Ер адам шаршап отыр

Психоаналитик неліктен адамдардың бір-бірін көреалмайтынын түсіндірді

464
(Жаңартылды 18:25 16.09.2018)
Маман көреалмаушылық сезімінің көптеген ауруға шалдықтыратынын айтты

АСТАНА, 16 қыркүйек — Sputnik. Адам бірінші кезекте өзгенің шығармашылығын қызғанады. Яғни қолында жоқ, бірақ өзгеде бар нәрсе өзінде де болғанын қалайды. Сондай-ақ, көреалмаушылық сезімі адамды түрлі ауруға шалдықтыруы мүмкін. Бұл туралы толығырақ психоаналитик Жанар Оспанова айтып берді. 

Көреалмаушылық дегеніміз — адамның өзгелердің жетістігі мен шығармашылығына қызғанышпен қарауы. Әдетте бұл сезімнің құрсауында жүрген адамдар үнемі өздерін өзгелермен салыстырып, материалдық немесе материалдық емес бір нәрсені иеленуге тырысады.

Десе де бұл сезімді кез келген адам ұлты мен жынысына, мінезі мен темпераментіне қарамастан бастан кешіруі мүмкін. Мамандар уақыт өте келе бұл сезімнің адам бойында азая түсетінін айтады. Әсіресе, 18-25 жас аралығында көп болып, 60-қа таяған шақта азаяды екен.

Бұл сезімнің адам бойында пайда болу себебі оның тарихында жатыр.

"Көреалмаушылық сезімі кез келген адамның бойында болуы мүмкін. Яғни адам өзінде жоқ нәрсені өзгеден көрген кезде қызғанышқа бой алдырады. Әдетте кедей байды қызғанады. Осы тұста алғашқысының қызғанышы кейінгісін жамандау арқылы көрініс табады. Мысалы, әлеуметтік-тұрмыстық жағдайы төмен азаматтар "Байлар ақшаны өз күштерімен тапқан жоқ, біреуден пара алған болар" немесе "Байлық адамды құртады" деп жиі айтады. Шын мәнінде, бұлай дейтін адамдар басқаларды көреалмай жүр. Ең қызығы, осы сөздерді айтып отырған адам баю үшін еш әрекет жасамайды. Оның әртүрлі себебі бар", — деді психоаналитик Жанар Оспан.

Психоаналитик: әйел бірінші орынға күйеуін, кейін ғана балаларын қоюы керек

Біреуді қатты көреалмай отырғанын жасыратын адамдар түрлі ауруға шалдығады. Өйткені, олар жағымсыз эмоцияны сыртқа емес, ішіне жібереді. Сондай-ақ, физиологиялық дене бітіміне қарай әйелдер ер адамдарды, ал ер азаматтар керісінше нәзік жандыларды қызғанады. Алайда бұл қызғаныш бейсаналы деңгейде жүзеге асады. Адам саналы түрде бойында мұндай қызғанышының бар екенін білмеуі мүмкін.

"Кейде ата-аналар балаларын қызғанып қалулары мүмкін. Өйткені, баланың болашағы алда және ол қазірдің өзінде үлкен жетістікке жетіп отыр. Керісінше балалар да ата-анасына қызыға қарап, оларда бар ақша, дәреже сындыларға келгенде көреалмаушылық танытулары мүмкін", — деді психоаналитик.
Яғни бұл да көреалмаушылық көрініс табатын жағдайлардың бірі.

Әдетте көреалмаушылықтың екі түрі болады. Олар — конструктивті және деструктивті көреалмаушылықтар. Алғашқысында адам осы көреалмаушылық сезімін жақсы жақта пайдаланып, өзгелерден асып түсуге тырысады. Өзін жан-жақты дамытып, жетістіктерге жетеді. Ал кейінгісінде бойындағы көреалмаушылық сезімін жеңе алмай қиналады. Бар жағымсыз эмоцияны ішінде сақтап, қауіпті ауруға шалдығады. Тіпті, өзін құртып жіберуге дейін баруы мүмкін.

