Алматыда қазақстандық мәнерлеп сырғанаушы Денис Теннің туып-өскен үйіне мемориалды тақта орнатылды

Денис Тенге мемориалды тақта ашылды: Ресейдің атақты жаттықтырушысы арнайы ұшып келді

129
Татьяна Тарасова марқұм спортшыны еске алу үшін Қазақстанға арнайы келді

АЛМАТЫ, 7 қараша — Sputnik. Алматыда спортшы Денис Теннің туып-өскен үйіне орнатылған мемориалды тақта ашылды. Мәнерлеп сырғанаушы тұрған үйдің алдына жүзге жуық адам жиналды, деп хабарлайды тілшісі. 

Бұл айтулы оқиғаға КСРО еңбек сіңірген жаттықтырушысы, халықаралық дәрежедегі КСРО спорт шебері, Ресейдің еңбек сіңірген әртісі Татьяна Тарасова, Қазақстанның халық әртісі Роза Рымбаева, Денис Теннің ата-анасы мен әріптес-достары, Алматы тұрғындары қатысты. 

Алматы қаласы әкімінің орынбасары Арман Қырықбаев өз сөзінде Денис Теннің есімі ел есінен өшпей, барынша насихатталатынын айтты. 

"Бүгін біз Денис Тен туып-өскен үйде мемориалды тақтаны орнатып жатырмыз. Келіп, қолдау білдіріп жатқандарыңыз үшін мың алғыс. Біздің аңыз чемпионның ел есінде сақталып қалуы үшін жұмыс істейтін боламыз. Денис өзін жай ғана мәнерлеп сырғанауға арнаған жоқ, Денис миллиондаған қазақстандықтардың жүрегіне отаны үшін мақтаныш сезімін орната білген жан",  — деді Қырықбаев. 

КСРО еңбек сіңірген жаттықтырушысы Татьяна Тарасова Денис Теннің құрметіне орнатылған мемориалды тақтаның ашылуына қатысты
© Sputnik / Тимур Батыршин
КСРО еңбек сіңірген жаттықтырушысы Татьяна Тарасова Денис Теннің құрметіне орнатылған мемориалды тақтаның ашылуына қатысты

Бұл Татьяна Тарасованың Қазақстанға жасаған алғашқы сапары. Жаттықтырушы Денис Тенмен тікелей таныс болған және өз ұлындай көрген. Құрметпен еске алу үшін спортшының туған жеріне келіп отыр. 

"Денис Қазақстанда тұрғысы келді, Қазақстанның атын шығарғысы келді. Өкінішке қарай Денис осы елде көз жұмды. Ол өз отанын әлемге танытты, Денистің қойылымын тамашалаған миллиондаған көрермен Қазақстанды картадан іздеп, қайда орналасқанын білді. Денис – өз халқы үшін қызмет еткен қазақтың баласы. Денистің ата-анасына қайталанбас тұлғаны тәрбилегені үшін алғысымды білдіремін. Менің көп шәкіртім болды. Денис сол тізімде бірінші орында. Бала күннен бастап өз мамандығын сүйіп, сол жолда ерінбей еңбек етті. Үздіктердің үздігі болды", — деді Тарасова. 

Татьяна Тарасованың айтуынша, Денис секілді талантты адаммен жұмыс істеу адамға бақыт сыйлайды. Ресейде де Тен жаңа толқын спортшыларға үлгі бола береді. 

"Олимпиада чемпиондарының ішінде Денис секілді  шығармашылықпен айналысқан ешкім жоқ. Денис әңгіме, ертегі, музыка жазды. Қазақ халқы оны ешқашан ұмытпайды деп сенеміз. Біз де оны мәңгі жүрегімізде сақтаймыз", — деп түйіндеді сөзін Татьяна Тарасова. 

Роза Рымбаева Денистің Тәуелсіздіктің құрдасы екенін айтып еске алды.

"Денис тазалық пен потриотизмнің символы. Денис  – Тәуелсіздіктің  құрдасы. Денис – біз тәрбиелеп өсірген жастардың бетке ұстары. Жаңадан спортқа келіп жатқан спортшылар Денисті еске алып, құрмет көрсетеді деп сенемін. Денис секілді алдына мақсат қойып,  жетістіктерге жететініне сенемін. Денис мәңгілік есімізде қалсын! Осы жерге жастарымыз келіп гүл қойсын. Әттең, жас кетті, бірақ мәңгілік есімізде қалды", — деді Роза Рымбаева.

  • Ресей Федерациясының бас консулы Евгений Бобров
    Ресей Федерациясының бас консулы Евгений Бобров
    © Sputnik / Тимур Батыршин
  • Татьяна Тарасова  и Денис Теннің анасы Оксана Тен
    Татьяна Тарасова и Денис Теннің анасы Оксана Тен
    © Sputnik / Тимур Батыршин
  • Денис Тен туып-өскен үй
    Денис Тен туып-өскен үй
    © Sputnik / Тимур Батыршин
1 / 3
© Sputnik / Тимур Батыршин
Ресей Федерациясының бас консулы Евгений Бобров
 

Сонымен қатар, бүгін "Денис Теннің қорының" салтанатты ашылуы өтті. Бұл қор жас спортшыларға қолдау көрсету мақсатында құрылып отыр. "Мұз ханзадасы" ісі жалғасын табу үшін құрылған қор БҰҰ, тіпті әлем үшін үлгі болады деп күтілуде.

129
Кілт сөздер:
мемориалды тақта, Татьяна Тарасова, Роза Рымбаева, Денис Тен, Алматы
Тақырып бойынша
Геннадий Головкин Денис Тен туралы: "Мәңгі жадымызда қаласың"
Денис Тен әлеуметтік желіде соңғы рет не жариялады?
Денис Тен қаза тапқан күні күдікті Астанада сотқа келуі тиіс болған
Қасымов: Денис Теннің өліміне қатысты тергеу аяқталды
Сот Денис Теннің өліміне күдіктілерге қатысты шешім қабылдады
Денис Теннің жақындары қазақстандықтарға өтініш айтты
Денис Теннің өліміне қатысты іс: әйелге қандай айып тағылғаны белгілі болды
Психоаналитиктер Денис Теннің әндері кімге арналғанын айтты
Загрузка...