Асылбек Ізбайыров, тарих ғылымдарының докторы

Профессор: қазақ екеніңмен мақтану теріс діни ағыммен күресте басты иммунитет

1963
(Жаңартылды 11:18 23.11.2018)
Дінтанушы маман қазақстандықтарды теріс діннен сақтандыруда ұлттық құндылықтарды дәріптеудің маңызы зор екенін айтып берді

АСТАНА, 19 қараша — Sputnik, Қарлыға Бүйенбай. Лев Гумилев атындағы Еуразия ұлттық университеті дінтану кафедрасының профессоры, тарих ғылымдарының докторы Асылбек Ізбайыров Қазақстанда теріс діни ағымдармен күрес жүргізудің тиімді жолын ұсынды. Дінтанушының айтуынша, радикалдармен күресте қазақ елінің Еуразия кеңістігіндегі алып империяның мұрагері екенін санаға сіңіріп отыру маңызды. Осының арқасында жастардың бойында ұлттық құндылықтарға деген мақтаныш сезімі артып, басқа жұртқа еліктемейтін болады.

Асылбек Ізбайыровтың айтуынша, қоғамдық санада дұрыс діни бағыт-бағдар қалыптастырып, діни топтармен жұмыс жүргізуде ұлттық құндылықтарға баса назар аудару қажет. Мұны осы уақытқа дейін жүргізілген көптеген зерттеу нәтижесі де көрсетіп отыр.

"Бүгінгі қазақ қоғамының ұлттық бірегейлігінің өзі әлі де қалыптасу үстінде. Осыған орай мемлекетіміздің дін саласындағы ұстанған саясаты тек ұлттық ерекшеліктерімізді қалыптастырып, одан әрі дамытқан кезде дұрыс нәтиже береді", — деді профессор.

Тағы оқыңыз:

Сондай-ақ, дінтанушы ақпараттық-идеологиялық кешенді жұмыстар мен іс-әрекеттер "Ұлы дала", "Мәңгілік ел" сынды концепцияларға негіз болып отырған стратегиялық бағдарламалармен үйлесім табуы керектігін айтты. Сол кезде ғана деструктивті, жат діни ағымдармен күрес оң нәтижесін береді.

"Ислам діні мен ұлттық бастаулар арасында қақтығыс көп"

Мұнымен қатар, Асылбек Кәрімұлы антиэкстремистік идеологияның тек діни процесс пен құрылымдар арасында қалып қоймағаны абзал екенін атап өтті. Осы орайда мысал келтірді.

"Түркия мен Малайзия сынды қарқынды дамып келе жатқан зайырлы мұсылман мемлекеттерге қарайтын болсақ, діндар адамдардың саясат мәселесіне келгенде байсалды әрі елдің тұрақты дамуына деген көзқарасы оң. Ең бастысы, олар ислам мен ұлттық патриотизм сезімін ұштастыра біледі. Ал бізде керісінше ислам діні мен ұлттық бастауларымыздың арасында қақтығыс жиі туындап отырады", — деді ол.

Әрі қарай дінтанушы сыннан сүрінбей өткен тәжірибелердің діни дүниетанымы қалыптасқан радикалдар мен діндар жастардың санасын уланудан сақтауда оң нәтижесін беріп отырғанына назар аударды. Мысалы, Қарахан мемлекеті мен Алтын Орданың тарихи мұрасын жаңғырту және Қазақ хандығы тұсындағы мұраларды жаңғырту арқылы біраз нәтижеге қол жеткізуге болады.

Ханафи мәзһабы Қазақстанға қашан келді?

"Тарихқа тереңірек үңілсек, ислам дінінің қазақ қоғамына өте ертеректе келгенін көреміз. Бүгінгі таңда Қазақстанда "қазақтар ешуақытта шын мұсылман болмаған" деген жалған идеология бар. Бұл пікірдің қате екеніне көптеген дәлел келтіруге болады", — деді маман.

Тағы оқыңыз:

Асылбек Ізбайыровтың зерттеуінше, Ханафи мәзһабы Алтын Орда кезеңіндегі Өзбек хан, Әз-Жәнібек хан тұсында еуразиялық кеңістікте тарады. Осылайша Қарахан дәуірі, Алтын Орда мен Қазақ хандығы кезеңдеріндегі тарихи-мәдени жадымызды жаңғырту арқылы бүгінгі таңда дін атын жамылған экстремистік құбылыстарға төтеп бере алатын бірден-бір иммунитет, яғни қазақ екенімізбен мақтану арқылы іште мықты иммунитет қалыптастырамыз.