"Мелани Кляйн есімді психоаналитик осы тақырып төңірегінде көп зерттеу жүргізген. Ол сәби шақта болған жағдайлардың барлығы адамның ересек кездегі өміріне әсер ететінін айтады. Мұны анализ кезінде де байқауға болады. Мысалы, көп жылдан бері емделіп жүрген клиент аналитігіне "Мен мүлдем жазылмадым. Көп уақыт өтсе де, өмірімде еш жақсы өзгеріс болмады" деп айтуы мүмкін. Яғни клиенттің өзін емдейтін маманға деген көреалмаушылығы осылай көрініс табады. Кляйн осы тақырыпты терең зерттей келе бұл сезімнің түп-төркінін сәбидің ана сүтіне деген қызғанышымен байланыстырды", — деді ол.

Ал, Сіз құрметті оқырман, бұл сезімге қатысты не дейсіз? Өзгелердің шығармашылығы мен жетістігін қызғанған кезіңіз болды ма?

464
Кілт сөздер:
кедей, көреалмаушылық, психоаналитик, психоанализ, қызғаныш
Тақырып бойынша
Психоаналитиктер Денис Теннің әндері кімге арналғанын айтты
"Өлімге құштарлық". Адам өмірден өтетін күнін өзі таңдайтыны рас па?
Психолог қандай адамдардың және неге күз мезгілін ұнатпайтынын айтты
Психолог: қыздардың шетелдікке тұрмысқа шыққаны балаларына жақсы
Психолог күн бұлттанған кезде қалай тамақтану керектігін айтты
Психолог тәуелсіздік құрдастары туралы: оларда ішкі бостандық басым
Психолог: ата-аналардың "өлім топтарына" қатысты дүрлікпе зиян тигізуі мүмкін
Көк Жайлау

Көк Жайлауда сауық кешін ұйымдастырғандарға қатаң шаралар қолданылады

104
Қала әкімі полиция департаментінің басшысына тиісті тергеу жүргізіп, кінәлі тұлғаларды жазалауды тапсырды

АЛМАТЫ, 25 мамыр – Sputnik. Алматы әкімінің орынбасары Ерлан Қожағапанов карантин кезінде Көк Жайлауда өткен жаппай сауық кешіне қатысты түсініктеме берді.

"Бұл жол беруге болмайтын жағдай. Қандай да бір шара өткізуден бұрын ол жерге кіруге де тыйым салынған. Ол жерде болған адамдар өздерінің ғана емес, жан-жағындағылардың да өмірін өлімге тікті. Сондай-ақ, олар тауда қоқыстарын қалдырып кетті. Ол шараға рұқсат берілмеген, санитарлық норма сақталмаған", - деді ол брифинг барысында. 

Сонымен қатар Қожағапанов Алматы қаласының бас санитар дәрігерінің коронавирус инфекциясының таралуына жол бермеу үшін жаппай іс-шаралар өткізуге тыйым салатын қаулысы бар екенін атап өтті.

"Аталған адамдарға қатысты қала әкімі полиция департаментінің басшысына тиісті тергеу жүргізуге нақты тапсырма берді. Олардың барлығын анықтап, әкімшілік жаза, қажет болса, қылмыстық жаза қолдану керек", - деді ол.

Сонымен қатар қала прокуроры табиғатты қорғау прокурорына осы жағдайды шешу жөнінде тапсырма берді.

Бұған дейін экология министрлігі Алматыдағы Көк Жайлау тауында сауық кешін өткізгендерге 100 АЕК немесе 277 800 теңге айыппұл салынғанын хабарлады. Айыппұл салынған ер адам автокөлік жанында түскен фотосын әлеуметтік желіге жүктеген болатын.

Карантин кезінде Алматы тауларындағы сауық кеші

24 мамырда Алматы қаласында енгізілген карантинге қарамастан, ерекше қорғалатын аумақта азаматтар ойын-сауық кеші мен түнгі кино көрсетілім ұйымдастырған. Қазіргі кезде "Көк Жайлаудағы кино түнін" ұйымдастырушылар іздестіріліп жатыр.

