Дәрі-дәрмек

Қазақстанда тегін дәрі-дәрмекті кім және қалай алады?

1152
Бүгінгі таңда қазақстандықтар дәрі-дәрмектің 274 түрін тегін ала алады

АСТАНА, 19 қазан — Sputnik. Денсаулық сақтау министрінің жаңа бұйрығына сәйкес, халық аурудың 45 тобы бойынша дәрі-дәрмектің 274 түрімен тегін қамтылып келеді. Сондай-ақ, халықаралық денсаулық сақтау ұйымының кеңесімен тиімділігі төмен әрі науқастарды емдеу кезінде көп қолданылмайтын дәрі-дәрмектер тізімнен шығарылды. Мұнымен қатар, керісінше тегін берілуі тиіс дәрі-дәрмектің тізіміне метоклопрамид, диазепам, бисакодил, спиронолактон, торасемид, морфин, фентанил, преднизолон, дексаметазон, омепразол, амитриптилин, карбамазепин, трамадол, кетопрофен кіретін 15 дәрі түрі енгізілді. Осы орайда мұндай дәрі-дәрмекті қайдан және қалай алуға болатынына қатысты анықтамалық ақпарат ұсынады. 

Қазақстан Республикасының денсаулық сақтау министрлігі 2018 жылы тегін амбулаториялық дәрі-дәрмектермен қамтамасыз ету бойынша қаржыландыруды 38% арттырды. Сондай-ақ, 2017 жылдың шілде айында денсаулық сақтау министрлігі мен медициналық қызметтің сапасы бойынша бірлескен комиссия шешімімен 2018 жылға арналған тегін берілуі тиіс дәрі-дәрмектің тізімі қайта қаралып, тағы да дәрі-дәрмектер қосылды. Яғни "Халық денсаулығы және денсаулық сақтау жүйесі туралы" кодекстің 88-бабына сәйкес, Қазақстан Республикасының азаматтары белгілі бір дәрілерді тегін ала алады. Ол дәрі-дәрмектердің тізімін мына гиперсілтемені басу арқылы көре аласыз. 

Тегін дәрі-дәрмекті қайдан және қалай алады?

Азамат тізімдегі тегін дәрі-дәрмекті алу үшін учаскелік немесе профильдік дәрігерден рецепт алып, кейін оны дәріхана қызметкеріне көрсету арқылы алады. Осы тұста барлық дәрінің тегін берілмейтінін және кез келген дәріханадан беріле бермейтінін ескеру қажет. Ал дәріханалар тізімін азамат өзі тіркелген емханадан біле алады. Бұл процестің қалай жүзеге асатынын толығырақ "СК-Фармация" ЖШС қызметкері Іңкәр Мирьякупова айтып берді.

"Қазақстанда 45 түрлі аурудың біріне шалдыққан науқасқа белгілі бір дәрілер тегін беріледі. Бұл тізімге жүрек-қан тамырлары аурулары, вирустық гепатит, қантты және қантсыз диабет, туберкулез, АИТВ, онкология және т.б. ауру түрлері кіреді. Тегін дәрі-дәрмек алу үшін науқас бірінші кезекте тұрғылықты мекенжайы бойынша емханаға тіркеледі. Кейін емханада диспансерлік есепке алынып, тұрақты түрде дәрігерлерге қаралады. Емдеуші дәрігер оған қандай дәрі-дәрмек қолдану керектігін анықтайды", — деді "СК-Фармация" ЖШС қызметкері Іңкәр Мирьякупова.

Әрі қарай осы дәрігер тағайындаған дәрілердің қаншасы ҚР денсаулық сақтау министрлігі бекіткен тізімде бар екені қарастырылады. Яғни дәрігер науқастың денсаулық жағдайына қарап ем түрін тағайындап, оған қажетті дәрі-дәрмектің рецептісін жазып береді. Осы рецептіні науқас емхана қарамағындағы немесе дәрілік препараттарды тегін беруге міндеттелген дәріханаға алып барады. Алматы, Павлодар, Қарағанды, Атырау, Астана, Алматы және Шығыс Қазақстан облыстарында дәрілер емхана қарамағындағы, ал Ақмола, Ақтөбе, Қостанай, Жамбыл, Қызылорда, Маңғыстау, Батыс және Оңтүстік Қазақстан облыстарында арнайы жекеменшік дәріханалардан беріледі. Сондай-ақ, маман тегін дәрі тарататын дәріханалардың тізімін қай жерден білуге болатынын түсіндірді.