"Қазақ елі — алпауыт империяның мұрагері"

Қазақстан көптеген ұлт пен ұлыстарды біріктірген ұлы түркілердің, сан алуан дінді тең ұстаған, толерантты бола білген Алтын Орда секілді Еуразия кеңістігіндегі алпауыт империяның мұрагері.

"Бұл өз кезегінде келешекте "қазақ ұлты" мен "қазақстандық қоғам" деген дихотомияны біржолата жойып, ұлттық идеология төңірегіндегі барлық өзекті мәселенің нүктесін қоятынына сенімдімін", — деді Асылбек Кәрімұлы.

Сөз соңында дінтанушы ислам дінінің бірден-бір рәмізі және қазақтардың саяси санасының біртұтастығының тарихи көрсеткіші болып отырған Қожа Ахмет Яссауи сынды кесенелерді келешек ұрпаққа дәріптеп отыруды ұсынды.

1963
Кілт сөздер:
ұлттық құндылықтар, қазақ, экстремизм, теріс ағым, дін
Тақырып бойынша
Умра-2018: Қазақстанда қажылыққа бару бағасы мен шарттары қандай?
Хиджаб киетін он алты оқушының ата-анасына айыппұл салынды
Мектепке хиджаб киюге қатысты Конституция не дейді? Белгілі заңгер жауап берді
Қазақстандықтардың қанша пайызы дін саласындағы саясатты қолдайды?
Митрополит: Террористер діни киімге оранып жүрсе де, шайтанның құлы болып қала береді
Діни қызмет туралы заң жобасы: Хиджабқа тыйым салына ма?
2019 жылы Рамазан айы мен Құрбан айт қашан басталатыны белгілі болды
Ауа райы

Қазақстанда үсік жүреді: алдағы үш күнге ауа райы болжамы шықты

13
(Жаңартылды 15:05 23.09.2020)
Апта соңына қарай елдің басым бөлігінде жауын-шашын біртіндеп тоқтағанымен, республиканың кей өңірлерінде үсік жүреді

НҰР-СҰЛТАН, 23 қыркүйек - Sputnik. Синоптиктер алдағы үш тәулікте Қазақстанда ауа-райының күрт өзгеретінін болжады. Елдің оңтүстік-шығысында қатты жаңбырдың соңы үсікке ұласады.

"Аптаның ортасынан бастап Атлантикалық циклон Қазақстанның солтүстігі мен шығысына әсер етуін жалғастырады. Сондай-ақ, күзгі салқын ауа-райы қалыптасып, жауын-шашын мен жел күшейеді. Ал апта соңына қарай елдің басым бөлігінде ауа-райы батыс антициклонмен анықталады және жаңбыр біртіндеп тоқтайды деп болжанды. Елдің оңтүстік-шығысындағы кей жерлерде үсік жүреді", – делінген Қазгидромет хабарламасында.

Құрғақ және жылы ауа-райы елдің батыс өңірінде ғана сақталады.

24 қыркүйекте мегаполистердегі ауа райы

Нұр-Сұлтанда жаңбырлы ауа-райы сақталады, күндізгі температура: +7 .. + 9 ° C, түнде: +1 .. + 3 ° C. Желдің жылдамдығы 9-14 м / с, күндіз екпіні 15-20 м / с жетеді.

Алматыда күн бұлтты болады, жаңбыр күтілмейді. Температура түнде: +8 .. + 10 ° C, күндіз: +21 .. + 23 ° C.

Шымкентте бұлтты ауа райы сақталады, жауын-шашынсыз. Түнде ауа температурасы: +8 .. + 10 ° C, күндіз: +21 .. + 23 ° C болады. Желдің жылдамдығы: 8-13 м / с.

Күзде ауа-райы қандай болады

Бұған дейін Қазгидромет қыркүйекке арналған ұзақ мерзімді болжамын жариялаған болатын.

Синоптиктердің айтуы бойынша, айдың бірінші жартысында Қазақстанның басым бөлігінде температураның төмендеуі байқалды. Ал енді айдың соңына қарай мұндай ауа райы елдің оңтүстік облыстарында қалыптасады.

Жауын-шашын мөлшері республиканың басым бөлігінде нормадан жоғары болады деп болжанды. Атап айтқанда, Солтүстік Қазақстан, Павлодар, Ақмола, Шығыс Қазақстан облыстарында, Қостанайдың солтүстігінде, Алматының оңтүстік-шығысында, Жамбыл, Түркістан облысының таулы аймақтарында жаңбыр жиі жауады. Ал Маңғыстау, Ақтөбе, Қызылорда облысы мен Қарағанды ​​облысының батысында нормадан аз түседі.

