Сирия

Сыртқы істер министрі: Ислам мемлекетінің содырлары Орталық Азияға оралуы мүмкін

221
(Жаңартылды 15:23 20.10.2018)
Сириялық террористер жеңілгеннен соң өз елдеріне қайта оралуы мүмкін, деп ескерті Қазақстанның сыртқы істер министрлігі

АСТАНА, 19 қазан — Sputnik. Қазақстанның сыртқы істер министрі Қайрат Әбдірахманов мәлімдегендей, содырлардың өз еліне қайта оралуы Орталық Азияның бүкіл мемлекеттері үшін қауіп туғызады.

Оның пікірінше, бұл мәселеге ерекше мән беру керек.

"ДАИШ (Ислам мемлекетінің* арабша атауы) террористер тобы Сирияда жеңіліске ұшырағаннан кейін, қазір лаңкестердің өз елдеріне қайта оралу қаупі төніп тұр, оның ішінде Орталық Азия мемлекеттеріне, бұл мәселеге ерекше мән берген жөн", — делінген министрдің РИА Новости сауалына берген жазбаша жауабында.

СІМ басшысы атап өткендей, Сирияның ішкі ахуалы неғұрлым тезірек қалыпқа келсе, тұрақсыздықтың бұл ошағы да ауыздықталатын болады. Бұл – Қазақстанның ресми ұстанымы, деп мәлімдеді ол. 

Атап өтсек, Астана сириялық мәселені реттеу бойынша негізгі алаңқайға айналған. 30 қаңтарда Сочиде қақтығыс басталғалы бері Сирияның ұлттық диалогының алғашқы конгресі өтті. Шара ұйымдастырушылары қатысушылардың ауқымды құрамын келіссөз алаңқайына жинауға тырысқан. Осы диалогтың нәтижесінде Женевада конституциялық комиссия құру туралы шешім қабылданды.

Сириядағы қарулы қақтығыс 2011 жылы басталды. 2017 жылдың соңында Сирия мен Ирактағы Ислам мемлекеті* террористерінің жеңілгені туралы жарияланған. Алайда елдің кей аудандарында содырлардан тазарту шаралары жүргізіліп жатыр. Ахуалды реттеу бойынша бірінші кезекте саяси проблемалар мен босқындардың қайтарылуы мәселесі шешімін табуы керек.

*Ислам мемлекеті — Қазақстан, Ресей және тағы басқа елдерде тыйым салынған террорлық ұйым

221
Кілт сөздер:
қауіп-қатер, содырлар, сыртқы істер министрлігі, Ислам мемлекеті, Орталық Азия, Сирия
Тақырып бойынша
СІМ: Иранда құлаған ұшақта қазақстандықтардың бар-жоғы анықталуда
СІМ Сирияда жүрген қазақстандық балалар туралы айтты
СІМ Сирияда құтқарылған қазақстандық балалардың елге қашан жеткізілетінін айтты
Ұшақ, аспан

Қазақстан мен Ресей арасындағы әуе қатынасы жанданады

14
Бұған дейін екі ел арасында репатриациялық рейстер ғана жүзеге асырылды. Ол үшін құзырлы органдардың келісімін алу керек болатын

НҰР-СҰЛТАН, 20 қыркүйек — Sputnik. Ресей өз аумағына Қазақстан азаматтарының кіруіне рұқсат берді. Шектеу коронавирустың таралуына байланысты енгізілген болатын.

"Қазақстан, Қырғызстан, Беларусь және Корея елдерінің азаматтарына және осы елдерде тұруға ықтиярхаты барларға Ресейге әуе өткізу пунктері арқылы кіруге рұқсат етіледі. Ресейліктер де бұл елдерге емін-еркін бара алады", - делінген Ресей үкіметінің сайтында жарияланған ақпаратта. 

Бұған дейін екі ел арасында репатриациялық рейстер ғана болды. Ол үшін құзырлы органдардың келісімін алу керек еді.

Рейстер аптасына бір рет жүзеге асырылады.

Қазақстан мен Ресей арасындағы әуе қатынасы 21 қыркүйекте жанданады.

14
Роза Рымбаева мен Бақытжан Сағынтаев

Роза Рымбаева Алматының құрметті азаматы атанды

85
"Алматының құрметті азаматы" атағы тоғыз тұрғынға берілді. Сағынтаев олар қаланың қалыптасуы мен дамуына ерекше үлес қосқанын атап өтті

НҰР-СҰЛТАН, 20 қыркүйек – Sputnik. Қала күнінде Қазақстанның халық әртісі Роза Рымбаева "Алматының құрметті азаматы" атағына ие болды.

Алматы әкімі Бақытжан Сағынтаев қаланың қалыптасуы мен дамуына ерекше үлес қосқан қала тұрғындарының еңбегін атап өтілгенін айтты. 

"Белгілі қоғам мен саяси қайраткерлер, ғылым мен білім, медицина мен мәдениет, кино мен әдебиет саласының қызметкерлері қоғамға қызмет етіп қана қоймай, ұрпақтар сабақтастығын қамтамасыз етіп, өскелең ұрпақ үшін үлгі болуда", - деп жазды Сағынтаев.

"Алматының құрметті азаматы" атағы Роза Рымбаевамен қатар экономика ғылымдарының докторы  Рахман Алшанов, мемлекеттік және қоғам қайраткері Тұрарбек Асанов, білім саласының ең сіңірген қайраткері Шамша Беркімбаева, Алматы ардагерлер кеңесінің төрағасы Ахан Бижанов, Қазақстанның халық әртісі, актер, кинорежиссер Досхан Жолжақсынов, Қазақстанның халық жазушысы Қабдеш Жұмаділов, медицина ғылымдарының докторы Нина Каюпова және Алматының басты реаниматологы Тілеуберді Қуандықовқа берілді. 

85
Кілт сөздер:
құрметті азаматтар, Алматы, Роза Рымбаева
Тақырып бойынша
"Бәрін Тасқынмен салыстырдым": Роза Рымбаева туралы қызықты деректер
"Әлем елдеріне үлгі боларлық дүние": Тоқаев Роза Рымбаеваға алғыс айтты
"Бала-шағамды зейнетақымен асырап отырмын": Роза Рымбаева карантиндегі өмірі жайлы
"7500 теңге таратамыз": Роза Рымбаеваның ұлы желіде тараған ақпарат туралы жазды  
Роза Рымбаеваның ұлы үйленді: қызын ұзатқан отбасыға айыппұл салынды