"Тегін дәрі-дәрмек беретін дәріханалардың тізімін науқас рецепт жазып берген емханадан біледі. Егер науқас қандай да бір себепке байланысты дәрігер жазып берген дәріні тегін ала алмаса, оның "СК-Фармация" ЖШС контакт-орталығына 1439 нөмірі арқылы хабарласуына болады. Бұл нөмірге Қазақстан бойынша хабарласу тегін. Тұтқаның арғы жағында отырған қызметкерлер өз кезектерінде науқасқа қажетті дәріні неліктен дәріхананың бермей отырғанын және қажетті дәрі аталған аймаққа қашан жеткізілетінін айтып береді", — деді орталық қызметкері.

Биыл мемлекет тегін амбулаториялық дәрі-дәрмекпен қамту үшін 116,4 миллиард теңге бөлді. Бұл сомаға ҚР денсаулық сақтау министрлігі қосымша қосқан 23 миллиард теңге де кіреді.

Тегін дәрі-дәрмек қандай ауруға шалдыққан кезде беріледі?

 

1 жасқа толмаған сәбилерге келесі жағдайларда тегін дәрі-дәрмек пен құрғақ сүт беріледі:

  • сәбиін емізіп жүрген ана АИТВ инфекциясы мен туберкулездің белсенді түрін жұқтырған болса;
  • балаға туабіткен лактаздық жетіспеушілік, галактоземия, фенилкетонурия және "үйеңкі шырыны" диагнозы қойылса;
  •  бала көпұрықты жүктіліктен туса;
  •  анасы стационарда емделіп жатса;
  •  анасы білім беру ұйымдарының күндізгі бөлімінде оқыса;
  •  анасы цитостатик, радиоактивтік, тиреоидты, психотроптық есірткі қабылдап жүрген болса;
  •  анасы психозға немесе босанғаннан кейін ауыр депрессияға түссе;
  •  туабіткен және жүре пайда болған жүрек кемістігі болса;
  •  жүрек-қан тамырлары жүйесінің декомпенсациясы жүретін жүрек ауруына;
  •  эндокринді аурулардың ауыр формаларына;
  •  аллергиялық аурулардың ауыр түріне;
  •  қан және қан өндіру аппараты жүйесі ауруларының ауыр формаларына;
  •  қатерлі онкологиялық ауруға;
  •  бүйрек жетіспеушілігі салдарынан пайда болатын аурулардың ауыр түріне;
  •  іріңді-сепсистік ауруларға;
  •  гипогалактияның алғашқы формаларына шалдықса.

Ересектер қандай ауру түріне шалдыққанда тегін дәрі-дәрмек беріледі?

  • аортокоронарлық шунттау және стенттеуден кейінгі жүрек қақпақшалары протезделсе;
  • жүректің ишемиялық ауруы;
  • артериялық гипертензия;
  • созылмалы жүрек жетіспеушілігі;
  • аритмия;
  •  пневмония;
  • бронх демікпесі;
  • өкпенің созылмалы обструктивті ауруы;
  •  асқазанның және 12 елі ішектің ойық жара ауруы;
  •  Крон ауруы және бейспецификалы ойықжаралы колит;
  •  миастения;
  • эпилепсия;
  • психикалық аурулар;
  • балалар церебралды сал ауруы;
  • Паркинсон ауруы;
  • қант диабеті;
  • қантсыз диабет;
  •  онкологиялық аурулар;
  •  мүшелер мен тіндерді ауыстырып қондырғаннан кейінгі жағдай;
  •  ревматоидты артрит;
  •  ювенильді артрит;
  •  анкилозды спондилит;
  •  жүйелі қызыл жегі;
  •  гипотиреоз, гипопаратиреоз,тиреотоксикоз;
  •  акромегалия;
  •  мерзімінен бұрын жыныстық жетілу;
  •  гепато-церебралдық дистрофия;
  •  фенилкетонурия;
  •  гемофилия;
  •  АИТВ-инфекциясы;
  •  туберкулез;
  •  В және С вирустық гепатиті;
  •  кистозды фиброз (Муковисцидоз);
  •  мукополисахаридоз;
  •  Гоше ауруы;
  •  ренальді анемиямен созылмалы бүйрек жеткіліксіздігі;
  •  күшейген гломерулярлық аурулар;
  •  аутоиммундық аурулар;
  •   миастения;
  •  гемобластоздар мен апластикалық анемияны қоса алғанда гематологиялық аурулар;
  •  шашыраңқы склероз;
  •  балалардағы жіті фарингит/ларингит/бронхит;
  •  анкилозируемді спондилит.

