Малика Мұхитова сот залында

Олжас Сүлейменовтің немересінің қазасы: полковниктің қызы қанша жылға сотталуы мүмкін?

4144
(Жаңартылды 15:34 13.11.2018)
27 жастағы Ескендір Сүлейменов Астанадағы қиылыстардың бірінде жол апатынан көз жұмған еді

АСТАНА, 9 қараша – Sputnik. Мемлекеттік айыптаушы Әлішер Бараев Олжас Сүлейменовтің немересі Ескендір Сүлейменов қаза болған жол апатына қатысты іс бойынша айыпталушыны екі жылға бас бостандығынан айыруды және үш жыл көлік жүргізуге тыйым салуды сұрады, деп хабарлайды Sputnik Қазақстан

Астана қалалық екінші сотында Олжас Сүлейменовтің немересі Ескендір Сүлейменов көз жұмған жол апатына қатысты сот процесі жалғасты. Жарыссөз барысында прокурор Әлішер Бараев іске қатысты қолда бар материалдар айыпталушы Мұхитованың кінәсін толық дәлелдейтінін мәлімдеді. Сотталушыға ҚР Қылмыстық кодексі 345-бабы 3-тармағы бойынша (Жол қозғалысы немесе көлікті пайдалану ережелерінің бұзылуынан абайсызда адам өліміне әкеп соққан әрекет) айып тағылып отыр.

"Жаза мерзімін белгілеу кезінде Қылмыстық кодекстің 53 пен 54-баптарында қарастырылған қылмыстық жауапкершілікті жеңілдететін және ауырлататын мән-жайларды қарастыру керек деп санаймын. Қылмысты алғаш рет жасап тұрғаны және өз кінәсін мойындауы жазаны жеңілдететін жайт болды. Айыптаушы тарап жазаны ауырлататын жайтты байқаған жоқ", —деп мәлімеді прокурор. 

Әлішер Бараев соттан Малика Мұхитованы қылмыстық заң бұзушылық жасағаны үшін кінәлі деп танып, үш жылға көлік жүргізу құқығынан айыра отырып, екі жылға бас бостандығынан айыруды сұрады. 

"Мұхитова абайсызда жасалған қылмыс үшін сотталған тұлға ретінде жазасын қауіпсіздігі төмен қылмыстық-атқару жүйесі мекемесінде өтегені жөн", — деп толықтырды ол. 

Сондай-ақ прокурор кепіл түріндегі бұлтартпау шарасын қамауға алуға алмастыруды сұрады. 

Жарыссөз барысында зардап шеккен тараптан қаза болған мотоциклшінің ата-анасы сөйледі. Лейла Сүлейменова мен Сергей Хан мемлекеттік айыптаушының сұрауымен келісіп, сотталушының қамауға алынуын талап етті. 

Еске сала кетсек, белгілі ақын, жазушы Олжас Сүлейменовтің немересі 27 жастағы Ескендір Сүлейменов Астанада жол апатынан көз жұмған еді.  Жол апаты Мәңгілік ел – Керей Жәнібек хандар көшелерінің қиылысында болған. Жас жігіт мотоцикл жүргізіп келе жатқан. Ескендір Сүлейменовті Қызылорда облысы ішкі істер департаментінің бастығы, полиция полковнигі Қайрат Мұхитовтің қызы Малика Мұхитова қағып кеткен. 29 жастағы Малика Мұхитова өткен аптада өткен сот отырысында марқұмның ата-анасынан жылап кешірім сұрады. Өзінің кінәсін толығымен мойындап, зардап шеккен тарапқа материалдық шығынды төлеуге дайын екенін мәлімдеді.

Айтуынша, көлікті 2012 жылдан бері жүргізеді, алты жыл ішінде бірде бір рет жол-көлік оқиғасына ұшырамаған. 

Айыпталушы "Самұрық-Қазына" ұлттық компаниясында жұмыс істейді, тұрмыс құрмаған, бұрын сотталмаған.

24 қазанда өткен сот отырысында зардап шеккен тарап сотталушыдан 14 миллион теңге мөлшерінде материалдық шығын өндіруді талап еткен еді. Алайда бүгін марқұмның отбасы ол талап-арызды қайтарып алды. 


