Sputnik студиясында Илья Ильиннің қатысуымен өткен баспасөз мәслихаты

Илья Ильин спорттық формасын аукционға қояды

201
(Жаңартылды 10:24 18.11.2018)
Спортшының аты-жөні мен қолтаңбасы бар форманың бастапқы бағасы әзірге белгісіз

АСТАНА, 16 қараша – Sputnik. Ауыр атлетикадан төрт дүркін әлем чемпионы Илья Ильиннің спорттық формасы аукционда сатылады, деп хабарлайды Sputnik Қазақстан тілшісі. 

Ауыр атлеттің спорттық формасы аутизммен ауыратын балаларды қолдауға арналған XI қысқы қайырымдылық маскарад кешінің аукционында сатылады. Қайырымдылық балын жыл сайын "Болашақ" корпоративтік қоры ұйымдастырады.

"Менен қорға не бере аласың деп сұрады. Ары ойлап, бері ойлап, мүмкін медальдарымды сыйға тартсам ба екен дедім. Бала кезде жеңіп алған марапаттарым өте көп. Бірақ бұл тым қарабайыр болып көрінді. Сондықтан спорттық формамды беремін деп шештім", — дейді Ильин Sputnik Қазақстан мультимедиялық орталығында өткен баспасөз мәслихатында. 

Айтуынша, бұл оның былайша айтқанда "жауынгерлік формасы". 2015 жылы Грозныйда өткен чемпионатта киген екен. 

"Спорттық формаларым арнайы тігіледі, ешбір жерде жоқ. Мен үшін әр чемпионат жеке бір тарих. Осындай форманың менде үшеуі бар. Бірі президент Нұрсұлтан Назарбаевтың музейінде. Кезінде Лондон Олимпиадасын жеңген кезде, өз қолымен сыйға тартқан едім. Екіншісі Алматыда өткен әлем чемпионатында киген формам. Бірақ оның қайда екенін, шынымды айтсам, білмеймін", — деп күлді ауыр атлет. 

Ильиннің қайырымдылық аукционына берген формасында спортшының аты-жөні, қолтаңбасы бар. 

Ұйымдастырушылардың айтуынша, аукционда сатылатын спорттық форманың бастапқы бағасы әзірге белгісіз. 

"Қайырымдылық шараларына қатысудан ешқашан бас тартқан емеспін. Керісінше, ұнайды, мұны әрдайым айтып жүремін. Қазақстан азаматы ретінде бір-бірімізге қолдан келгенше көмектесуіміз керек деп санаймын. Маған идея ұнады, қуана-қуана келістім", — дейді ол.  


201
Кілт сөздер:
аукцион, қайырымдылық, спорт, Илья Ильин
Тақырып бойынша
Алексей Ни бәрін қайта бастаған Илья Ильин жайлы пікірін білдірді
Ильин: мен бақытты жанмын
Мешіттер түскен садақа мен қайырымдылық көмек туралы есеп беруге міндеттеледі
Илья Ильин үлкен спортқа қайта оралмақ
Илья Ильин неліктен спорттан өмір бойына шеттетілмегені белгілі болды
Загрузка...