Тегін берілетін дәрі-дәрмек үшін сізден төлем талап етсе, кімге хабарласып шағымдануға болады?

  •  өзіңіз тіркелген емхана басшылығына;
  •  тұрғылықты мекенжайыңыз бойынша ҚР денсаулық сақтау министрлігі фармация комитетінің департаментіне;
  •  денсаулық сақтау басқармасына;
  •  8 800 080 88 87 нөміріне;
  • 1439 нөміріне.
1152
Кілт сөздер:
ауру, тегін, дәрі-дәрмек, науқас, дәрігер, сәби, Денсаулық сақтау басқармасы, Денсаулық сақтау министрлігі, Қазақстан
Тақырып бойынша
Емханаға қалай тіркелу керек?
Астана қаласында 8 оқушы менингитпен аурухана түсті
Астаналық дәрігерлер босанып жатқан әйелдің жүрегіне ота жасады
Сыртқы істер вице-министрінің миы шайқалып, ауруханаға түсті
Дәрігерлер өлді деген сәби мәйітханада "тірілді"
Ақтөбеде медбике емханаға келген науқас әйелге қол көтерген
Астанада дәрігердің науқасты неге тепкені белгілі болды
Ербол Оспанов

Елбасының бұрынғы бас ұшқышы "Барыс" орденімен марапатталды

69
(Жаңартылды 19:52 13.08.2020)
"Барыс" ордені Қазақстанның мемлекеттілігі мен егемендігін нығайту, бейбітшілікті қамтамасыз ету, қоғамды топтастыру және халық бірлігі ісінде сіңірген ерекше еңбегі үшін беріледі

АЛМАТЫ, 13 тамыз – Sputnik. Елбасы Нұрсұлтан Назарбаевтың алғашқы бас ұшқышы Ербол Оспанов II дәрежелі "Барыс" орденімен марапатталды.

"Қазақстан Республикасы президентінің жарлығымен "Эйр Астана" АҚ Боинг 757/767 командирі Оспанов Ербол Абылайұлы ІІ дәрежелі  "Барыс" орденімен марапатталды", - деп хабарлады азаматтық авиация комитеті.

Мемлекеттік марапатты индустрия және инфрақұрылымдық даму министрі Бейбіт Атамқұлов табыс етті.

Бұған дейін Елбасы Нұрсұлтан Назарбаевтың алғашқы бас ұшқышы болған Ербол Оспанов Sputnik Қазақстан тілшісіне Елбасының қандай жолаушы екенін және Қасым-Жомарт Тоқаевтың қалай борт-радист болғанын айтып берді.

Ербол Оспанов азаматтық авиация саласында 46 жыл жұмыс істеді. 2020 жылы зейнетке шықты. 

Ол 1955 жылы 9 маусымда Өскемен қаласында дүниеге келген. 
Еңбек жолын 1974 жылы Өскемен біріккен авиаотрядының Ан-2 ұшағының екінші пилоты қызметінен бастады.

Пилот Ербол Оспанов
© Sputnik / Тимур Батыршин
Ербол Оспанов азаматтық авиация саласында 46 жыл жұмыс істеді

Ту-154, Боинг-747, Боинг-767 әуе кемелерінде Қазақстан Республикасы Президенті экипажының шеф-пилоты, Қазақстан Республикасы президенті Іс басқармасының "Бүркіт" мемлекеттік авиакомпаниясының" ұшу қызметі жөніндегі директордың орынбасары, Боинг-757, 767 командирі, "Orient EagleAirways" АҚ шеф-пилоты, ұшу қауіпсіздігі жөніндегі инспекция бастығы лауазымдарын атқарды.

2005-2018 жылдары "Эйр Астана" АҚ вице-президенті, 2018 жылдан бастап әуе кемесінің командирі болды.

