Қан тапсыру

Министр: Қазақстанда ақшаға қан тапсыратын донорлардың саны азайып келеді

550
(Жаңартылды 19:46 07.11.2018)
Мәжілісте денсаулық сақтау мәселелері туралы заң жобасы бірінші оқылымда мақұлданды

АСТАНА, 7 қараша – Sputnik. Бүгін мәжілістің жалпы отырысында депутаттар денсаулық сақтау министрі Елжан Біртановтан ақылы донорлық қызмет туралы сұрады, деп хабарлайды Sputnik Қазақстан тілшісі. 

Депутат Әлия Сапарова ақылы донорлардың саны және оларға төлем жасау үшін қан орталықтарына қанша ақша қажет екенін сұрады.

Елжан Біртановтың айтуынша, Қазақстанда соңғы он жылда ақылы негізде қан тапсыратын донорлар саны азайып келе жатыр. 

"Бұл халықаралық стандартқа сәйкес біздің жүйелі жұмысымыздың негізінде деп айтуға болады. Қанды тегін тапсыратын донорлар көбейіп келеді. Бұл өте жақсы көрсеткіш", — деді министр мәжілісте. 

Ол әр донорлыққа 8800 теңге төленетінін атап өтті. Төлем мөлшері ведомствоның қаржы құжаттарында бекітілген. 

"Біз әр жылға талдау жасап, қаржы министрлігімен талқылаймы, соған сәйкес қаржыландыру көлемін бекітеміз. Мәселен, қазіргі күні "ақылы" донорлар саны 4,5 процент болса, келесі жылы 4 процентке дейін түсіруді жоспарлап отырмыз. Осыған байланысты жыл сайын қан орталықтарына қаржы бөлеміз. Олар нормативтік-құқықтық негізде ақылы негізде қан тапсырған азаматтарға ақшасын төлеп, бізге есеп беріп тұрады", — деді Біртанов. 

Ал қаржы вице-министрі Қанат Баеділов 2019 жылы ақылы негізде қан тапсыратын донорлар үшін 79 миллион теңге көзделгенін атап өтті.

"Біз денсаулық сақтау министрлігімен бірлесіп ақылы донорлар санын нақты болжай аламыз. Болжау кезінде соңғы жылдардың динамикалық талдауына жүгінеміз. Атап өтсек, соңғы жылдары ақшаға қан тапсырып жатқандардың саны азаюда. Бұл өте дұрыс деп ойлаймыз. Дүниежүзілк денсаулық сақтау ұйымының пікірінше, бұл санның азаюы қанның қауіпсіздігін қамтамасыз етуге басты фактор болып саналады. Сондықтан біз оны жылдан жылға азайтуымыз керек. Келесі жылы ақылы доноция санын 4 процент деп болжап отырмыз, яғни 9 мыңдай адам. Бюджетте бұл мақсатқа 79 миллион теңге қарастырылып отыр", — деді ол.

550
Кілт сөздер:
қан тапсыру, донор, Денсаулық сақтау министрлігі, Елжан Біртанов
Тақырып бойынша
"Өлім жазасына кесеміз бе?". Біртанов дәрігерлер жұмысына қатысты пікір білдірді
Біртанов: көптеген дәрігер жұмыстан кетпек
Біртанов: медициналық техникалардың 35 пайыздан астамы тозған
Біртанов: пациенттердің ашулануына өзіміз кінәліміз – адамдармен жұмыс істеуді білмейміз
Біртанов: санавиация кейде күніне алты рет ұшады
Загрузка...