Смартфон

Смартфонның істен шығуының ең жиі кездесетін себебі белгілі болды

1271
(Жаңартылды 14:15 22.11.2018)
Сарапшылар америкалық қолданушыларға зерттеу жүргізіп, смартфонның бұзылып қалуының ең жиі кездесетін себебін анықтады

АСТАНА, 22 қараша — Sputnik. SquareTrade компаниясының сарапшылары америкалықтарға зерттеу жүргізіп, смартфонның бұзылуының ең жиі кездесетін себебін айтты.

Зерттеуге сүйенсек, адамдардың 66 пайызы өз телефондарын өздері сындырып алған. Сондай жайттардың жартысында (29%) телефонның экраны сынған екен – АҚШ-та бір жыл ішінде 50 миллион гаджет бұзылған. Оны жөндеуге барлығы 3,4 миллиард доллар кетіпті.

Телефон иелері экранға сызат түскенде (27%), батареясы істен шыққан кезде (22%), корпусының қырлары ұрылғанда және сенсорлық басқару істемей қалғана (16 пайыздан) жөндеу шеберханаларының көмегіне жүгінеді.

Сарапшылардың айтуынша, смартфонның сынып қалуының жиі кездесетін себебі – адамның дұрыс пайдаланбауы. Абайсызда жерге құлатып алатындар ең көп кездеседі екен (74%). Суға құлатқандар — 39%, әжетханаға құлатқандар — 26%.

Сонымен бірге тұтынушылар телефонды жөндеуге қанша кететінін білмей, сынған смартфонды ұстап жүре береді немесе жаңасын сатып алады.

1271
Кілт сөздер:
сарапшылар, бұзылу, смартфон
Тақырып бойынша
Еліміздің тұрғындары ұялы телефонын тіркеуге міндеттелді
Енді мұғалімдер смартфон арқылы оқушыға баға қояды
Банк карточкасының сіз білмейтін 8 құпиясы
Загрузка...