13
Кілт сөздер:
ауа райы болжамы, ауа райы
Дәлізде жүрген дәрігерлер

Тоқаевтың тапсырмасы орындалмай жатыр: мәжіліс министрді есеп беруге шақырды

83
Депутаттың айтуынша, Қазақстанда 12 830 медицина қызметкері індетке шалдыққан. Ал мемлекеттен төлем алуға небәрі 2 475 өтініш түскен

НҰР-СҰЛТАН, 23 қыркүйек – Sputnik. Денсаулық сақтау министрі Алексей Цой мәжіліс депутаттарына президенттің коронавирус жұқтырған медицина қызметкерлеріне төлем төлеу туралы тапсырмасының орындалуы жөнінде есеп береді, деп хабарлайды Sputnik Қазақстан тілшісі.

Мәжілісмен Зәуреш Аманжолова үкімет басшысына жолдаған депутаттық сауалында коронавирус жұқтырған медицина қызметкерлеріне төлемнің уақытылы төленбеу мәселесін қозғады.

Депутат денсаулық сақтау министрлігінің деректерін келтірді. Оған сүйенсек, 22 қыркүйектегі жағдай бойынша Қазақстанда 12 830 медицина қызметкері індетке шалдыққан. Ал мемлекеттен төлем алуға небәрі 2 475 өтініш түскен, бұл ауырғандардың жалпы санының 19%-ін ғана құрайды. Ал біржолғы әлеуметтік төлем тек 1 830 адамға немесе вирус жұқтырғандардың 14,3%-не төленген.

"Коронавирустан қайтыс болған дәрігерлердің отбасына өтемақы төлеу жұмысы мүлде нашар. Бүгінге дейін індеттен 197 медицина қызметкері көз жұмса, денсаулық сақтау министрлігінен төлемге тек 38 өтініш қана түскен. Ал өтемақыны алғандар саны небәрі – 25 немесе марқұм болғандардың жалпы санының 12,7%-і", – деді Аманжолова.

Оның айтуынша, министрлік қызметкерлерінің баяулығынан президенттің тапсырмасы дер кезінде орындалмай жатыр.

"Денсаулық сақтау және еңбек министрліктері өзара іс-қимыл алгоритімін уақытылы пысықтамаған. Салдарынан осындай проблемалар туындап отыр. Осы айтылғандарды ескеріп, сізден бұл мәселені жеке бақылауға алуды сұраймыз", – деді депутат.

Мәжіліс төрағасы Нұрлан Нығматулин жақын арада денсаулық сақтау министрі Алексей Цой осы мәселе бойынша мәжіліске шақырылатынын айтты.

"Келіп есеп берсін. Президенттің тікелей тапсырмасы жарты жыл бойы орындалмай жатыр. Бұған не себеп? Медицина қызметкерлері алғы шепте жүрді, қиын жағдайда жұмыс істеді. Біреулерінің денсаулығы сыр берді, енді бірі қайтыс болды. Ал тапсырма әлі орындалған жоқ. Таяуда Nur Otan фракциясы министрді шақырып, осы мәселені қарастырады", – деді спикер.

Оқи отырыңыз: 51 медицина қызметкері COVID-тан көз жұмды – 10 млн теңге қалай беріледі 

Еске сала кетсек, мемлекет басшысы 30 наурызда COVID-19 жұқтырған дәрігерлерге 2 миллион теңге, ал қайтыс болған жағдайда отбасына 10 миллион теңге өтемақы төлеуді тапсырды.

Президенттің тапсырмасын орындау үшін 9 сәуірде еңбек және халықты әлеуметтік қорғау министрлігі мен денсаулық сақтау министрлігінің Мемлекеттік әлеуметтік сақтандыру қорынан біржолғы төлем төлеу тәртібі туралы бірлескен бұйрығы шықты.

83
Кілт сөздер:
сақтандыру өтемақысы, өтемақы, коронавирус
Тақырып:
Коронавирус эпидемиясы
Тақырып бойынша
Дәрігерлерге тиесілі үстемеақы төлеу кезінде қателік жіберілді
Еңбек министрлігі төлемдерге қатысты ақпарат берді
Төтенше жағдайда қашықтан жұмыс істейтін қызметкерлердің жалақысы қалай төленеді
Індет жұқтырған 1 364 медицина қызметкеріне өтемақы төленді – министрлік
Солтүстік Қазақстанда ауру өршіп тұр: бір тәулікте 180 мың құс қырылып қалды