9 маусымда Оспанов 65 жасқа толды. Ол өзінің кәсіби мансабында 21 мың сағат ұшып, демалысқа шықты, бұл шамамен 2,5 жылға тең. Ол өзінің кейінгі рейсін Боинг-767 ұшағымен Лондон-Алматы бағыты бойынша жасады.

"Барыс" ордені кімге беріледі

"Барыс" ордені 1999 жылы енгізілді. Ол үш дәрежеден тұрады. Қазақстанның мемлекеттілігі мен егемендігін нығайту, бейбітшілікті қамтамасыз ету, қоғамды топтастыру және халық бірлігі ісінде сіңірген ерекше еңбегі үшін беріледі.

Сондай-ақ мемлекеттік, өндірістік, ғылыми, әлеуметтік-мәдени және қоғамдық қызметтегі ерекше еңбегі үшін беріледі.

69
Астана көрінісі

Қазақстанда карантин қалай жеңілдетіледі - комиссия отырысы өтті

1904
(Жаңартылды 19:41 13.08.2020)
Мемлекеттік комиссия 17 тамыздан бастап карантин шараларын кезең-кезеңмен алып тастау жоспарын бекітті

АЛМАТЫ, 13 тамыз – Sputnik. Мемлекеттік комиссия карантинді жеңілдетуге байланысты жұмысын қайта бастайтын қызмет түрлерінің тізімін бекітті, деп хабарлады премьер-министрдің сайты.

Жұмысына қайта кіріседі

  • сауда ойын-сауық орталығы, сауда үйлері (бутиктер), сауда желілері, жабық базарлар (аумағының 30%-нен аспауы тиіс, 1 келушіге 4 ш. м); 
  • сұлулық салондары, шаштараз, СПА орталықтары, косметологиялық қызмет көрсететін нысандар (алдын ала жазылу бойынша 1 келушіге 4 ш.м.); 
  • бассейні жоқ фитнес орталықтары (толымдылығы 50%-тен аспауы тиіс, 1 келушіге 5 ш.м.), бассейні жоқ моншалар мен сауналар (толымдылығы 50%-дан аспауы тиіс, 1 келушіге 4 ш.м.); 
  • балаларға арналған түзету кабинеттері, балалар және ересектерге білім беру орталықтары (топта 5 адамнан артық болмайды, жазылу бойынша қабылдайды); 
  • мектепке дейінгі балалар мекемелерінің кезекші топтары (15 адамнан артық болмауы керек);
  • ашық ауадағы аттракциондар (арақашықтықты сақтау, маска тағу және адамдар ағынын реттеу арқылы жұмыс істейді;
  • Сондай-ақ, 17 тамыздан бастап ашық ауада жеке және топтық жаттығулар жасауға (5 адамнан артық емес) және ұлттық құрама, клуб командалары үшін спорттық жаттығулар жасауға (30 адамнан артық емес) рұқсат етіледі.

17 тамыздан бастап қоғамдық көліктер соңғы аялдамада дезинфекция жасап, орын толуына қарай жүре бастайды. 

Тыйым салынады

  • ойын-сауық, спорттық, отбасылық, естелік, салтанатты және басқа да бұқаралық іс-шараларды өткізуге, сонымен қатар үйде өткізуге;
  • барлардың, түнгі және ойын клубтарының, караоке, фудкорттардың, кинотеатрлардың және балалар мен ересектерге арналған басқа да ойын-сауық орындарының жұмысына;
  • мәдениет нысандарының, музейлердің қызметіне, конференциялар, көрмелер, форумдар өткізуге;
  • бассейндер, қалалық және қоғамдық жағажайлар, ашық аквапарктердің жұмысына; діни нысандардың жұмысына;
  • қала маңындағы жолаушылар пойыздарының/электричкалардың қозғалысына, жұмыс пойыздарын, қалааралық автобустарды/микроавтобустарды қоспағанда, ортақ вагондарды құруға тыйым салынады.

Айта кетейік, эпидемиологиялық жағдайды одан әрі тұрақтандыру мақсатында демалыс күндері шектеу шаралары сақталады.

