Ер адам, архив сурет

Қазақстанда тағы бір ұйым экстремистік деп танылды

668
(Жаңартылды 23:29 12.10.2018)
"Йақын Инкар" ұйымының мүшесі болған Қазақстанның жекелеген азаматтары бас бостандығынан айырылған

АСТАНА, 12 қазан – Sputnik. Қазақстанда тыйым салынған "Таблиғи жамағат" экстремистік ұйымының негізінде құрылған "Йақын Инкар" ұйымы экстремистік деп танылды, деп хабарлайды Sputnik Қазақстан бас прокуратураның баспасөз қызметіне сілтеме жасап.

Бас прокуратура "Йақын Инкар" ұйымы елімізде заңсыз қызмет еткенін анықтаған. "Йақын Инкар" – Қазақстанда тыйым салынған "Таблиғи жамағат" негізінде құрылған. 

Баспасөз қызметінің ақпаратынша, "Йақын Инкар" ұйымының мақсаты –конституциялық құрылысты күштеп өзгертіп, егемендікті бұзу арқылы жекелеген мемлекеттерде, соның ішінде Қазақстан аумағында "халифат" құру.

"Аталған ұйымның жақтастары қақтығысқа алып келу мүмкіндігін біле тұра, өзге діндерді жоққа шығарады, бұл әрекет діни экстремизм ұғымының белгілеріне сай келеді. "Йақын Инкар" мүшесі болған Қазақстанның жекелеген азаматтары еліміздің аумағында экстремистік әрекет жасағаны үшін бас бостандығынан айырылды", — делінген хабарламада. 

Қылмыстық істер аясында осы ұйым мүшелерінің Қазақстан аумағында топтар құру ниеті болғаны анықталды. Осындай негіздер бойынша "Йақын Инкар" ұйымы Қырғызстанда экстремистік деп танылған.

Осыған байланысты Астана прокуратурасы сотқа "Йақын Инкар" ұйымын экстремистік деп тану туралы арызбен жүгінді.

Хабарламада айтылғандай, Есіл аудандық сотының осы жылдың 10 қазанындағы шешімімен арыз толық көлемде қанағаттандырылды. Сот "Йақын Инкар" ұйымының әрекетін экстремистік деп танып, оның қызметіне Қазақстан Республикасының барлық аумағында, соның ішінде ақпараттық материалдар, бұқаралық ақпарат құралдары, телекоммуникация, әлеуметтік желілер, мессенджерлер және бейнехостингтер арқылы таратуға тыйым салды.

Бас прокуратура "Йақын Инкар" экстремистік ұйымына қатысу, олардың идеясын насихаттау, қаржыландыру үшін қылмыстық жауапкершілік қарастырылғанын ескертті.

668
Кілт сөздер:
теріс ағым, тыйым, экстремистік ұйым, діни экстремизм, Қазақстан
Тақырып бойынша
Әблязов негізін қалаған қозғалыс Қазақстанда экстремистік ұйым болып танылды
Митрополит: Террористер діни киімге оранып жүрсе де, шайтанның құлы болып қала береді
Атырауда теріс діни ағымда жүргендер балабақша ашып жатыр
Қырғыз мүфтиі: біз қаламасақ та, теріс діни ағымдағылар көбейе береді
2018 жылға арналған діни күнтізбе
Елбасы Мәсімовпен бірге діни экстремизммен күрес мәселесін талқылады
Ермекбаев: шетелде діни білім алу шектелмек
Загрузка...