Медбике

Қазақстанда химиялық піштіру қалай жүргізіледі?

354
(Жаңартылды 14:54 07.11.2018)
Химиялық піштіруді медициналық мекемеде медбике жүргізсе, ал түрмеде пост бақылаушысы да қатысатын болады

АСТАНА, 5 қараша — Sputnik. Қазақстанның денсаулық сақтау министрлігі педофилдерді химиялық піштіруге қай өңірлерден сұраным түскені туралы мәлімет берді.

Алғашқы химиялық піштіру Түркістан облысының тұрғынына жасалады.

"Әзірше басқа өңірлерден сұраным түскен жоқ", — делінген денсаулық сақтау министрлігінің Sputnik Қазақстанға берген жауабында.

Химиялық піштіру дегеніміз не?

Химиялық піштіру – жыныстық құмартуды төмендететін антиандрогендік препаратты ағзаға енгізу. Оны сот шешімінің негізінде медициналық мекеме жүргізеді.

"Медициналық мекемеде препаратты енгізуді медбике ғана жүргізсе, түрмеде пост бақылаушысы да қатысады", — деп түсіндірді денсаулық сақтау министрлігі.

Химиялық піштіру бір рет қана жүргізіле ме?

Химиялық піштіру кезінде адамның денсаулығы үнемі бақылауда болып әрі психотерапиялық жәрдем көрсетіледі.

Зертханалық тексеру жарты жылда бір рет жүргізіліп, ағзадағы гормон деңгейі анықталады.

Химиялық піштіруді әрі қарай жалғастыру немесе тоқтату шешімін қабылдау үшін комиссиялық тексеру жүргізілуі тиіс.

Химиялық піштіруге қандай препарат қолданылады?

Қазақстанда химиялық піштіруді жүргізу үшін "Андрокур-депо" ("Ципротерон") антиандрогендік препараты пайдаланылады.

354
Кілт сөздер:
химиялық піштіру, жаза, педофил, Қазақстан
Тақырып бойынша
Астаналық әйел сүйіктісінің жыныс мүшесін кесіп тастады
Он үш жастағы қызды азаптап, зорлаған педофил ерлі-зайыпты 100 жылға сотталды
Жасөспірім қызға тиіспек болған педофил итке талана жаздады
5 мың педофил мен қаскөйді ешкім босатайын деп жатқан жоқ – Бас прокуратура
Павлодарда тағы бір педофил сотталды
Бетперде таққан балалар

Қыркүйектің басынан бері 104 оқушы коронавирус жұқтырды Цой

4
Денсаулық министрі әкімдер мектептердегі профилактика шараларының мүлтіксіз орындалуын қамтамасыз етуі қажет деп санайды

НҰР-СҰЛТАН, 30 қыркүйек – Sputnik. Жаңа оқу жылы басталғалы бері Қазақстанда 104 оқушы індетке шалдыққан. Соның ішінде 33 бала мектепте кезекші сыныптарда оқып жүрген оқушылар. Бұл туралы денсаулық сақтау министрі Алексей Цой мәлімдеді, деп хабарлайды Sputnik Қазақстан тілшісі.

"Оқу жылы басталғалы бері 104 оқушы коронавирус инфекциясын жұқтырды, соның 33-і кезекші сыныптарға барып жүрген балалар. Олармен байланыста болған 550 адам анықталды, олардың жетеуі індетке шалдыққан", – деді Цой үкімет отырысында.

Айтуынша, қашықтан оқитындар арасында 71 оқушыда коронавирус диагнозы расталды. Олар 240 адаммен байланыста болған, 15-і індет жұқтырды.

"Барлық оқушы мектепке барып оқығанда, байланыста болғандар саны кемінде 1 500 адамға дейін өсіп, оқушылар, мұғалімдер мен отбасы мүшелері арасында ауру таралып кетер еді", – деді министр.

Оқи отырыңыз: Кезекші топтарда коронавирус анықталса, мектеп жабылуы мүмкін 

Осыған байланысты әкімдер мектептерде санитарлық-дезинфекциялық, маска режимі және басқа да профилактика шараларының мүлтіксіз орындалуын қамтамасыз етуі қажет, деп толықтырды Цой.

4
Кілт сөздер:
коронавирус, балалар
Тақырып:
Коронавирус эпидемиясы
Тақырып бойынша
Карантин аяқталғаннан кейін мектеп формасын кию қайта міндеттеле ме?
Бастауыш сынып оқушыларының 60%-і мектеп партасына отырды
Маңғыстауда мектеп оқушысы жасанды тыныс алдыру аппаратын құрастырды
Қыздар төбелесінен кейін жұмыстан кеткен мектеп директорлары қайта шақыртылды
"Пышақпен қорқытып, видеоға түсірді": Жамбылда бала зорлығына қатысты іс дауға айналды
Нұр-Сұлтан әуежайы

Қазақстан басқа елдермен әуе рейстерін тоқтатады

22
Министрдің айтуынша, анықтама болмаған жағдайда, азаматтар коронавирусқа тексеру үшін екі тәулікке карантиндік стационарға орналастырылады

НҰР-СҰЛТАН, 30 қыркүйек – Sputnik. 5 қазаннан бастап Қазақстан басқа елдермен қосымша әуе рейстерін тоқтатып, Түркияға рейстерді қысқартуы мүмкін. Денсаулық сақтау министрі Алексей Цой үкімет басшысына осындай өтініш айтты, деп хабарлайды Sputnik Қазақстан тілшісі.

"Шет елдерде жағдайдың ушыққанын ескеріп, инфекцияның елге кіруіне және таралуына жол бермес үшін 5 қазаннан бастап басқа елдермен қосымша әуе рейстерін уақытша тоқтатуды ұсынамыз. Сондай-ақ, әуе қатынасы жанданған елдермен рейстерді ұлғайтпай, Түркияға рейстерді қысқартқан жөн деп санаймыз", – деді Цой үкімет отырысында.

Бұған қоса, екінші санаттағы елдерден келетін азаматтар үшін міндетті талаптар бекітілді.

  • Дене қызуын өлшеу;
  • Сауалнама;
  • Коронавирусқа тест тапсырғаны туралы анықтама, берілгеніне 3 тәулік аспауы тиіс.

Министрдің айтуынша, анықтама болмаған жағдайда, азаматтар коронавирусқа тексеру үшін екі тәулікке карантиндік стационарға орналастырылады.

"Мұндай талаптар өткізу бекеттерінде ЕАЭО елдерімен және Өзбекстанмен әуе өткелдерінде мемлекеттік шекараны кесіп өткендерге де қолданылады. Осыған байланысты әкімдерге мемлекеттік шекараны кесіп өту бекеттерінде карантиндік стационарлар мен тестілеуді ұйымдастыруды тапсыруды сұраймын", – деді ол.

Оқи отырыңыз: Денсаулық министрі Қазақстан қандай жағдайда қатаң карантинге оралатынын айтты

22
Кілт сөздер:
әуе қатынасы, карантин
Тақырып:
Төтенше жағдай және карантин
Тақырып бойынша
Ұшақ Алматыны бір сағат айналып ұшты: Air Astana не болғанын түсіндірді
Украинадағы ұшақ апаты: аман қалған жалғыз курсанттың әкесі сұқбат берді
Мәскеу мен Нұр-Сұлтан арасындағы әуе қатынасы қайта жанданады – Ресей елшілігі
Қазақстан мен Түркия арасындағы әуе қатынасы қашан қалпына келетіні талқыланды
Қазақстанда халықаралық әуе қатынасы қашан іске қосылатыны белгілі болды