Қазақстанда карантин шаралары күшіне енгізілген кезеңде эпидемиологиялық ахуал тұрақтандырылып, медициналық ұйымдардың жүктемесі айтарлықтай төмендегені айтылып отыр. Вирусты жұқтырудың тәуліктік өсімі 4%-тен 0,5%-ке дейін төмендеді. Сауығып шыққан адамдар саны 76%-ке жетті.

1904
Кілт сөздер:
карантин, Қазақстан
Тақырып бойынша
ДДҰ карантин режиміне қатысты мәлімдеме жасады
Министр карантин қандай жағдайда ұзартылатынын айтты
Нұр-Сұлтанда қатаң карантин ұзартыла ма – әкім жауап берді
Қазақстанда карантин кезінде қандай мәселе ушыға түскені айтылды
Нұр-Сұлтанда мейрамханалар карантин кезінде жұмыс істеген
АҚШ-тың F-16 әскери ұшағы Ирактың Балада әскери базасында, архивтегі сурет

Иракта болған соғыстың әлемге қандай әсері тиді

0
Автор "Соғысты бастау. Буш әкімшілігі Американы Иракқа қалай итермеледі" кітабын жаза бастағанға дейін Буштың отбасымен достық қарым-қатынаста болған

АҚШ-тың қазіргі ұлттық апатына Ирактағы сәтсіз (немесе арандатқан) оқиғалар себеп болған: дәл қазір бұл айқын сериялар сияқты. Жақында Америкада жарық көрген кітапта 2003 жылдың наурызында Иракқа басқыншылық әрекетті бастау туралы шешімді кім және қалай қабылдағанын егжей-тегжейлі талданған.

Бұл кітап осынысымен ғана жақсы емес. Сонымен қатар бұл жерде сол кездегі басқарушы топ – Джордж Буш пен оның өзге де серіктестерінің бірегейсіздігі ғана емес деген тақырыпта арандату пікірталасын тудырды. "Ал бірегейсіздік қайдан пайда болады?" дегенге нақты себептер де бар.

Әңгіме ауаны Роберт Дрейпердің "Соғысты бастау. Буш әкімшілігі Американы Иракқа қалай итермеледі" (To Start a War, by Robert Draper) деп аталатын жұмысы туралы өрбімек. Автор осы кітапты жаза бастағанға дейін Буштың отбасымен достық қарым-қатынаста болған. Ол бұл кітапты жаза бастағанда, экс-президент онымен сөйлесуден бірден бас тартқан. Ал сол кездегі оның серіктестері бас тартпаған. Дрейпер шенеуніктерден алынып, сол уақыттарда жарияланған жүздеген сұхбаттарды жинақтады. Өйткені, бұл материалдар әрдайым оқуға жарамағанмен, өте пайдалы еді.

Ендеше, бұл мәселенің астарына америкалық азамат ретінде емес, адами көзқараспен үңілу керек. Ирактағы соғыс Америка мен әлемге не әкелді?

90-жылдардағы жағдай осы әлемді басқаратын жалғыз ғана держава бар деген елес кезді. Себебі, сол кездегі держава әлсіз қарсыласпен соғыста айқын жеңіске жете алатындығын әлемге көрсетті (өткен ғасырдың 60-70 жылдарындағы үндіқытайдағыдай емес). Бірақ мұндай жеңіс жеңімпазды жойып жібереді.

Мұндай жағдайда жақын одақтастар (Германия мен Франция), сондай-ақ мейірімді серіктестердің (Ресей) өзіндік көзқарасы болуы тиіс және қажет жағдайда Американы елемесе, ол орынды еді.

Америка өзінің барлық қаржылық және басқа да күштерімен бір елді (яғни Иракты) басып алу арқылы оны бақытқа кенелтіп, гүлдендіре алмады. Бұл әлемдегі ондаған мемлекетті дұрыс ой мен іс-әрекетке әкелуде АҚШ-тың (батыстың да) саяси және құндылықтар жүйесі экспортқа жарамсыз дегенді білдіреді. Яғни, бұл жерде Америкасыз өтіп қана қоймай, қажет болса айналып өту деген сөз.

Егер Ирак авантюрасы болмағанда – қазіргі қаржылық қиындықты айтпағанда, америкалық қоғамның, бүкіл басқару жүйесінің бүгінгідей бүлінуі мен идеологиялық күйреуі болмас па еді? Қалай болғанда да, Ирак мұнда айтарлықтай өзіндік үлесін қосты.

