21 20.09.2018)
Үш жасар сәби өзінің анасына "мама" деген сөзді айта алмайтын жағдайға жеткізді олар, дейді Айша Төлемісова

АСТАНА, 6 қыркүйек — Sputnik. Ақтөбеде лифтіде жаншылып өлген тележүргізуші келіншектің өліміне байланысты сот басталды. Жауапқа тартылып жатқан кооператив директоры мен лифтіні жөндеген механик тағылған айыппен келіспей отыр. Жауапкершілікті біріне бірі артып қоймақ. Ал қара жамылған отбасы екеуіне қатаң жаза кесуді талап етті, деп хабарлады КТК арнасы.

28 жастағы тележүргізуші Айзат Әбдісаматтың дәл осы лифтіде жаншылып көз жұмғанына тура бес ай болды. Сол уақыттан бері бірнеше техникалық сараптама тағайындалып, сот отырысы да кейінге шегеріле берді. Бұған айыпталушының бірі — механик Жарылқасын Ақжановтың жүрегіне ота жасалуы себеп болған. Ол ауруханадан шыққан бойда процесс те басталды.

"Лифтіні пайдалануға берген кезде тұрғындардың қауіпсіздігі үшін ешқандай шара қолданбаған. Ақауы бар жеделсатыны іске қосқан. Оған тағайындалған сараптама қорытындысы дәлел бола алады", — дейді мемлекеттік айыптаушы Асхат Сәрсенбаев.

Сотта жауап беріп жатқан кооператив директоры мен механик бірін-бірі кінәлап отыр. Бастығы техникадан хабарым жоқ деп ақталса, лифтіні жөндеу үшін жалданған маман сүттен ақ, судан тазамын деп басын алып қашады.

"Бұл үйдің лифтісі бұрыннан тозған. Тұрғындардың өтініші бойынша қолдан келгенше оңдап жүрдік. Соңғы рет қайғылы оқиға болардан төрт күн бұрын ғана Ақжановқа ақша беріп жөндеуден өткізген едік", — дейді "Жаңабеков-сервис" ЖШС директоры Кемел Жаңабеков.

Айзат Әбдісамат лифтіге қысылып өлгенде жанында кішкентай қызы болған. Қазір ол әкесінің қолында тәрбиеленіп жатыр. Марқұмның күйеуінен бастап, барлық туысы қос айыпталушыға ешқандай кешірім жоқ дейді.

"Ешқандай да маған материалдық, моральдық өтемақының қажеті жоқ. Менің баламның өліміне кінәлі адамдар әділ жазалансын деймін. Қазіргі жағдайда үш жасар сәби өзінің анасына "мама" деген сөзді айта алмайтын жағдайға жеткізді олар. Себебі, анасының өлімін көрген сәби анасын сұрамайды", — деді марқұм Айзат Әбдісаматтың анасы Айша Төлемісова.

Лифтіде би билеген ұры жұртты күлкіге қарық қылды

Айзаттың өліміне себепші болған лифт бес айдан бері істемейді. Оған сол күйі жөндеу де жүргізілмеген. Ақтөбеде осы қайғылы оқиғадан соң тоқтап тұрған жалғыз жеделсаты бұл емес. Өйткені жаппай тексеруден кейін ескіргендерінің бәрінің есігін жауып тастаған еді. Ал жаңартуға тұрғындардың да, әкімдіктің де ақшасы жоқ.

103
Кілт сөздер:
журналист, жаза, өлім, лифт, бала, Ақтөбе
Тақырып бойынша
Тікелей эфирде сұхбат алып тұрған журналист есінен танып құлады – видео
Сейфуллиннің жарын көріп, адам сенгісіз тағдырлармен таныстым – журналист
БАҚ өкілі министрге Шымкенттен орыс тілді журналист таба алмай жүргенін айтты
Журналист Головкиннің жоспарын әшкере қылды
Журналист Андрей Аршавиннің "шаш қиюын" қабылдады
Семейлік жігіт 28 жыл бойы өлді деп санап келген егіз сыңарын іздеп жүр
Сәби ауладағы су құйылған ыдысқа құлап, тұншығып өлді
Талдықорғанда сержант демалыс алу үшін әкем өлді деп өтірік айтқан
40 жастағы ер адам анасының жерлеу рәсімінде құлап өлді – видео
Аралда бір жасар қыз кәстрөлдегі суға тұншығып өлді
Бір жарым жасар сәби кір жуғыш машинадағы суға батып өлді
Загрузка...