 

О

104
Кілт сөздер:
карантин, "Көк Жайлау" курорты
Тақырып бойынша
Полиция Көк Жайлаудағы отырыс ұйымдастырушыларын іздестіріп жатыр
Алматыда маскасыз жүргендерге айыппұл салынуы мүмкін
Жұмысқа шыққандар арасында вирус жұқтырғандар көбеюде – министрлік
Сұлтанғазиев қай облыстарда коронавирус жұқтырғандар саны артқанын айтты 
Алматыда кинотеатрлар мен балаларды дамыту орталығы қашан ашылады?
Ақылы жол

1 маусымнан бастап курорттар мен шипажайлар ашылады

225
(Жаңартылды 21:05 25.05.2020)
Қонақүй, шипажай-сауықтыру кешендері санитарлық нормаларды қатаң сақтай отыра жұмысқа кірісетіні хабарланды

НҰР-СҰЛТАН, 25 мамыр —Sputnik. Қазақстанда 1 маусымнан бастап курорттық, емдеу-сауықтыру нысандары ашылады. 

Шешім премьер-министр орынбасары Ералы Тоғжановтың төрағалығымен өткен ведомствоаралық комиссия отырысында қабылданды.

"2020 жылғы 1 маусымнан бастап қатаң санитарлық нормаларды сақтай отырып, кәсіподақтар федерациясының қонақүйлері мен сауықтыру санаторийлері және өңірлердегі курорттық, емдеу-сауықтыру нысандары қызметін қайта бастайды", - деп жазылған премьер-министрдің ресми ақпарат ресурсында.

25 мамырдан бастап Атырау қаласымен ішкі әуе қатынасы жанданады.

Сондай-ақ, 1 маусымнан бастап кезең-кезеңмен ішкі теміржол қатынасын іске қосуға байланысты теміржол вокзалдарының қызметі санитарлық нормаларға сәйкес ұйымдастырылады.

Қазақстан азаматтарын шет елдерден қайтару жұмысы жалғасады.

225
Кілт сөздер:
карантин, курорт, маусым
Тақырып бойынша
Алматыда маскасыз жүргендерге айыппұл салынуы мүмкін
Полиция Көк Жайлаудағы отырыс ұйымдастырушыларын іздестіріп жатыр
Жұмысқа шыққандар арасында вирус жұқтырғандар көбеюде – министрлік
Сұлтанғазиев қай облыстарда коронавирус жұқтырғандар саны артқанын айтты 
Алматыда кинотеатрлар мен балаларды дамыту орталығы қашан ашылады?
Ауа райы

40 градус ыстық: 26 мамырға арналған ауа райы

145
(Жаңартылды 23:14 25.05.2020)
Қазақстанның бірқатар өңірінде дабылды ескерту жарияланды. Сейсенбі күні ыстық болады, бұршақ жауып, қатты жел соғады

НҰР-СҰЛТАН, 25 мамыр — Sputnik. Қазгидромет синоптиктері 26 мамыр күні бірқатар өңірде аптап ыстық болатынын айтты.

Алдағы үш күнге арналған ауа райы болжамында солтүстік өңірлерде күн салқындайтыны хабарланды. Оңтүстікте күн ыстық болады. Кей жерлерде жел күшейеді.

Дабылды ескерту

Ақмола облысында 26 мамырда күн күркіреп, бұршақ жауып, шаңды жел болады. Жылдамдығы - 15-20 м/с.

Күндіз Павлодар облысында желдің жылдамдығы - 25 м/с.

Сейсенбі күні Солтүстік Қазақстан облысында тұман болады, желдің жылдамдығы - 25 м/с.

Батыс Қазақстан облысында аптап ыстық. Плюс 37 градус, күн күркірейді.

26 мамырда Түркістан облысында шаңды дауыл, желдің жылдамдығы - 23 м/с. Күндіз батыста аптап ыстық, плюс 40 градус.

Ірі қалалардағы ауа райы

Елордада дабылды ескерту жарияланды. Шаңды дауыл болады, желдің жылдамдығы - 20 м/с. Ауа температурасы түнде 18-20 градус жылы, күндіз плюс 32-34 градус.

Алматыда түнде плюс 17-19 градус, күндіз – 31-33 градус ыстық.

Шымкентте түнде 19-21 градус жылы, күндіз сынап бағанасы 35-37 градусқа дейін көтеріледі.

145
Кілт сөздер:
ыстық, мамыр, ауа райы
Тақырып бойынша
Көкшетауда дауыл кезінде зардап шеккен екінші адам қайтыс болды
Қазақстанда дауылды жел 160 ғимараттың шатырын ұшырып әкетті
Алматыда жалға алынған көлік ағаш пен жеке үйдің қоршауын қиратты
Ақмола облысында қатты жел ағаштарды жұлып, үйлердің шатырын ұшырды