Дрейпердің кітабы бізге ең алдымен америкалық барлаудың деградациясына қатысты кездейсоқ сюжетті көрсетеді. 90-шы жылдардың соңында ЦРУ-дің бірнеше бөлікке бөлінуіне байланысты Билл Клинтон әкімшілігімен арада  проблемалар туындағаны белгілі болды. Бірақ содан кейін 2001 жылдың 11 қыркүйегінде террористік шабуыл болып және сол кездегі ведомство басшысы Джордж Тенет ықпалды жандандыруға үміттенді.

Айтпақшы, ЦРУ-дің 90-жылдардағы сәтсіздіктерінің өзіндік және әртүрлі себептері болды. Бірақ содан кейін күлкілі жағдай орын алды. Атап айтқанда, Таяу Шығыста (бүкіл Ирак тарихының нәтижелері бойынша белгілі болған) ақылды әрі қабілетті мамандардың жетіспеушілігі туындады. Содан кейін Тенеттен болмағанды болдыру талап етілді. Яғни, Ирак жетекшісі Саддам Хусейн 11 қыркүйектегі террорлық шабуылды ұйымдастырған "Аль-Каидамен"* құпия одақтас болғанын және АҚШ-қа қарсы жаппай қырып-жою қаруын дайындап жатқандығын дәлелдеуі керек.

Ал мұндай жағдайда нашар барлау қызметі өзін қалай ұстайды? Жалған деректер жасап, оған сенуді сұрайды. Айтпақшы, "Америкалық сайлауға Ресей араласты" деген ашық айыптауға негізделген жалған деректерді 2003 жылдармен салыстырып қарағанда жағдай әлі де өзгерген жоқ. Жалпылама түрде алғанда ақылды барлау қызметі мемлекет үшін көп ақша үнемдеп, ал ақымақ үлкен проблемалар туғызады.

Бірақ бір ведомствоның сәтсіздікке ұшырауы – мұның өзі ерекшелік. Егер Джордж Буш жеке өзі мен негізгі лауазымдарға тағайындаған адамдар ЦРУ-дан мұндай жалған ақпаратты талап етпегенде, Ирак апаты болмайтын еді. Осылайша, Теннет өзінің кеңсесін Саддамды АҚШ-қа қауіп төндіруші идеясын "халыққа сататын" агенттікке айналдырды. Бірақ оны сол дәуірдің барлық басты кейіпкерлері – қорғаныс министрінің орынбасары Пол Вулфовиц пен оның бастығы Дональд Рамсфелд, вице-президент Дик Чейни және ең алдымен президенттің өзі мәжбүрледі.

Мұны неліктен жасады? Өйткені, олар Американың кедергісіз басшылығы ретінде бүкіл әлемдегі жаһанданудың идеологтары болды. Олар сол бұрынғы лауазымдарында, 90-жылдардың соңында Конгрестің "Иракты азат ету актісін" қабылдауға қол жеткізді. Өздері комиссия құрып, іс жүзінде Ирактан келетін "қауіпті" ЦРУ байқамады деп айыптады (сонымен бірге Иран мен Солтүстік Корея да бар). Ал лаңкес террористер Нью-Йоркке соққы жасаған кезде ел басқарылмайтындай күйге душар болды.

Ал енді Бушқа келер болсақ, кітапта Саддам жай құбыжық еместігі және оны билікте қалдыру мүмкін емес екендігі айтылған.

Дрейпердің сөзіне қарағанда, әкімшілікте Иракта соғыс бастау туралы бір де бір пікірталас болмаған. Әңгіме, тек қана қашан және қалай болатыны туралы өрбіген.

Демек, идеялар алдын-ала іске асқан кезеңде, фактілер де оған сәйкес келуі керек. Олай болмаған жағдайда мемлекеттегі билеуші ​​таптың надандығы мен тозуы орын алады. Президенттер мен премьер-министрлерді немесе патшаларды қандай-да бір жолмен өзгерту мүмкін-ау, ал жалпы ұлтты ауыстыру қиын.

* – Қазақстан мен Ресейде тыйым салынған террористік ұйым.

0
Кілт сөздер:
соғыс, Джордж Буш, АҚШ