4144
Кілт сөздер:
полковник, жол апаты, Малика Мұхитова, Ескендір Сүлейменов, Олжас Сүлейменовтің немересі, Астана
Тақырып:
Ескендір Сүлейменовтің қазасы (24)
Тақырып бойынша
Олжас Сүлейменовтің немересінің қазасы: Судья марқұмның анасының сөзін жоққа шығарды
Олжас Сүлейменовтің немересінің қазасы: марқұмның анасы мәлімдеме жасады
Олжас Сүлейменовтің немересінің қазасы: отбасы полковниктің қызынан 14 млн теңге сұрады
Олжас Сүлейменовтің немересін қаққан полковниктің қызы сот алдына келді
Алматыда Олжас Сүлейменовтің немересін ақтық сапарға шығарып салды
Олжас Сүлейменовтің немересі жол апатынан көз жұмды – оқиға орнынан видео
Старт ЕНТ 2019

Грант иегерлерінің тізімі қашан жарияланатыны белгілі болды

1
2020 жылғы грант иегерлерінің тізімі 15 тамыз күні сағат 18:00-де testcenterkz парақшасында жарияланады

НҰР-СҰЛТАН, 15 тамыз – Sputnik. 2020 жылғы грант иегерлерінің тізімі 15 тамызда жарияланады, деп хабарлайды Sputnik Қазақстан.

"Грант иегерлерінің тізімі бүгін сағат 18:00-де testcenterkz парақшасында жарияланады", - деп жазды Ұлттық тестілеу орталығының басшысы Дидар Смағұлов Instagram-да.  
Оның айтуынша, комиссия отырысы аяқталып, шешім қабылданған.

1
Алматыдағы Шәмші Қалдаяқов ескерткіші

"Ұлттың баға жетпес байлығы": Тоқаев желіде жазба жариялады

3300
(Жаңартылды 14:34 15.08.2020)
Он бесінші тамызда Қазақстанның халық әртісі, ұлы композитор Шәмші Қалдаяқовтың туғанына тоқсан жыл толды

НҰР-СҰЛТАН, 15 тамыз – Sputnik. Шәмші Қалдаяқовтың шығармашылығы - ұлттың баға жетпес байлығы, дейді президент Қасым-Жомарт Тоқаев.

"Бүгін еліміздің Әнұраны "Менің Қазақстаным" әнінің авторы, ұлт руханиятына талай сырлы саз бен әсем әуен сыйлаған композитор Шәмші Қалдаяқовтың туғанына 90 жыл толды. Шәмші шығармашылығы – ұлттың баға жетпес байлығы. Оның туындыларын кеңінен насихаттау – бүгінгі ұрпақтың парызы", - деп жазды Тоқаев әлеуметтік желідегі парақшасында.

Шәмші Қалдаяқовтың өмірбаяны

Шәмші Қалдаяқов 1930 жылдың 15 тамызында Оңтүстік Қазақстан облысы Отырар ауданы Шәуілдір ауылында дүниеге келген. Ол бірден өнер жолына түскен жоқ. Әуелі Қапланбектегі ветеринарлық техникумды бітірсе, кейін Сахалиндегі әскери училищені, елге келген соң Ташкент қаласындағы Хамза Ниязи атындағы музыка училищесін, содан соң Құрманғазы атындағы консерваториясының композиторлар дайындайтын факультетінде оқыған.

Шәмші Қалдаяқовтың көптеген әні Роза Бағланова, Ришад Абдуллин, Бибігүл Төлегенова, Рашид Мұсабаев, Зейнеп Қойшыбаева сынды әншілердің репертуарынан берік орын алды. Халық арасында "Менің Қазақстаным" туындысы айрықша мәшһүр болды. Қазақтың музыка өнерінде Шәмшінің орны ерекше 300-ге жуық әні бар. 

Артына музыкалық мол мұра қалдырған Шәмші Қалдаяқов 1992 жылы 62-ге қараған шағында Алматы қаласында қайтыс болды.

1991 жылы Шәмші Қалдаяқов жайлы "Жылдарым менің, жырларым менің" атты ғұмырнамалық деректі фильм түсірілді. Осы жылы композитор Қазақстанның халық әртісі атағын алды.

3300
Кілт сөздер:
Шәмші Қалдаяқов, Қасым-Жомарт Тоқаев